Dhuna ndaj fëmijëve
UNICEF synon të zvogëlojë dhunën në shtëpi, në shkollë, në komunitete dhe atë në internet (online), dhe të thyejë heshtjen rreth kësaj epidemie të fshehur
- Gjendet në:
- Crnogorski
- English
- Shqip
Dhuna është e pranishme kudo - në shtëpi, në shkolla, në institucione, në rrugë.
Dhuna jo vetëm që dëmton fëmijët, por shkatërron thelbin e shoqërisë dhe ka një ndikim negativ në mirëqenien e familjeve dhe komuniteteve dhe zhvillimin socio-ekonomik të vendit.
Për të parandaluar dhe mbrojtur fëmijët nga dhuna, UNICEF po punon për forcimin e kapaciteteve të vendit për të siguruar një mbështetje të koordinuar dhe efikase për të siguruar që të gjithë fëmijët nuk do të përjetojnë dhunë dhe forma të tjera të shfrytëzimit.
UNICEF po punon për forcimin e bashkëpunimit ndërmjet sektorëve të ndryshëm që merren me fëmijët - në kujdesin shëndetësor, arsim dhe mbrojtjen sociale, por edhe në fushat e drejtësisë dhe zbatimit të ligjit - me qëllim parandalimin e dhunës dhe adresimin e situatave në të cilat ka ndodhur dhuna ndaj fëmijëve.
Një në dy qytetarë e konsideron të pranueshëm ndëshkimin trupor të fëmijëve dhe beson se qortimi i një fëmije nuk është dhunë.
Dhuna ndaj fëmijëve është një nga sfidat kryesore për fëmijët në Mal të Zi - në vitin 2013, më shumë se dy të tretat (68%) e fëmijëve të Malit të Zi të moshës 1–14 vjeç iu nënshtruan agresionit psikologjik brenda familjes gjatë muajit bazuar në një sondazh të familjes dhe 31% iu nënshtruan ndëshkimit fizik. Anketa përfaqësuese kombëtare e Njohurive, Qëndrimeve dhe Praktikave (KAP) mbi dhunën ndaj fëmijëve në Mal të Zi i kryer në fund të vitit 2017 konfirmoi nivele të larta të tolerancës ndaj dhunës ndaj fëmijëve. Mbështetja sistemike sigurohet kryesisht në mënyrë reaktive në situata krize. Shumë profesionistëve ju mungojnë njohuritë e nevojshme dhe procedurat e tyre të punës nuk janë standardizuar sa duhet, gjë që shpesh rezulton në viktimizim dytësor.
Vajzat dhe djemtë romë përjetojnë nivele më të larta të dhunës dhe janë pjesa e vetme e shoqërisë që preket nga martesa e fëmijëve dhe lindja e hershme. Në vitin 2013 në familjet rome dhe egjiptiane, më shumë se një e katërta (28.1 për qind) e vajzave të moshës 15-19 vjeçare dhe 16.5 për qind e djemve, ishin të martuar ose duke jetuar bashkë, dhe 41 për qind e vajzave dhe 53 për qind e djemve ranë dakord që burri ndonjëherë justifikohet në goditjen ose rrahjen e gruas së tij. Studimi "Parandalimi i Martesave të Fëmijëve në Malin e Zi: Sfidat, Mësimet e Mësuara dhe Teoria e Ndryshimit", i cili u zhvillua nga OJQ Qendra për Iniciativa Rome me mbështetjen e UNICEF dhe BE-së, zbuloi një numër sfidash, të tilla si mungesa e një përkufizimi të qartë të martesës së fëmijëve, koordinimi dhe kapacitetet nënoptimale ndër-departamentale, veçanërisht në lidhje me të drejtat e njeriut dhe qasjet e përqendruara tek viktimat, një buxhet i kufizuar dhe një bazë provash për iniciativat e mobilizimit të komunitetit që synojnë transformimin e normave sociale negative.