Senenbires iti bake ainbobo itan benbobo

Bake ainbobo itan benbobora maxkakanke icha jakon jaweki jaton pikota nete kirika biti jaskaribi jakon shinanbo nekebi itan chicho ikabo, jakon akin piti, koiranti, axeti, jakon onpax itibi keska, jakoni anikanti kopi.

Ninos de comunidad shipiba de Ucayali
UNICEF/2017/Moreno

Jain nokoti

Icha jakoma jawekira  jake jabaonra bake ainbo itan benbobo ainbo iketian, wetsa axeyabo, jain jabo, jaskati jabo wetsa joni iketian jawen jain ja oinxon jaskati ja, itantibi wetsa jaweki akaibo iketian:

  • 11 bake waranka pikotainoax, mawakana iki ja reken oxe senen akax 2016 tian, jakon akin oinyamakana.
  • 43,6% bake ainbo itan benbo 6 itan 35 oxeya jimi keyoti isinya jatibianko 2016; wetsankobo xekibaon jeman nokota iki
  • 76% Jawetianki westiora bake ainbo itan benbo ikai jimi keyotai onanti iki anikastikamai jawen jakon shinanbo yamake itanribi jakoni jakoni axeyamai  isinai kopi.
  • 26,6% jonibo onpax yoma iki,  wetsankobo amazoniain  nokotai  75%. Ja 35,8% jayaoma iki jain jakoma jawekibo potati , jaskarainoax jakoma jawekibo jokonaitonin  bake ainbo itan benbobo jaton  yorabo jakoma akai
  • Ja 13% bakeshokobo ainbo itan benbo 3 bartiayabo ikana iki ja westiora jain bakebo raometianko 2015.
  • 383,000 bake ainbo itan benbobo 12 baritiayabo kirika akin jeneama iki itan 643,000  ikanai  moa jenekanakaskin shinanakana.
Ninos de comunidad shipiba
UNICEF/2017

Benxoatibo

Jakoma jawekibo keyoti kopira UNICEF teetai apo betan itanribi jan akinai jonibobetan  jaska axon koshiati kopi jaki koshia joibo itanribi  korikibo ja wetsa axeya jonibo akinti itanribi biso jonibo peruain jabo  jaton kirikabo bikanti kopi, jakoni bakebo aniti kopi, bake beshebo axeati itan bake anichabo, icha onpax itan benxoabo, oinai jakoma jawekibo itan noa jain ikabo koiranti  jatibibetan tsinkitax itan yoyo itana mesko tee akai jonibobetan  itan apo betan teetaibobetan, mesko jakon shinanbo atanan jakon akin teebo ja mainkobo, ja koiranaibo koshiati itanribi  jemankobo jatikasbi