Նույնիսկ ՔՈՎԻԴ-19-ից առաջ ավելի քան 13 միլիոն երեխա ընդհանրապես չի պատվաստվել․ ՅՈՒՆԻՍԵՖ

Համավարակի պատճառով դադարեցվել են կարմրուկի դեմ պատվաստումների ծրագրերը հիվանդության տարածվածության ամենաբարձր մակարդակ ունեցող 25 երկրներում։

24 Ապրիլ 2020
Փոքրիկը մոր գրկում սպասում է իր հերթական պատվաստմանը։
UNICEF Armenia/2018/Osipova

ՆՅՈՒ ՅՈՐՔ, 25 ապրիլի, 2020թ. - Մինչ աշխարհն անհամբեր սպասում է նոր տիպի կորոնավիրուսի դեմ պատվաստանյութի ստեղծմանը, համաճարակը շարունակում է մեծ թափով տարածվել ամբողջ աշխարհում: Միլիոնավոր երեխաներ կարմրուկի, դիֆթերիայի և պոլիոմիելիտի դեմ կենսական նշանակության պատվաստումներ չստանալու վտանգի տակ են՝ այս ծառայությունները տրամադրող օղակների աշխատանքի ընդհատման պատճառով: Վերջին տվյալներով, պետությունների մեծամասնությունը դադարեցրել է պոլիոմիելիտի, իսկ 25 երկիր հետաձգել է կարմրուկի դեմ զանգվածային արշավները՝ առաջնորդվելով ԱՀԿ-ի նոր ուղեցույցով։

Նույնիսկ մինչ կորոնավիրուսի համաճարակը, կարմրուկի, պոլիոմիելիտի և այլ հիվանդությունների դեմ պատվաստումները յուրաքանչյուր տարի անհասանելի էին 20 միլիոն երեխայի համար: 2018թ․ աշխարհում ավելի քան 13 միլիոն երեխա ընդհանրապես չի պատվաստվել, որոնցից շատերն ապրում են թույլ առողջապահական համակարգ ունեցող երկրներում: Հաշվի առնելով ներկայիս ընդհատումները՝ 2020 թվականի և գալիք տարիների ընթացքում սա կարող է աղետալի հետևանքների բերել։

«Քանի դեռ կորոնավիրուսը շարունակում է տարածվել աշխարհում, կյանքեր փրկող մեր աշխատանքը` ուղղված երեխաներին պատվաստանյութերով ապահովելուն, հույժ կարևոր է», - նշել է ՅՈՒՆԻՍԵՖ-ի իմունիզացիայի հարցերով գլխավոր խորհրդական և բաժնի ղեկավար Ռոբին Նանդին (Robin Nandy): «ՔՈՎԻԴ-19 համաճարակի պատճառով միլիոնավոր երեխաների ճակատագրեր են անորոշության մեջ»:

Ըստ ՅՈՒՆԻՍԵՖ-ի վերլուծության, 2010-2018 թթ․ ընկած ժամանակահատվածում գրեթե 182 միլիոն երեխա կամ տարեկան միջին հաշվով 20,3 միլիոն երեխա, չի ստացել կարմրուկի դեմ պատվաստանյութի առաջին չափաբաժինը: Սա այն պատճառով է, որ կարմրուկի դեմ պատվաստանյութի առաջին չափաբաժնի գլոբալ ծածկույթը կազմում է ընդամենը 86 տոկոս, ինչը բավականին ցածր ցուցանիշ է կարմրուկի բռնկումը կանխելու համար անհրաժեշտ 95 տոկոսից:

Չպատվաստված երեխաների թվաքանակը հանգեցրեց նրան, որ 2019 թվականին կարմրուկի տագնապալի բռնկումներ արձանագրվեցին այդ թվում բարձր եկամուտ ունեցող երկրներում՝ ԱՄՆ-ում, Մեծ Բրիտանիայում և Ֆրանսիայում։  

Ըստ ՅՈՒՆԻՍԵՖ-ի կողմից մշակված տարածաշրջանային նոր բնութագրերի, կարմրուկից բացի, իմունիզացիայի բացերն արդեն իսկ բավականին խնդրահարույց էին: Իսկ այսօր բոլոր պետությունները նաև պայքարում են կորոնավիրուսի բռնկումների դեմ: ՅՈՒՆԻՍԵՖ-ը կենսական նշանակության պատվաստանյութեր է մատակարարում, որպեսզի հիվանդությունների բռնկումներ ունեցող վայրերում երեխաները պատվաստվեն։

Մինչ աշխարհը շտապում է ՔՈՎԻԴ-19-ի դեմ նոր պատվաստանյութ ստեղծել և փորձարկել, ՅՈՒՆԻՍԵՖ-ը և Կարմրուկի և կարմրախտի նախաձեռնությունն ու ԳԱՎԻ պատվաստումների և պատվաստանյութերի գլոբալ դաշինքը կառավարություններին և դոնորներին կոչ է անում.

  • շարունակել իրականացնել պլանային պատվաստումները՝ միևնույն ժամանակ պաշտպանելով բուժաշխատողներին։
  • Երբ համաճարակն ավարտվի, պլանավորել յուրաքանչյուր երեխայի բաց թողած պատվաստումների իրականացումը։
  • Երբ ՔՈՎԻԴ-19-ը պատվաստանյութը ստեղծվի, ապահովել, որ այն հասանելի լինի նույնիսկ ամենակարիքավոր մարդկանց համար:

«Այսօր չպատվաստվող երեխաները չպետք է իրենց ողջ կյանքն ապրեն առանց հիվանդությունից պաշտպանված լինելու», - նշել է ԳԱՎԻ պատվաստումների և պատվաստանյութերի գլոբալ դաշինքի գլխավոր գործադիր տնօրեն Սեթ Բերկլին (Seth Berkley) «ՔՈՎԻԴ-19-ը չպետք է պատճառ հանդիսանա, որ աշխարհում կարմրուկի և պոլիոմիելիտի նման այլ մարդասպան հիվանդություններ վերածնունդ ապրեն»։

Բարձ եկամուտ ունեցող 10 երկների ցանկը, որտեղ երեխաները 2010 – 2018թթ չեն ստացել կարմրուկի պատվաստանյութի առաջին չափաբաժինը  

1. ԱՄՆ: 2,868,000

2. Ֆրանսիա: 680,000

3. Մեծ Բրիտանիա: 585,000

4. Իտալիա: 482,000

5. Ճապոնիա: 386,000

6. Կանադա: 363,000

7. Գերմանիա: 195,000

8. Ավստրալիա: 155,000

9. Չիլե: 155,000

10. Իսպանիա: 141,000

 

Մամուլի հարցերով պատասխանատու

Զառա Սարգսյան
Հաղորդակցման ծրագրերի ղեկավար
ՅՈՒՆԻՍԵՖ Հայաստան
Հեռ: 37477232169
Հեռ: 37410580174
Էլ. Փոստ: zsargsyan@unicef.org

Մուլտիմեդիա բովանդակություն

UNICEF

Այն ամենը, ինչն պետք է իմանան ծնողները երեխային առաջին անգամ պատվաստման տանելիս:

ՅՈՒՆԻՍԵՖ-ի մասին

ՅՈՒՆԻՍԵՖ-ն աշխատում է, որպեսզի Հայաստանում յուրաքանչյուր երեխա լինի սիրված, սնված և խնամված: Հիմնվելով 70-ամյա միջազգային փորձի և Հայաստանի երեխաների համար 25 տարվա հաջողությունների վրա՝ ՅՈՒՆԻՍԵՖ-ը պարտավորություն է ստանձնում բարելավելու ամենախոցելի՝ աղքատության և մեկուսացման մեջ ապրող երեխաների կյանքը: Ծնվելու պահից մինչև ավագ դպրոցի ավարտը՝ ՅՈՒՆԻՍԵՖ-ն աշխատում է իր գործընկերների հետ, որպեսզի Հայաստանում յուրաքանչյուր երեխա և ընտանիք կարողանա օգտվել իր համար նախատեսված քաղաքականություններից և ծառայություններից:

Ստեղծման պահից ի վեր՝ ՅՈՒՆԻՍԵՖ-ն ամբողջությամբ ֆինանսավորվում է անհատների, մասնավոր հատվածի, հիմնադրամների և կառավարությունների կամավոր նվիրատվություններով:

Հայաստանում ՅՈՒՆԻՍԵՖ-ի գործունեությանը ավելի մանրամասն ծանոթանալու համար կարող եք այցելել www.unicef.am և www.babycef.am կայքերը կամ հետևել մեզ հետևյալ սոցիալական հարթակներում` FacebookTwitterInstagram և YouTube-ում: