Rinia e ngre zërin drejt ndryshimeve të nevojshme mjedisore

Nuk ka dyshim se Maqedonia e Veriut po përballet me një nga sfidat më serioze mjedisore në dekadën e fundit – nivelin e ndotjes së ajrit. Përgjatë viteve, Shkupi si kryeqytet dhe shumë qytete të tjera në vend kanë arritur pikat më të larta në shkallën e qyteteve me ajër më të ndotur në botë. Kjo gjendje ndikon në jetën e mijëra qytetarëve në bazë vjetore, si dhe ndikon në motivimin dhe shpresën tek të rinjtë se do të ndodhin disa ndryshime sistematike. Perceptimet e të rinjve janë pasojë e mungesës së veprimeve dhe investimeve në krijimin dhe administrimin e politikave mjedisore në nivelin lokal dhe atë nacional.

Megjithatë, kur është fjalë për vendimmarrje dhe për atë që e kanë për ta thënë të rinjtë, sipas një ankete të realizuar në vitin 2021 nga Forumi Rinor Arsimor, më shumë se një e treta e të rinjve të Maqedonisë së Veriut pohojnë se nuk marrin pjesë në proceset vendimmarrëse të njësive të qeverisjes qendrore dhe vendore.

Përveç kësaj, një studim i realizuar kohëve të fundit nga UNICE hodhi dritë mbi faktin se rreth 72 për qind e qytetarëve të Maqedonisë së Veriut shprehin shqetësime se si ndryshimet klimatike mund të ndikojnë në jetën e tyre, ndërsa popullata e re e përfshirë në anketë është perceptuar si shumë e motivuar për të ndërmarrë veprime.

Kjo ka shpirë në zhvillimin e programit të të rinjve për mbështetje të mjedisit “Rinia për ajrin”, i cili synonte ta stimulonte pjesëmarrjen dhe mbështetjen e të rinjve për cilësinë e ajrit dhe t'i fuqizonte ata për të ndërmarrë veprime rreth çështjeve mjedisore.

Në këto kondita, 30 të rinj pjesëmarrës nga komuna të ndryshme të vendit kanë marrë pjesë në dy module trajnimi, njëri prej të cilëve u dha mundësinë të zhyten më thellë në rrënjët dhe shkaqet e ndotjes së ajrit dhe mbështetjes dhe teknologjitë digjitale, ndërsa tjetri, i quajtur “Mediaton”, u dha atyre mundësinë për të punuar me videografë, grafistë, fotografë profesionistë dhe gazetarë për krijimin dhe konceptimin e përmbajtjes digjitale.

Mediatoni u zhvillua në Shkup dhe rezultoi me prodhimin e një fishekzjarre me përmbajtje digjitale, e cila përmban mesazhe mbështetëse që duhet t’i ndjekin të rinjtë, duke e adresuar nevojën urgjente për përmirësimin e cilësisë së ajrit.