Reporterët e rinj verifikojnë informatat lidhur me COVID-19

Në përpjekje për të kontribuar në parandalimin e përhapjes së dezinformatave për koronavirusin dhe për t'i promovuar burimet e besueshme të informacionit, reporterët e rinj të UNICEF-it kanë vendosur të verifikojnë saktësinë e informacionit të publikuar në rrjete sociale dhe në media, informacion i cili ka tërhequr vëmendjen e publikut. Gjatë verifikimit të saktësisë së informacionit, ata kanë ndjekur shembullin e Platformës për Shpalosje para Publikut (Raskrinkavanje.me) dhe e kanë përdorur pjesërisht metodologjinë e saj e cila është në dispozicion të publikut.

Mesazhi i reporterëve të rinj të UNICEF-it për të gjithë qytetarët e Malit të Zi është: Le të zgjedhim atë që shikojmë, lexojmë dhe dëgjojmë. Le të zgjedhim kë besojmë. Le të jemi të edukuar në aspektin e mediave, ta verifikojmë dhe ta analizojmë në mënyrë kritike të gjithë përmbajtjen mediatike para se ta ndajmë me të tjerët. Le të zgjedhim atë që publikojmë.