Burimet për fëmijët dhe prindërit mbi mbështetjen e zhvillimit social dhe emocional
UNICEF ka bashkëpunuar me Think Equal (Mbretëria e Bashkuar) dhe “Svetot na Bibi” (Bota e Bibit) për të prodhuar një seri filmash vizatimorë dhe materialesh argëtuese edukative
- English
- Македонски
- Shqip
Fëmijët, të cilët e krijojnë një bazament të fortë emocional në vitet e hershme, më vonë në jetë kanë aftësi për t’i menaxhuar më mirë ndërveprimet e përditshme shoqërore. Zhvillimi emocional dhe social i fuqizon fëmijët të rriten të vetëdijshëm dhe të sigurt, që t’i menaxhojnë emocionet dhe impulset e vështira dhe ta mishërojnë ndjeshmërinë, e cila ndihmon në përmirësimin e arritjeve të tyre arsimore dhe e avancon shëndetin e tyre mendor.
UNICEF ka bashkëpunuar me Think Equal (Mbretëria e Bashkuar) dhe “Svetot na Bibi” (Bota e Bibit) për të prodhuar një seri filmash vizatimorë dhe materialesh argëtuese edukative, me qëllim që ta mbështetin zhvillimin e aftësive sociale dhe emocionale te fëmijët e moshës parashkollore. Materialet u zhvilluan me mbështetjen e Qeverisë së Mbretërisë së Bashkuar dhe Ambasadës Britanike në Shkup dhe tani janë në dispozicion falas për të gjithë prindërit, mësuesit dhe kujdestarët.
Për më shumë burime të dobishme mbi zhvillimin social dhe emocional, vizitoni platformën shtetërore të mësimit Eduino.
Think Equal (UK)
UNICEF ka krijuar partneritet me Think Equal (MB) për të prodhuar një sërë filmash vizatimorë për ta mbështetur zhvillimin e aftësive sociale dhe emocionale te fëmijët e moshës parashkollore – dhe për të zhvilluar ndjeshmëri, mirësi, këmbëngulje, mendim kritik, zgjidhje konfliktesh, vetëvlerësim, komunikim, vetëdije dhe kështu me radhë. Filmat vizatimorë janë versione të animuara të librave me ilustrime Think Equal, të cilët tashmë janë zyrtarisht pjesë e Programit Nacional për Mësim dhe Zhvillim të Hershëm.
Svetot na Bibi
UNICEF ka bashkëpunuar me “Svetot na Bibi” (Bota e Bibit) për të prodhuar një sërë materialesh argëtuese edukative për t'i ndihmuar fëmijët që t’i njohin dhe menaxhojnë emocionet e tyre, por gjithashtu t’i frymëzojë prindërit se si ta promovojnë zhvillimin e fëmijës së tyre dhe të krijojnë një mjedis edukues. Materialet përfshijnë Bibin, Bobin dhe miqtë e tyre të paraqitur në tetë episode të animuara si dhe një libër elektronik me ilustrime, që gjendet në dispozicion në gjuhën maqedonase dhe atë shqipe.
