Փախստական և հյուրընկալող համայնքների 360 երեխա այսօր ավելի պատրաստ գնաց դպրոց

Աբովյանի՝ Վիկտոր Համբարձումյանի անվան թիվ 10 հիմնական դպրոցում անգամ ամառային արձակուրդի շրջանում շենք մտնելուն պես հեռվից լսվում էին երգի ու երեխաների միախառնված ձայներ: Ամառային տապը բնավ չէր խանգարում 5-6 տարեկան երեխաներին պատրաստվել իրենց կյանքի կարևորագույն իրադարձություններից մեկին՝ առաջին անգամ դպրոց գնալուն՝ առաջին սեպտեբերի 1-ին:

Բողկի ու ադամաթուզի մասին հեքիաթը նրանք լսում են ուշադրությամբ, որովհետև հետո ուսուցչուհին՝ ընկեր Չոմարյանը, հանձնարարություն է տալու: Թիվ 10 հիմնական դպրոցի դասվար Անահիտ Չոմարյանը «Ողջու՜յն, դպրո՛ց» տեղահանված և Հայաստանում ապրող երեխաներին դպրոցին նախապատրաստող ծրագրում ընդգրկված ուսուցիչներից է: Նախագիծն իրականացվում է ՀՀ կրթության, գիտության, սպորտ և մշակույթի նախարարության հետ համատեղ՝ «Դասավանդիր, Հայաստան» կրթական հիմնադրամի հետ գործընկերությամբ:

Մինչ նախագծի մեկնարկը՝ ընտրվել և վերապատրաստվել են մեծ թվով տեղահանված երեխաների հյուրընկալած դպրոցների տարրական դասարանների 20 ուսուցիչ:

Վերապատրաստումներից հետո, ամռան ընթացքում տիկին Չոմարյանը աշխատել է այս խմբում ընդգրկված տասնյոթ երեխայի հետ, որպեսզի երեխաները արագ և դյուրին ադապտացվեն նոր միջավայրին, կարգուկանոնին և կրթության մարտահրավերներին և դպրոցին ավելի պատրաստ լինեն:  

Էդգարն ու Արփին տեղահանվել են իրենց հայրենի համայնքից 2023թ-ի սեպտեմբերին ու հաստատվել Աբովյան քաղաքում: Ամռան ընացքում գրեթե մեկ ամիս ամեն առավոտ եկել են դպրոց:

Արփիի մայրը՝ Տաթև Աղաբեկյանը, պատմում է, որ առաջին մի քանի օրը երեխան դժկամությամբ էր արթնանում, չէր ուզում գնալ դպրոց, բայց հետո, երբ սկսել է շփվել ուսուցչուհու հետ, ցանկացել է ավելի երկար մնալ դպրոցում: 

«Արփին շատ ամաչկոտ է հասակակիցների հետ շփման մեջ, բայց այս դասերի շնորհիվ նա սկսեց ավելի ակտիվ լինել, զգում էի, որ ոգևորված է ամեն օր գնում դասի: Նկատեցի, որ սկսել է ավելի հեշտ շփվել մյուս երեխաների հետ, հաճույքով է խմբային խաղերին մասնակցում: Անգամ դպրոցից դուրս, բակի երեխաների հետ է սկսել ավելի հանգիստ խաղալ: Ամեն օր դասից հետո գալիս ու պատմում է, թե ինչ են արել ու կարևորը՝ ինչ հեքիաթ է այսօր նրանց պատմել ուսուցչուհին», - ավելացրեց Արփիի մայրը: 

Մանկապարտեզ կամ նախակրթարան հաճախած երեխաները մեկնարկային ավելի լավ պայմաններով են սկսում կրթությունը դպրոցում, քան իրենց այն հասակակիցները, որոնք չեն գնացել մանկապարտեզ: Հինգից վեց տարեկան երեխաների նախապատրաստումը դպրոցին մանկապարտեզում իրականացվում է մի շարք ուղղություններով՝ ֆիզիկական, հոգեբանական, սոցիալական, իմացական, և այդ բոլոր ուղղություններով սահմանված են որոշակի չափանիշներ: Կարևոր է դրանք հաղթահարել՝ նախքան դպրոց գնալը: Կարևոր է մինչև ուսումնական տարվա սկսվելը երեխաներին ծանոթացնել դպրոցական միջավայրի հետ՝ դպրոցական շենք, դասասենյակ, ուսուցիչ, շատ երեխաներ և այլն:

Դասընթացի ծրագիրը կազմվել է նախադպրոցական կրթության պետական չափորոշիչային վերջնաարդյունքների հիման վրա: «Յուրաքանչյուր ուսուցիչ հնարավորություն է ունեցել փոփոխություններ և լրացումներ կատարել ծրագրում՝ ըստ իր սաների կարողությունների նախնական հայտորոշիչ գնահատման, ինչպես նաև արձանագրել յուրաքանչյուր երեխայի արդյունքները ծրագրի ավարտին», - մանրամասնեց Ալվարդ Պողոսյանը:

«Ես մեծերի հետ էլ եմ աշխատել ու հասկացել եմ, որ փոքրերի պարագայում ադապտացումն ավելի հեշտ է ընթանում: Այստեղ խաղային մեթոդներով ենք ակադեմիական գիտելիքներ տալիս՝ խաղում ենք, երգում, պարում: Ամեն 15 րոպեն մեկ գործողությունը փոխում ենք, որովհետև այս տարիքի երեխաները շուտ են ձանձրանում և հոգնում», - մանրամասնեց տիկին Չոմարյանը՝ հավելելով.