Տեղաշարժման դժվարություններ ունեցող երեխաների և դեռահասների խնամքի կազմակերպման ուղեցույց
Ուսումնամեթոդական ձեռնարկ մասնագիտական կրթություն չունեցողների համար
- Հայերեն
- English
Highlights
Այս ձեռնարկը նախատեսված է մասնագիտական կրթություն չունեցող այն ընթերցողների համար, ովքեր աջակցություն են տրամադրում կամ իրականացնում են տեղաշարժման դժվարություններ ունեցող երեխաների և դեռահասների խնամքը:
Ձեռնարկը հիմնականում ներառում է խնամքի և աջակցության ընթացքում առաջ եկող դժվարությունների հաղթահարմանն ուղղված տարբեր գործնական խորհուրդներ և ցուցումներ, որոնք խնամվողի առողջությանը և կյանքին ոչ մի վտանգ չեն սպառնում: Ձեռնարկում ներկայացված գործնական հմտությունները և մոտեցումները անմիջականորեն ուղղված են ինչպես խնամողների, այնպես էլ՝ խնամվողների կարիքներին, պահանջներին և ցանկություններին:
Ձեռնարկը, միաժամանակ, ծառայում է որպես ուսումնական նյութ՝ խնամքի ոլորտում աշխատողների համար, քանի որ այստեղ տեղ գտած գործնական պատշաճ հմտություններն ուղղված են տեղաշարժման դժվարություններ ունեցող երեխաներին և դեռահասներին մատուցվող խնամքի ծառայությունների որակի բարձրացմանը, ինչպես նաև՝ խնամողի աշխատանքի կազմակերպմանը և օպտիմալացմանը:
Ձեռնարկը հրատարակության են երաշխավորել Խաչատուր Աբովյանի անվան պետական մանկավարժական համալսարանի հատուկ կրթության ֆակուլտետի խորհուրդը: ՅՈՒՆԻՍԵՖ-ը աջակցել է տպագրությանը և տարածմանը:
