Emergency preparedness tips: earthquakes

Ligtas ba ang pamilya kapag may malakas na lindol? Walang paraan para ma-predict ang paglindol, kaya kailangang siguraduhin na ang bahay ay matatag at ligtas para sa pamilya. 
 

• Suriin: Malapit ba kayo sa fault line? O maaari bang mag-landslide o mahagip ng tsunami ang inyong lugar? 
   
• Tiyakin na matibay ang pagkakagawa ng mga pader at poste ng bahay. 
   
• Ikabit sa pader ang mga mabibigat na furniture at gamit na maaaring bumagsak kapag lumilindol. 
   
• Alamin ang mga ligtas at hindi ligtas na lugar sa inyong bahay. 
   
• Ituro sa mga bata kung paano mag-Drop, Cover and Hold sa oras ng lindol.
   

Drop, Cover and Hold: ano ang mga dapat gawin kapag lumilindol?
 

• Stay calm. 
   
• Pumunta agad sa pinakaligtas na lugar o spot sa bahay. 
   
• Ipakita sa mga bata ang dapat gawin para hindi sila matakot. 
   
• Huwag lumabas ng bahay habang lumilindol. Mag-Drop, Cover and Hold sa pinakaligtas na spot ng bahay hanggang tumigil ang pagyanig. 
   
• Lumayo sa mga salamin, bintana at mga bahay na maaaring bumagsak. 
   
• Kung nasa labas ng bahay, manatili sa lugar na kinalalagyan. Protektahan ang sarili mula sa mga debris o bagay na maaaring bumagsak sa paligid ninyo. 

Pagkatapos ng lindol, stay calm at i-plano nang maigi ang ligtas na pag-evacuate ng pamilya. 
 

• Kapag ligtas nang lumabas, kunin ang emergency go-bag at mag-evacuate sa pinakamalapit na open area o evacuation area. Kung nasa loob ng building, iwasan ang paggamit ng elevator. 
   
• Umiwas sa mga tulay at matataas na gusali at structures na maaaring gumuho. 
   
• Maging alerto sa aftershocks, posibleng landslide at sunog. 
   
• Kung nakatira malapit sa dagat, makinig sa mga official tsunami warning o advisory ng barangay o LGU. 
   
• Kumustahin ang mga bata at pakinggan ang kanilang iniisip at nararamdaman pagkatapos ng lindol.