ბავშვთა უფლებების ხელშეწყობა საქართველოს უნივერსიტეტების საშუალებით

 1-2 ოქტომბერს ქუთაისში საერთაშორისო კონფერენცია: „ბავშვთა უფლებების საკითხების ჩართვა საუნივერსიტეტო საგანმანათლებლო პროგრამებსა და კურიკულუმებში“ გაიმართა. კონფერენცია გაეროს ბავშვთა ფონდისა და აკაკი წერეთლის სახელმწიფო უნივერსიტეტების პარტნიორობითა და საქართველოს განათლების, მეცნიერების, კულტურისა და სპორტის სამინისტროს ეგიდით  იმართება და ეძღვნება ბავშვთა უფლებების საკითხების ჩართვას საუნივერსიტეტო საგანმანათლებლო პროგრამაში.
ორდღიანმა კონფერენციამ თავს მოუყარა პროფესორებსა და სტუდენტებს, წარმომადგენლებს საქართველოს მთავრობიდან,  არასამთავრობო ორგანიზაციების წარმომადგენლებს, საქართველოში დიპლომატიური კორპუსის წარმომადგენლებს, აგრეთვე სკოლის მასწავლებლებსა და სპეციალისტებს საგანმანათლებლო რესურს-ცენტრებიდან.

ფორუმი წარმოადგენდა სივრცეს დისკუსიებისთვის და  ადგილობრივი და საერთაშორისო სპეციალისტების, მასწავლებლებისა და სტუდენტურ კონკურსში გამარჯვებული სტუდენტების პრეზენტაციებისთვის. დისკუსიების ფოკუსი იყო უნივერსიტეტების როლი ბავშვთა უფლებების ხელშეწყობასა და სოციალურ ნორმებზე ზეგავლენაზე.

კონფერენციაზე უნივერსიტეტებმა წარმოადგინეს საკუთარ ინიციატივები, რომელიც მიზნად ისახავს ბავშვთა უფლებების  საკითხების ჩართვას საუნივერსიტეტო პროგრამებში ბავშვთა უფლებების მომავალი ადვოკატების მოსამზადებლად განათლების, სამართლის, ბიზნესის და სხვა მნიშვნელოვან სფეროებში.

დამატებითი ინფორმაციისთვის გთხოვთ დაუკავშირდეთ: 

ნათია ჯოხაძეს, ელფოსტა: [email protected] და

ნანი ზეინკლიშვილს, ელფოსტა:  [email protected]