III Дүйнөлүк көчмөндөр оюну: Балдардын оюн кербени
Келечек оюндан башталат!
Келечек оюндан башталат!
БУУнун Балдар фонду (ЮНИСЕФ) III Дүйнөлүк көчмөндөр оюндары менен биргелешип “Балдардын оюн кербенин” баштады. Биздин демилгенин урааны – Келечек оюндан башталат!
“Кербен” 2018-жылдын 5-июнунда башталып, Кыргызстандын 14 шаарын жана ар бир облустагы айылдарды кыдырып чыгат
Оюн – балдардын эрте куракта өнүгүүсү, анын ичинде эмоционалдык жактан, дене боюнун жана акыл-эсинин өнүгүүсү үчүн универсалдуу аспап. Оюн – бул уникалдуу инсандын өнүгүүсү үчүн зарыл шарт жана жөнөкөй эмес чечимдерди издөө үчүн мүмкүнчүлүк. Бала кезде башталган оюн өмүр бою адамды жандап жүрөт. Оюн балдар үчүн да, алар менен кошо ойногон улуулар үчүн да пайдалуу жана зарыл. Бала табиятынан эле ийкемдүү болгондуктан оюн ага дүйнөнү жана өзүн таанууга жардам берет. Улуулар болсо оюндун жардамы менен чыгармачылыкка болгон жөндөмдүүлүгүн сактап калышат.
ЮНИСЕФтин маалыматы боюнча, беш жашка чейинки курактагы 85 миллионго жакын бала мектепке чейинки билим берүү жетиштүү деңгээлде камсыздалбаган 32 өлкөдө жашайт. Ошондуктан ата-энелерге бул багытта маалымат берип, аларды балдарын оюн аркылуу өнүктүрүүгө тартуу зарыл.
Биздин “Кербен” – бул ата-энелерге кайрылуу: балдарга мүмкүн болушунча көбүрөөк көңүл бургула. Бул өзгөчө эрте куракта өтө маанилүү, себеби мында баланын инсан катары калыптануусунун пайдубалы түптөлөт. Ал эми муну оюндардын жардамы менен кызыктуу жана натыйжалуу жасоого болот.
Биздин “Кербен” – бул ата-энелерге кайрылуу: балдарга мүмкүн болушунча көбүрөөк көңүл бургула. Бул өзгөчө эрте куракта өтө маанилүү, себеби мында баланын инсан катары калыптануусунун пайдубалы түптөлөт. Ал эми муну оюндардын жардамы менен кызыктуу жана натыйжалуу жасоого болот.
Баланын ийгиликтүү өнүгүүсү үчүн зарыл болгондун баары көчмөндөрдүн салттуу элдик оюндарында бар. Элдик оюндардын жеткиликтүү жана таасирдүүлүгү баланын ой жүгүртүү жөндөмдүүлүгүн активдештирип, айланасындагы дүйнө тууралуу элесин кеңейтүүгө, психикалык процесстерди өнүктүрүүгө көмөктөшөт. “Кербен” маалында сиз бул улуттук оюндарды балдарыңыз менен кошо ойнойсуз, муну менен биздин маданиятыбыздын жана салт-санааларыбыздын эч кимге окшошпогон жана бай дүйнөсүн ача аласыз. Сиз унутта калган бала чагыңызга бир саамга болсо да кайтып барганыңызды сезесиз.
Элдик оюндардын билим берүүчү дарамети өтө чоң. Алар элдин социалдык тажрыйбасын жаратат жана улуулар ошол тажрыйбаны балдарга өткөрүп беришет. Натыйжада балдардын дүйнө жана өз маданияты тууралуу элеси кеңейет.
Балдар кербенинде ар бир облустагы балдар жана улуулар 25 улуттук оюнга катыша алышат. Сыпаттамасы жана оюндардын эрежелери
