Ընտանիքներին աջակցող քաղաքականություն վարելու 10 տարբերակ կազմակերպությունների համար
Ինչպես կարող են գործատուներն օգնել ծնողներին իրենց երեխաների համար կյանքի ավելի լավ սկիզբ ապահովելու հարցում
- Հայերեն
- English
Երեխայի առաջին 1000 օրը էապես ազդում է երեխայի ապագայի վրա: Այս շրջանում երեխայի ուղեղը անկրկնելի արագությամբ է աշխատում: Ապացուցված է, որ ճիշտ սնուցումը, խնամքը և սիրով լի միջավայրը, այսինքն՝ ուտելը, խաղալն ու սիրելը, էական են երեխայի կյանքի լավագույն սկիզբ ապահովելու համար:
Ծանրաբեռված ու երկար աշխատանքային ժամերի պատճառով շատ ծնողներ բաց են թողնում իրենց երեխայի առաջին տարիների նշանակալի պահերը: Նրանք ուղղակի այլ տարբերակ չունեն:
Վճարովի ֆիզարձակուրդը, կրծքով սնուցման և երեխաների խնամքի համար նախատեսված հատուկ ընդմիջումներն ու ընտանիքներին աջակցող նման այլ քաղաքականությունները անհասանելի են աշխարհում շատ ծնողների համար:
Որպեսզի իրենց երեխաների կյանքի լավագույն սկիզբն ապահովեն, ծնողները ժամանակի և օգնության կարիք ունեն:
Ի՞նչ կարող են անել ընկերությունները ծնողներին աջակցելու համար
- Նախ ապահովե՛ք, որ հղիության, մայրության կամ ընտանեկան պարտականությունների պատճառով կանայք խտրականության չենթարկվեն ու ունենան նույն աշխատանքային պայմանները, աշխատավարձերն ու կարերիայի աճի հնարավորությունը:
- Մայրերին ամենաքիչը վեց ամիս տևողությամբ, իսկ հայրերին՝ 4 շաբաթ տևողությամբ վճարովի ֆիզարձակուրդ տրամադրե՛ք՝ ապահովելով, որ ծնողները որակյալ ժամանակ անցկացնեն երեխաների հետ, երբ նրանք դրա կարիքն ամենից շատ ունեն:
- Աշխատավայրում հնարավոր դարձրե՛ք կրծքով սնուցումը վճարովի ընդմիջումների և այլ համապատասխան պայմանների շնորհիվ:
- Հասանելի դարձրե՛ք որակյալ խնամքի կենտրոնները և ապահովե՛ք որ երեխաները վաղ մանկական ուսումնառություն ստանան և իրենց ողջ ներուժին հասնելու համար անհրաժեշտ հմտություններ ձեռք բերեն:
- Ճկուն աշխատաժամանակ ունենալու հնարավորություններ սահմանե՛ք, օրինակ՝ տնից աշխատել և այլն:
- Խրախուսե՛ք արժանավայել աշխատանքային պայմաններ, օրինակ փորձե՛ք ապահովել, որ աշախատավարձը համահունչ լինի ապրելու համար անհրաժեշտ գումարին:
- Միգրանտների և սեզոնային աշխատողների խնդիրներին հատուկ ուշադրություն դարձրե՛ք: Օրինակ, աջակցե՛ք աշխատողներին ընտանիքներով տեղափոխվել և աշխատե՛ք, որպեսզի կառավարությունները նույնպես աջակցեն այդ ընտանիքներին:
- Քաջալերե՛ք աշխատավայրում դրական ծնողավարման օրինակները, օրինակ՝ վաղ մանկական զարգացման կարևորության մասին իրազեկման արշավներ ու հատուկ վերապատրաստումներ կազմակերպե՛ք:
- Խրախուսե՛ք նաև գործընկեր և մատակարարար կազմակերպություններին ներդնել ընտանիքներին աջակցող քաղաքականություններ:
- Վաղ մանկական զարգացման կարևորության մասին պատմե՛ք նաև ձեր սպառողներին և հաճախորդներին սոցիալական մեդիաներով և այլ խողովակներով:
Բիզնեսի շահն ակնհայտ է: Ընտանիքներին աջակցող քաղաքականություններ ներդնելով՝ կբարձրացնեք աշխատուժի արտադրողականությունը և աշխատողներին գրավելու, մոտիվացնելու և պահպանելու ընկերության հնարավորությունը:
Ընտանիքներին աջակցող քաղաքականություններից շահում են աշխատողները, ընտանիքները և հասարակությունը: Վաղ շրջանը կարևոր է և վաղ տարիքում երեխաների համար ներդրումներ անելը ոչ միայն ճիշտ, այլև խելացի քայլ է:
