ՅՈՒՆԻՍԵՖ-ի հայտարարությունը Լեռնային Ղարաբաղում ավելի քան մեկ ամիս տեղի ունեցող մարտական գործողությունների մասին
- Հասանելի է նաև:
- Հայերեն
- English
ԺՆԵՎ / ՆՅՈՒ ՅՈՐՔ, 28-ը հոկտեմբերի, 2020 թ․։ - Նարին, 10 ամսական, Մադին, 1 տարեկան, Այսու, 8 տ․, Վիկտորիա, 9 տ․, Շահրիյար, 13 տ․ Արթուր, 13 տ․, Ֆարիդ, 14 տ․, Ֆիդան, 15 տ․, Նիգար, 15 տ․, Օրխան, 16 տ․: Սրանք այն երեխաների անուններն են, ովքեր սպանվել են Լեռնային Ղարաբաղի հակամարտության գոտում և դրանից դուրս մեկ ամսից ավելի շարունակվող ռազմական գործողությունների հետևանքով։
Շուրջ 130 000 մարդ է տեղահանվել, 76 դպրոց և մանկապարտեզ վնասվել, հրթիռակոծվել՝ ծննդատուն։ Քաղաքացիական բնակավայրերի վրա ամեն օր տեղի ունեցող հրթիռային և ռումբային հարվածների հոգեբանական ազդեցությունն անջնջելի հետք է թողնում անթիվ, անհամար երեխաների վրա։
Չորս շաբաթից ավելի շարունակվող ռազմական գործողությունները, ինչպես նաև, մինչ օրս, երեք անգամ հայտարարված հրադադարը չպահպանելը սարսափազդու հետևանք է ունենում երեխաների համար։
ՅՈՒՆԻՍԵՖ-ը ևս մեկ անգամ կոչ է անում անհապաղ և ամբողջությամբ դադարեցնել ռազմական գործողությունները, որպեսզի որևէ երեխայի կյանք այլևս չկորսվի։
Մամուլի հարցերով պատասխանատու
ՅՈՒՆԻՍԵՖ-ի մասին
ՅՈՒՆԻՍԵՖ-ն աշխատում է, որպեսզի Հայաստանում յուրաքանչյուր երեխա լինի սիրված, սնված և խնամված: Հիմնվելով 70-ամյա միջազգային փորձի և Հայաստանի երեխաների համար 25 տարվա հաջողությունների վրա՝ ՅՈՒՆԻՍԵՖ-ը պարտավորություն է ստանձնում բարելավելու ամենախոցելի՝ աղքատության և մեկուսացման մեջ ապրող երեխաների կյանքը: Ծնվելու պահից մինչև ավագ դպրոցի ավարտը՝ ՅՈՒՆԻՍԵՖ-ն աշխատում է իր գործընկերների հետ, որպեսզի Հայաստանում յուրաքանչյուր երեխա և ընտանիք կարողանա օգտվել իր համար նախատեսված քաղաքականություններից և ծառայություններից:
Ստեղծման պահից ի վեր՝ ՅՈՒՆԻՍԵՖ-ն ամբողջությամբ ֆինանսավորվում է անհատների, մասնավոր հատվածի, հիմնադրամների և կառավարությունների կամավոր նվիրատվություններով:
Հայաստանում ՅՈՒՆԻՍԵՖ-ի գործունեությանը ավելի մանրամասն ծանոթանալու համար կարող եք այցելել www.unicef.am և www.babycef.am կայքերը կամ հետևել մեզ հետևյալ սոցիալական հարթակներում` Facebook, Twitter, Instagram և YouTube-ում:
