Хоол тэжээл
Зөв зохистой хоол тэжээл чухал нөлөөлөх хүчин зүйлийн нэг: тэжээллэг хоол хүнс хэрэглэдэг хүмүүс эрүүл, бүтээмж өндөртэйгөөс гадна сурах чадвар сайтай байдаг.
- Боломжтой:
- English
- Mongolian
Тулгарч буй сорилтууд
Монголын хүүхдүүдийн хоол тэжээлийн өнөөгийн байдал санаа зовоосон асуудлын нэг байсаар байна. Нийгмийн эрүүл мэндийн асуудалд хүүхдийн витамин, эрдэс баялгийн дутагдал, биеийн өсөлт хөгжлийн дутмаг асуудал хэвээр байсаар байна. Үүнээс гадна таргалалт, биеийн жингийн илүүдэл хүүхэд төдийгүй насанд хүрэгчдийн аль алинд нөлөөлж байгаа нь Монгол улсыг хоол тэжээлийн зөв зохисгүй хэрэглээ хоёр дахин их гэж харуулахад хүргэж байна. Сүүлийн жилүүдэд хүүхдийг хөхөөр хооллох нь багасаж байна.
Төсөв хөрөнгийг хангалттай хуваарилахгүй, хүний нөөц хангалтгүй байдаг нь хүүхдүүдэд чанартай хоол тэжээлийн үйлчилгээ хүргэхэд нөлөөлдөг. Хүүхэд асрагч хүмүүсийн мэдлэг, асаргаа, хоол тэжээл нөхцөл хангалтгүй байдаг нь хүүхдийн хоол тэжээлийн зөв зохисгүй хэрэглээнд гол нөлөө үзүүлж байна.
НҮБ-ын Хүүхдийн Cангийн үйл ажиллагаа
НҮБ-ын Хүүхдийн Cан нь:
- Хүүхдийг хөхөөр хооллох, хүнсний үндсэн бүтээгдэхүүний аюулгүй байдал, хүүхдийн хүнсний зар сурталчилгааны хууль эрх зүйн орчныг сайжруулахтай холбогдсон баримт нотолгоог бүрдүүлэх,
- Эмчилгээний өмнөх ба эмчилгээний үеийн цөм хөтөлбөрт хоол тэжээлийн модулийг тусгах,
- Сургуулийн өмнөх ба сургуулийн боловсролын хүрээнд эрүүл хүнсний орчин, хоол тэжээлийн боловсролыг бий болгох,
- Хүрч ажиллахад хүндрэлтэй газруудын хамгийн эмзэг бүлгийн хүүхдүүдийн дунд үр өгөөж өндөр, өртөг зардал багатай хоол тэжээлийн арга хэмжээг дэлгэрүүлэх,
- Төлөвлөлтийг дэмжих мэдээлэл, дүн шинжилгээ, хяналт шинжилгээг оруулан хоол тэжээлийн хяналтын тогтолцоог бэхжүүлэх чиглэлээр ажиллаж байна.
Гол үр дүн:
- НҮБ-ын Хүүхдийн сан жирэмслэхийн өмнө ба жирэмслэлтийн явцад хоол тэжээлийн тусгай хэрэгцээтэй хүмүүсийг оруулан, хүүхдийн амьдралын мөчлөгийн эхэн үеэс эхлэн насанд хүрэх хүртэлх хугацаанд эрүүл хооллолтыг хангахад чиглэсэн Хоол тэжээлийн үндэсний хөтөлбөрийг гаргахад дэмжлэг үзүүлэн ажилласан.
- НҮБ-ын Хүүхдийн сангийн дэмжлэгээр Хөвсгөл аймаг, Налайх дүүрэгт орон нутагт түшиглэсэн нялх ба бага насны хүүхдийн хоол тэжээлийн асуудлаар зөвлөгөө өгөх үйлчилгээг бий болгож, тухайн орон нутгийн эрүүл мэндийн үндсэн үйлчилгээтэй холбож өгсөн. Үйлчилгээнд биеийн өсөлт хөгжил дутмаг гэж тодорхойлсон цөөн хүүхэд хамрагдсан талаар мэдээлсэн.
- НҮБ-ын Хүүхдийн сан охид, хөвгүүд, эмэгтэйчүүдийг хоол тэжээлийн статусыг хамгаалах онцгой байдлын үед хүргэх хоол тэжээлийн үйлчилгээний чадавх, бэлэн байдлыг үндэсний хэмжээнд сайжруулахад дэмжлэг үзүүлсэн.
