یونیسف پاکستان کی سربراہ

پیرنیلا آئرن سائیڈ جولائی 2025 سے پاکستان میں یونیسف کی نمائندہ کے طور پر خدمات انجام دے رہی ہیں۔ وہ حکومت کے ساتھ شراکت داری میں پاکستان کے قومی ترقیاتی منصوبے کی معاونت کے لیے یونیسف کے کثیر شعبہ جاتی کنٹری پروگرام آف کوآپریشن 2023-2027 کی قیادت کر رہی ہیں۔

کینیڈا کی شہری، محترمہ آئرن سائیڈ کے پاس بین الاقوامی ترقی، انسانی ہمدردی پر مبنی اقدامات اور بچوں کے حقوق کی وکالت میں یونیسف کے ساتھ مختلف کرداروں میں 20 سال سے زائد کا تجربہ ہے۔ اپنی موجودہ تعیناتی سے قبل، وہ نیویارک میں یونیسف ہیڈکوارٹرز میں ڈیٹا، منصوبہ بندی، تجزیات اور مانیٹرنگ کی ڈپٹی ڈائریکٹر رہ چکی ہیں۔ اس سے قبل وہ نائیجیریا میں ڈپٹی نمائندہ، عراق میں چیف فیلڈ آپریشنز، غزہ پٹی فیلڈ آفس کی سربراہ، ایمرجنسی میں چائلڈ پروٹیکشن کی سینئر عالمی مشیر، اور مشرقی جمہوریہ کانگو میں چائلڈ پروٹیکشن اسپیشلسٹ رہ چکی ہیں، نیز یمن، فلپائن اور پاکستان میں بھی خدمات انجام دے چکی ہیں۔

یونیسف میں شمولیت سے قبل، محترمہ آئرن سائیڈ نے جمہوریہ کانگو میں اقوام متحدہ کے امن مشن

نیویارک میں اقوام متحدہ کے دفتر برائے رابطہ انسانی امور، کینیڈین ہیومن رائٹس کمیشن، اور اوٹاوا میں کینیڈا کے محکمہ برائے خارجہ امور و بین الاقوامی تجارت میں مختلف عہدوں پر کام کیا۔

محترمہ آئرن سائیڈ ایک لائسنس یافتہ وکیل ہیں اور ان کے پاس کینیڈا سے کامرس اور قانون میں ڈگریاں ہیں۔ انہوں نے کولمبیا یونیورسٹی سے قانون میں ماسٹرز بھی کیا ہے، جس میں بین الاقوامی انسانی حقوق، انسانی ہمدردی کا قانون، تقابلی قانون اور عبوری انصاف میں مہارت حاصل کی ہے۔ وہ ایڈمنٹن، کینیڈا میں پیدا ہوئیں اور پرورش پائی اور ایک کمسن بیٹے کی والدہ ہیں۔