Aplikacioni “Foleja”, partneri juaj i xhepit në prindërim

Në 5 vitet e para të jetës, truri i një fëmije bën 1 milion lidhje të reja nervore çdo sekondë. Mbështetja e zhvillimit të hershëm të trurit mund ta përmirësojë shëndetin, sjelljen dhe të mësuarit gjatë gjithë jetës. Kjo është arsyeja pse Zyra e UNICEF-it në Kosovë është e përkushtuar për zhvillimin në fëmijërinë e hershme.

Rreth 85% e fëmijëve në Kosovë qëndrojnë në shtëpi derisa ta fillojnë shkollën, kështu që prindërit dhe gjyshërit luajnë rolin më të madh në pesë vitet e para të fëmijës së tyre. Fëmijët mësojnë më mirë përmes lojës, por vetëm 1 nga 3 fëmijë të moshës 2-4 vjeç ka prindër që u tregojnë histori, këndojnë këngë ose luajnë lojëra me ta.

Në muajin qershor të vitit 2022, UNICEF-i lansoi aplikacioni “Foleja”, aplikacion gjithëpërfshirës për prindërim që është krijuar për t'u dhënë prindërve dhe kujdestarëve mjetet dhe këshillat e ekspertëve të nevojshme për t'i mbështetur fëmijët e tyre nga mosha 0-6 vjeç.

Prindërit mund ta përdorin aplikacioni “Foleja” për t'i gjurmuar vaksinimet, për t'i regjistruar vizitat shëndetësore dhe për të marrë njoftime për momentet e ardhshme – të gjitha të përshtatura për moshën dhe fazën e zhvillimit të fëmijës së tyre.

Ata gjithashtu mund të shikojnë video me këshilla për ushqimin, sigurinë dhe mësimin e fëmijëve, si dhe se si ta ruajnë shëndetin e tyre mendor. Për t'i inkurajuar të gjithë prindërit të luajnë me fëmijët e tyre, aplikacioni “Foleja” ka një bazë të dhënash me lojëra të ndryshme që zhvillojnë gjuhën, aftësitë motorike dhe zhvillimin emocional dhe social.

Këtu mund të shkarkoni broshurën për prindërimin përmes lojës: Broshura

Për të mësuar më shumë, shkarkoni aplikacionin këtu: https://qrco.de/bd68H4