Të dhëna në shërbim të fëmijëve
Qeverisje dhe llogaridhënie për të drejtat e fëmijëve
- English
- Shqip
Vizioni
Deri në vitin 2031, vendimmarrja e mbështetur në të dhëna do të sigurojë që nevojat e çdo fëmije të njihen dhe të marrin përgjigjen e duhur, duke krijuar mundësi që çdo fëmijë të zhvillohet dhe të përmbushë potencialin e tij.
The challenge
Vendimmarrja për politikat që prekin fëmijët shpesh nuk mbështetet në të dhëna të plota, të sakta dhe të disponueshme në kohë. Mungojnë ende të dhëna të mjaftueshme për të kuptuar dhe monitoruar varfërinë e fëmijëve, rezultatet në të nxënë, zhvillimin në fëmijërinë e hershme dhe situatën e fëmijëve me aftësi të kufizuara.
Në mungesë të evidencave të besueshme, burimet nuk mund të orientohen gjithmonë aty ku nevojiten më shumë, pabarazitë vazhdojnë dhe përparimi drejt Objektivave të Zhvillimit të Qëndrueshëm, objektivave të procesit të anëtarësimit në BE dhe përmbushjes së detyrimeve për të drejtat e fëmijëve mbetet i ngadaltë.
Zgjidhja
Për të adresuar këto sfida, nevojiten sisteme më të fuqishme të të dhënave, përdorim më i mirë i evidencave dhe kapacitete më të forta, në mënyrë që të dhënat të udhëheqin vendimmarrjen dhe të orientohen aty ku nevojiten më shumë.
Në kuadër të Programit të Vendit për periudhën 2027–2031, UNICEF-i do të mbështesë forcimin e sistemeve të të dhënave dhe evidencave në Shqipëri përmes:
- Mbështetjes së sistemeve kombëtare të integruara të të dhënave, që mundësojnë lidhjen dhe përdorimin e informacionit nga sektorë të ndryshëm, përfshirë arsimin, shëndetësinë dhe mbrojtjen sociale.
- Përmirësimit të mbledhjes dhe përdorimit të të dhënave të ndara sipas gjinisë, vendndodhjes, aftësisë së kufizuar dhe faktorëve të tjerë që lidhen me cenueshmërinë.
- Forcimit të kapaciteteve për monitorimin e Objektivave të Zhvillimit të Qëndrueshëm me fokus te fëmijët, në përputhje me kërkesat dhe standardet e BE-së.
- Përdorimit të mjeteve novatore, si panelet e të dhënave në kohë reale dhe të dhënat e mbledhura drejtpërdrejt nga qytetarët, për të përmirësuar planifikimin dhe ofrimin e shërbimeve.
- Forcimit të analizave që evidentojnë pabarazitë dhe të mekanizmave për të ndjekur investimet dhe financat publike të destinuara për fëmijët.
Ndikimi
Duke forcuar mënyrën se si të dhënat mblidhen, analizohen dhe përdoren, UNICEF dhe partnerët synon ta kthejë evidencën në vendimmarrje më të mirë, investime më të mirëorientuara dhe rezultate më të mira për fëmijët dhe të rinjtë. Ndikimi do të ndihet në pikat si:
- Vendimmarrja e bazuar në evidenca mundëson investime më të zgjuara dhe më të efektshme për fëmijët dhe të rinjtë.
- Përmirësimi i transparencës dhe llogaridhënies në reformat që lidhen me procesin e anëtarësimit në BE.
- Identifikimi i hershëm i fëmijëve në rrezik, duke reduktuar përjashtimin dhe përmirësuar shërbimet.
- Qeveria dhe partnerët kanë tashmë rrugë të mbështetura në të dhëna për përmbushjen e objektivave të Garancisë Evropiane për Fëmijët dhe Garancisë për të Rinjtë.