ЮНИСЕФ киіз үйі Дүниежүзілік көшпенділер ойындарында: салт-дәстүр, ойындар мен жаңалықтар әлемі!
Балалар мен ата-аналарды біздің шеберлік сағаттарымыз бен дәрістерімізге қатысуға шақырамыз!
- русский
- Қазақша
7-13 қыркүйек аралығында "Қазанат" ипподромының жанында орналасқан "Көшпенділер әлемі" қазақ ауылында балалар мен ересектерге арналған қуаныш, шығармашылық және жаңалықтар аралы - ЮНИСЕФ киіз үйі өз есіктерін ашады. Мұнда әр күн қызықты іс-шараларға: дәстүрлі ойындар, шығармашылық шеберлік сағаттар, балалардың құқықтары туралы дәрістер, көшпенділер мәдениеті туралы көп нәрсе білуге көмектесетін интерактивті бағдарламаларға толы болады.
ЮНИСЕФ киіз үйінің бағдарламасы
ЮНИСЕФ киіз үйінде сізді келесі іс-шаралар күтеді:
Дәстүр әлеміне қызықты саяхат: асық ату мен тоғызқұмалақ, жамбы атудағы дәлдікті тексеріп, арқан тартуда топтық рухтың күшін сезініп, өз қолыңызбен қазақтың дәстүрлі қолөнерін жасаңыз.
Шығармашылық шеберлік сағаттар: қолөнер шеберханаларында талантыңызды ашыңыз, ұлттық кәдесыйлар жасауды және киіз үй жинауды үйреніңіз! Интеллектуалды жекпе-жектер: шахмат және дойбы турнирлеріне қатысыңыз, онда әркім өзінің логикасы мен стратегиялық ойлауын көрсете алады.
Виртуалды шытырман оқиғалар: VR-көзілдірік киіп, Gamelab KBTU-мен бірге Қазақстан тарихы бойынша қызықты саяхатқа аттаныңыз.
Ата-аналар үшін пайдалы білім: ЮНИСЕФ сарапшыларының позитивті ата-ана болу мен балалардың құқықтары туралы әңгімелейтін арнайы сессияларына қатысыңыз.
Уақытты тиімді және көңілді өткізу мүмкіндігін жіберіп алмаңыз! Іс шаралар кестесін қарап шығыңыз және өзіңізге ұнайтынын таңдаңыз:
