Emergency preparedness tips: typhoons

Maging handa at alerto bago pa man dumating ang bagyo sa inyong lugar. 
 

• Suriin ang bahay kung may sira ang kisame, pinto o bintana, at ipaayos ito agad. 
   
• Itali ang mga bubong at iba pang maaaring liparin ng hangin. 
   
• Putulin ang mga sanga ng puno na maaaring bumagsak. 
   
• Tiyakin na kumpleto ang iyong emergency go-bag at fully charged ang iyong phone at powerbank. 
   
• Maging up-to-date sa typhoon signal warnings. Lumikas agad sa evacuation center o ligtas na lugar kapag may babala na mula sa PAGASA, LGU o barangay. 
   
• Kung madalas magbaha sa lugar, itaas ang mga gamit na maaaring maabutan ng tubig-baha. 
   
• Ipaliwanag sa mga bata kung paano mag-ingat at maghanda para hindi sila matakot sa bagyo. 

Kapag nag-landfall na ang bagyo, tiyakin na laging updated ang pamilya sa mga alert at warning ng LGU at barangay. 
 

• Stay calm. Stay indoors. 
   
• Maging up-to-date sa balita tungkol sa bagyo. 
   
• Ihanda ang emergency go-bag. 
   
• Ipaliwanag sa pamilya kung ano ang maaring gawin kung kumala ang sitwasyon.
   
• Kung kailangan mag-evacuate, patayin ang kuryente, isara ang tangke ng gas, at i-lock ang mga pinto. 
   
• Iparamdam at ipaliwanag sa mga bata na walang dapat ikatakot dahil handa ng pamilya. 
   

 Kapag humina na ang hagupit ng bagyo, tiyaking safe pa rin ang pamilya. 
 

• Makinig sa balita at tiyaking ligtas na sa labas. 
   
• Kung nag-evacuate, tiyakin muna na ligtas ang inyong lugar bago bumalik sa bahay.
   
• Kumustahin ang mga bata at pakinggan ang kanilang mga iniisip at nararamdaman pagkalipas ng bagyo. 
   
• Suriin o ipasuri ang mga linya ng kuryente kung ligtas na ito gamitin ulit.