Fiarovana ny ankizy
Ny UNICEF dia miasa mba ho lehibe ao anaty tontolo voaaro amin'ny herisetra sy ny fanararaotana ny ankizy tsirairay
Ny sedra misy
2 amin'ny 5
Ankizivavy 2 amin'ny 5 no manambady na miditra amin'ny fiarahan’olondroa alohan'ny faha-18 taonany, mahatonga an'i Madagasikara ho iray amin'ireo firenena manana taha ambony indrindra maneran-tany amin'ny fanambadian’ny zaza tsy ampy taona.
1 amin'ny 2
Saika zaza 1 amin'ny 2, 5-17 taona izany hoe zaza tsy ampy taona nefa tafiditra amin’ny sehatry ny asa (47%); Mahakasika bebe kokoa ny zazalahy (50%) mihoatra amin’ny zazavavy (44%), mahakasika ihany koa ny ankizy avy any ambanivohitra (51%) sy faritra an-tanàn-dehibe (32%), ary ankizy avy amin'ny fianakaviana sahirana (57%).
9 amin'ny 10
Ankizy 9 amin'ny 10 no iharan'ny famaizana mampiasa herisetra amin'ny endrika sazy ara-batana na fanararaotana ara-tsaina.
Misy fandeferana manoloana ny herisetra sy ny fampiasana ankizy eo anivon’ny fianakaviana, ambany ny tahan'ny tatitra ary tsy mifanentana amin’ny zava-misy ny fitoriana ny olona mahavanona herisetra amin’ny ankizy, torak’izany koa ny fisorohana ny herisetra sy ny fandraisana an-tànana ireo niharam-boina.
Ny ataon'ny UNICEF
Manamafy ny rafitra fiarovana ny ankizy
Lalàna sy lasitra politika, rafi-piarovana, fandrindrana (Komitim-pirenena momba ny fiarovana ny zaza, tambazotra mpiaro ny zaza (RPE) eny anivon’ny faritra , fonosan-tolotra fototra, Ivontoerana fandraisana an-tànana ny ankizy niharan’ny herisetra ara-pananahana ("Centres Vonjy"), fanangonam-pahalalana, fitsarana ho an'ny ankizy, fandraketana sora-piankohonana.
Mampihena ny herisetra mianjady amin'ny ankizy
Fisorohana amin'ny alalan'ny fanentanana ny fiarahamonina ifotony arahina fanamafisana ny fahalalana sy ny fahaiza-manao ary ny fahafaha-misedra ananan’ny ankizy any amin’ny fiarahamonina sy any an-tsekoly, fanamorana ny fomba fitaterana tranga, fandraisana an-tanana ireo niharan’ny herisetra.
Mampihena ny fanararaotana sy fampiasana ankizy
Fiaraha-miasa amin'ny tontolon’ny fizahan-tany, fiarovana ny ankizy amin'ny fanararaotana amin’ny internet, ady amin’ny fampiasana ankizy
Miady amin'ny fampanambadiana ankizy
Fanatanterahana ny paikadim-pirenena hiadiana amin'ny fanambadian'ny ankizy.
Fiarovana ny ankizy manoloana ny loza
Fandrindrana ny mpisehatra miaro ny ankizy, paikady hoenti-miatrika loza, fiomanana sy fiatrehana (toerana sahaza ny ankizy, fanamafisana ny fahaiza-manao)