Ijtimoiy siyosat

Bugungi yoshlar O'zbekistonni keyingi ijtimoiy-iqtisodiy rivojlanish darajasiga olib chiqadigan avlod bo'lishi mumkin

Sample background

Muammolar

“Tinchlik, iqtisodiy o`sish dinamikasi, ijtimoiy adolat, tolerantlik - bularning barchasi va yana ko`p boshqalari ham, yoshlar salohiyatini tadbiq qilishga bog`liq va bog`liq bo`ladi.”

(Antonio Gutterrish, BMT bosh kotibi, 2018 yil 12 avgust)

O'zbekiston 30 yoshgacha bo'lgan aholisi butun aholining 60 foizini tashkil etadigan noyob demografik holatga yuz tutish arafasida. Keyingi yigirma yilda bugungi kundagi katta bolalar va yoshlardan tashkil topgan aholi ishchi kuchiga aylanadi, bu esa O'zbekiston tarixidagi enk kata ishchi kuchi bo`ladi. Bugungi kundagi to'g'ri sarmoyalar bilan, hozirgi yoshlar  O'zbekistonni keyingi ijtimoiy-iqtisodiy rivojlanish darajasiga ko'taradigan avlodga aylanishi mumkin.

Shu bilan bir qatorda, bugungi kundagi bolalar va yoshlarning farovonligini ta'minlashga muvofiq mablag'ni sarflamaslik yoshlarning huquqlarini ta`minlamaslik va ular orasida ishsizlik darajasini kengayishiga olib kelishi mumkin. Bu esa, o'z navbatida, siyosiy va diniy ekstremizm uchun poydevor yaratishi va mehnat migratsiyasini kuchaytirishi va shu bilan birga juda ham qimmat "demografik dividend"ni yuqotishga olib kelishi mumkin.

Yechim

O'zbekiston Respublikasi Prezidenti va Hukumati har bir yosh fuqaro o'z salohiyatini to`liq ro'yobga chiqarishi uchun zarur ko'mak va imkoniyatga ega bo'lishini ta'minlashga ustuvor ahamiyatni qaratmoqda. Davlatning yoshlar bo`yicha siyosatini takomillashtirish O'zbekistonning 2017-2021 yilgi rivojlanish strategiyasining asosiy ustuvor yo'nalishlaridan biridir. YuNISEF Hukumatni, davom etayotgan islohotlar va tashabbuslar bolalar va yoshlarning huquqlari, qiziqishlari va intilishlarini aks ettirishi va hech qanday yosh inson e`tibordan chetdan qolmasligini ta`minlash qo`llab-quvvatlab kelmoqda.

 

Social policy
UNICEF/2016

YuNISEF o'z dasturlari orqali yoshlar uchun va yoshlar bilan birgalikda ishlashimizni ta`minlash maqsadida, barcha yoshlarning ovozini siyosiy va muhim qarorlarni qabul qilish jarayonida inobatga olinishini qo`llab-quvvatlaydi!

Faoliyatimiz

"O'zbekiston yoshlari: intilishlar, ehtiyojlar va xatarlar" mavzusidagi milliy tadqiqot

Yoshlar uchun milliy tadqiqotning maqsadi yoshlar nuqtai nazaridan davlat siyosatini takomillashtirish va uni amalga oshirishdir.

Tadqiqot yoshlar hayotning asosiy sohalarida, jumladan, ta'lim, ish bilan ta'minlash, oilaviy hayot, fuqarolik va siyosiy huqularini  amalga oshirishni o`z ichiga olgan holda, ehtiyojlari va xatarlarini qamrab oladi. Holatni mazmunli tahlilini ta`minlash uchun O'zbekistonning 12 viloyati, Qoraqalpog'iston Respublikasi va Toshkent shahridan 14 yoshdan 30 yoshgacha 4000 nafar yoshlardan intervyu olinadi.

Tadqiqot metodologiyasi yoshlar siyosatining yetakchi xalqaro ekspertlari tomonidan ishlab chiqilgan va yoshlar uchun o`tkaziladigan so'rovlarning barcha xususiyatlarini hisobga olgan. Tadqiqotni ishlab chiqish jarayoniga Bandlik va mehnat munosabatlari vazirligi, Xalq ta'limi vazirligi, Sog'liqni saqlash vazirligi va Yoshlar ittifoqi kabi milliy hamkorlar jalb qilingan.  

Tadqiqot natijalari 2019 yil bahorida veb-saytda taqdim etiladi

U-Report, raqamli yoshlar ishtiroki platformasi

Social policy
UNICEF/2016

U-Report YuNICEFnin global loyihasidir. U 50 mamlakatda muvaffaqiyatli faoliyat ko'rsatmoqda. O'zbekistonda U-Report YuNISEF va Yoshlar Ittifoqining Oliy Majlis Senati, Xalq ta'limi vazirligi va UCell telekommunikatsiya kompaniyasi tomonidan qo'llab-quvvatlangan qo'shma loyihasidir.

U-Report - yoshlar ishtiroki uchun interaktiv raqamli platformadir. U har bir yosh inson ovozini eshitish va yoshlar va hukumat o'rtasida muloqotni tashkil etish imkonini beradi

U-Report faoliyati, mobil so'rovlarda ishtirok etish va ularga berilgan javoblar U-Report veb-saytida real vaqtda to'planishiga va namoyish qilinishiga asoslanadi. U-report har bir yoshga davom etayotgan tadbirlar va islohotlarda faol ishtirok etish va o'z fikrlarini bildirish imkoniyatini beradi. So'rov natijalari yoshlar bilan bog'liq qarorlarni qabul qilish va xizmat ko'rsatishni ta'minlash uchun foydalaniladi.

U-Report - new digital platform for the youth in Uzbekistan
UNICEF/2018
U-Report - new digital platform for the youth in Uzbekistan
UNICEF/2018

U-Report faoliyatining asosiy tamoyillari ixtiyoriy va erkin ishtirok etish, maxfiylik, real vaqtdagi natijalar va har bir insonning ovozini inobatga olinishidir.

Loyiha haqida batafsil ma'lumot va unga qanday qo'shilish mumkinligini U-Report veb-saytidan https://uzbekistan.ureport.in/

va uning Facebookdagi sahifasidan https://www.facebook.com/UReportUzbekistan/ topishingiz mumkin.

 

SIZNING OVOZINGIZ AHAMIYATGA EGA!