Երեխաների հետ վարվելակերպի հիմնարար խորհուրդներ ծնողների և խնամակալների համար

Ճգնաժամային իրավիճակներում ծնողներն ու խնամակալները նույնպես կարող են հայտնվել բարդ իրավիճակում։ Ահա մի քանի խորհուրդներ ծնողներին։

ՅՈՒՆԻՍԵՖ Հայաստան
Մայրիկը բալկոնում նստած է՝ իր երկու երեխաների հետ գրկված։
UNICEF Armenia/2020/Bulghadaryan
02 Հոկտեմբեր 2020

Երեխաների հետ վարվելակերպի հիմնարար խորհուրդներ ծնողների և խնամակալների համար

Ճգնաժամային իրավիճակներում ծնողներն ու խնամակալները նույնպես կարող են հայտնվել բարդ իրավիճակում։ Դժվար է հոգ տանել երեխաների մասին, եթե խնամակալները նույնպես գտնվում են դիսթրեսի մեջ: Երեխաների համար հոգեբանական առաջին օգնությունը ներառում է նաև օգնություն ծնողներին և խնամակալներին, որպեսզի նրանք կարողանան ավելի լավ կատարել իրենց պարտականությունները և աջակցեն իրենց երեխաներին:

Ահա մի քանի խորհուրդ ծնողների և խնամակալների համար:

ՆՈՐԱԾԻՆՆԵՐ

  • Ստեղծեք ջերմ և ապահով միջավայր:
  • Փաթաթվեք և գրկեք նրանց:
  • Հնարավորության դեպքում պահպանեք երեխայի կանոնավոր քունը և սննդակարգը:
  • Խոսեք հանգիստ և նուրբ ձայնով:
  • Հեռու պահեք բարձր աղմուկից և խառնաշփոթ իրավիճակներից:

ՄԱՆՈՒԿՆԵՐ

  • Փորձեք  նրանց ժամանակ և ուշադրություն տրամադրել:
  • Հնարավորության դեպքում պահպանեք երեխայի կանոնավոր քունը և սննդակարգը:
  • Բացատրեք, որ իրենք մեղավոր չեն կատարվածի համար:
  • Հնարավորության դեպքում ստեղծեք այնպիսի միջավայր, որտեղ երեխաները կկարողանան խաղալ և հանգստանալ:
  • Պարզ պատասխաններ տվեք կատարվածի վերաբերյալ՝ չխոսելով, սակայն, վախեցնող մանրամասների մասին:
  • Թույլ տվեք նրանց ձեզ մոտիկ մնալ, եթե նրանք վախենում են կամ դրսևորում են կպչուն վարքագիծ:
  • Հաճախ հիշեցրեք, որ իրենք ապահով վայրում են:
  • Համբերատար եղեք այն երեխաների հետ, որոնք սկսում են դրսևորել փոքր տարիքին բնորոշ վարքագիծ՝ բութ մատն են ծծում կամ միզում են անկողնում:
  • Խուսափեք փոքր երեխաներին իրենց ընտանիքներից բաժանելուց:

ՊԱՏԱՆԻՆԵՐ ԵՎ ԴԵՌԱՀԱՍՆԵՐ

  • նրանց ժամանակ և ուշադրություն հատկացրեք:
  • Օգնեք պահպանել առօրյա սովորական ռեժիմը:
  • Ներկայացրեք փաստեր այն մասին, թե ինչ է տեղի ունեցել և ինչ է կատարվում:
  • Թույլ տվեք նրանց ազատ լինել իրենց ապրումներում. մի՛ ակնկալեք, որ նրանք անպայմանորեն դիմացկունություն են ցուցաբերելու:
  • Լսեք նրանց առանց քննադատության:
  • Սահմանեք հստակ կանոններ և հստակեցրեք ակնկալիքները:
  • Հարցրեք այն վտանգների մասին, որոնց նրանք հանդիպել են, աջակցեք նրանց և քննարկեք, թե ինչպես կարող են խուսափել հետագա վնասներից: