პარტნიორობა და ელჩები

პარტნიორობა იუნისეფის საქმიანობის საფუძველია.

#KidsTakeOver
UNICEF/Geo-2017/Blagonravova

პარტნიორობა

პარტნიორობა იუნისეფის საქმიანობის საფუძველია. 

საქართველოს მთავრობასთან,  საერთაშორისო განვითარების ორგანიზაციებთან, სამოქალაქო საზოგადოებასთან, მედიასა და კერძო სექტორთან თანამშრომლობა უფრო ეფექტიანს ხდის იუნისეფის მუშაობას ბავშვებისათვის.

ჩვენ ვამყარებთ და ვაუმჯობესებთ თანამშრომლობას ბავშვთა კეთილდღეობის მისაღწევად, უთანასწორობის შესამცირებლად და ბავშვის უფლებათა დარღვევის ყველაზე მძიმე ფორმების აღმოსაფხვრელად. 

იუნისეფის ელჩი

იუნისეფის ელჩები გვეხმარებიან თითოეული ბავშვის უფლებათა დაცვაში, მაგალითს აძლევენ ადამიანებს, რომ იზრუნონ ბავშვთა საკითხებზე. 

მსოფლიოს სხვადასხვა ქვეყანაში ჩვენს ელჩებს ერთი რამ აერთიანებთ: ბავშვების ცხოვრების გაუმჯობესებისთვის თავდაუზოგავი ძალისხმევა.  ისინი იპყრობენ საზოგადოების ყურადღებას და მას  ბავშვთა უფლებებისა და საჭიროებებისკენ მიმართავენ. 

Nikoloz Rachveli
UNICEF/Geo-2014/Khizanishvili

იუნისეფის ელჩი საქართველოში

ნიკოლოზ რაჭველი

ცნობილი ქართველი კომპოზიტორი, დირიჟორი და საქართველოს ეროვნული სიმფონიური ორკესტრის სამხატვრო ხელმძღვანელი, ნიკოლოზ რაჭველი, 2017 წელს გახდა იუნისეფის ელჩი საქართველოში.

ელჩის ამპლუაში ნიკოლოზ რაჭველი ეხმარება იუნისეფს შეზღუდული შესაძლებლობის მქონე ბავშვებთა უფლებების დაცვასა და ბავშვთა მიმართ ძალადობის წინააღმდეგ ბრძოლაში.  ის ასევე თანამშრომლობს იუნისეფთან ყველაზე დაუცველი ბავშვების უფლებების ადვოკატირებისთვის.