Երեխայի իրավունքների մասին կոնվենցիա

30 տարի առաջ՝ 1989 թ-ին ընդունելով Միավորված ազգերի կազմակերպության Երեխայի իրավուքնների մասին կոնվենցան՝ աշխարհի ղեկավարները պատմական խոստում տվեցին աշխարհի բոլոր երեխաներին: Մանկության վերաբերյալ այս միջազգային համաձայնագիրը Հայաստանը վավերացրել է 1992 թ-ին:

Երեխայի իրավունքների մասին կոնվենցիան, անգին դարձնելով երեխայի իրավունքներն ու պահանջելով պաշտպանել դրանք, ամբողջովին փոխել է երեխաների հանդեպ վերաբերմունքը: Սակայն, նույնիսկ 30 տարի անց, շա՜տ երեխաներ լիարժեք մանկություն չեն ունենում: Դեռևս շա՜տ երեխաների մանկությունն անժամանակ ընդհատվում է:

Մեր սերնդի պատասխանատվությունն է պահանջել կառավարություններից, տեղական ինքնակառավարման մարմիններից և մասնավոր կազմակերպություններից գործել անհապաղ ու մշտապես պաշտպանել երեխաների իրավունքները:

Յուրաքանչյուր տարի Երեխաների համաշխարհային օրվա կապակցությամբ ՅՈՒՆԻՍԵՖ-ը բարձրաձայնում է երեխաներին հուզող խնդիրները: Մենք հարթակներ ենք ստեղծում ու հնարավորություն տալիս երեխաներին և երիտասարդներին բարձրաձայնել իրենց կարծիքն: Երեխաների համաշխարհային օրվա գաղափարը կառուցված է Կոնվենցիայի 12-րդ հոդվածի շուրջ, հոդված՝ ըստ որի յուրաքանչյուր երեխա լսված լինելու, հանրային կյանքին մասնակցելու իրավունք ունի:

Այս տարին, սակայն, հատուկ է, քանի որ տոնում ենք Երեխայի իրավունքների մասին կոնվենցիայի 30-ամյակը: Հայաստանում ՅՈՒՆԻՍԵՖ-ի գրասենյակը այս տարի. նոյեմբերի 18-ից-20-ը պատրաստվում է Երեխաների գագաթաժողով կազմակերպել, որին Հայաստանի բոլոր մարզերից կմասնակցեն 8-9-րդ դասարանցի աղջիկներ և տղաներ: Գագաթնաժողովի նպատակն է՝ շեշտադրել և ողջունել որոշում կայացնողների կողմից երեխայի իրավունքների իրականացման գործում ստանձնած նորացված հանձնառությունները և ցույց տալ այն աշխատանքը, որ իրականցվել է երեխաներին, որպես Երեխայի իրավունքների մասին կոնվենցիայի գործընթացի կարևորագույն մասնակիցներ, փոփոխության գործակալներ և ջահակիրներ ներառելու հարցում:

Միացե՛ք Երեխաների համաշխարհային օրվա տոնակատարությանը

Կարող եք նաև այսպես տոնել