Aftësitë & punësimi
Të nxënit & Aftësitë
- English
- Shqip
Vizioni
Një e ardhme ku çdo i ri në Shqipëri ka një rrugëtim të qartë nga arsimi drejt mundësive, punës së denjë dhe një jete ku mund të bëjë zgjedhjet e veta.
Sfidat
Të rinjtë janë pasuria më e madhe e Shqipërisë, megjithatë shumë prej tyre përballen me pengesa gjatë kalimit nga arsimi drejt punës së denjë. Sot, pothuajse 1 në 4 të rinj në Shqipëri nuk janë në arsim, punësim apo trajnim (NEET), duke u përballur me rrezikun e përjashtimit social, cënueshmërisë ekonomike dhe humbjes së kapitalit njerëzor, i cili është thelbësor për të ardhmen e vendit.
Zgjidhja
Garancia Rinore (GR) ofron një zgjidhje të fuqishme. Si pjesë e reformave të Shqipërisë për integrimin në BE, Garancia Rinore siguron që çdo i ri deri në moshën 29 vjeç të marrë një ofertë cilësore për punësim, vazhdim të arsimit, praktikë profesionale ose stazh brenda 4 muajve nga përfundimi i shkollimit ose nga momenti kur mbetet i papunë.
UNICEF po investon në Garancinë Rinore sepse ajo:
- Thyen ciklin e cenueshmërisë duke u ofruar adoleshentëve dhe të rinjve rrugë drejt zhvillimit të aftësive dhe punësimit;
- Përputhet me prioritetet e BE-së në kuadër të Kapitullit 19 (Politikat Sociale), duke qenë një element qendror i agjendës së Shqipërisë për anëtarësimin në BE;
- Fuqizon zhvillimin e kapitalit njerëzor, i cili është kyç për rritjen dhe stabilitetin ekonomik;
- Promovon barazinë dhe gjithëpërfshirjen, duke siguruar që vajzat, të rinjtë në zonat rurale, të rinjtë me aftësi të kufizuara dhe ata në rrezik migrimi të mos mbeten pas.
Përmes partneriteteve me qeverinë, punëdhënësit dhe shoqërinë civile, UNICEF mbështet:
- Zhvillimin e aftësive në shkolla dhe komunitete;
- Orientimin profesional dhe ndërhyrjen e hershme për të reduktuar braktisjen e shkollës;
- Modele novatore për të nxënit në vendin e punës dhe praktikat profesionale;
- Mjete digjitale për të lidhur të rinjtë me mundësitë në mënyrë të shpejtë dhe efektive.