Willakustin puriy
Waynakuna, sipaskuna allin kawsay haypanankupaq llapallanchik sayarisun
Musuqmanta yuyaymanasun; waynakuna, sipaskuna kay peru suyupi allin nanachisqa kawsanankupaq
- Matonra nokoti atipanke jain:
- Quechua
- Shipibo
Llapallanchik sayarisun, hinaspa makinchikta quqarisun waynakuna chaynallataq sipaskuna kay Perú suyupi yachaqkuna sumaq nanachisqa kawsanankupaq:
-
Paykunapaq kachun; allin internetninku, chaynallataq huk niraq yachachiqkunapas, wasinkumantapacha mana sasachakuspa sumaq yachay haypanankupaq.
-
Ayllunkupi tarichunku; kuyanakuyta, wayllunakuyta, yupaychanakuyta, waqaychanakuyta, yanapanakuyta, tukuy rikchaq yachay haypanankupaq.
-
Yachachunku; mana maqasqa, qaqchasqa, chiqnisqa, millasqa, qipanchasqa kawsayta, hinallataq allin waqaychasqa kawsaypi yachayta.
-
Haypachunku; allin hanpikunaman, llaqtankupi wayna sipas kasqanku rayku ama qipanchaspa kachunkuchu, chaynallataq imayna kasqankuta riqsikuchunku.
-
Ñuqanchik, waynakunapa, sipaskunapa imayna tarikusqankuta musyasunchik.
-
Haypachunku; tukuy mana kallpanchakuyta, allin rurayman chayanankupaq, manaña wiñaypaq qipanchasqa kawsanankupaq.
-
Sipaskuna warmallaraq kaspaqa ama wiksayakuchunkuchu!, ichaqa qunqayta wiksayakuruptinkuqa tayta mamanmi yanapanan, chaynallataq ima sasachakuyninpipas kallpanchaqninta maskachunku; hinaspa imapas musqusqanta mana anchata sasachakuspalla haypachunku.
-
Allin sumaq suni yachayta tarichunku, hinaspa yachayman yaykusqankuta pachallapi tukuchunku.
-
Sipaskuna, waynakuna, maypi chaypipas uyarisqa kachunku, chaynallataq kaqkamalla masinwan huñunakuchunku, chaypi imapas rimasqankuta, llakinkuta chaynallataq sasachakuyninkuna mañakusqankuta uyarichikuchunku.
-
Mañakuchunku tukuy ima yanapakuyta, llapa musqusqan haypanankupaq.