Մեր մասին
ՅՈՒՆԻՍԵՖ-ը երեխաների իրավունքների պաշտպանության առաջատարն է աշխարհի 190 երկրներում, այդ թվում նաև Հայաստանում:
- Հասանելի է նաև:
- Հայերեն
- English
ՅՈՒՆԻՍԵՖ-ը Հայաստանում
ՅՈՒՆԻՍԵՖ-ն աշխատում է աշխարհի տարբեր անկյուններում՝ հասնելու խոցելի երեխաներին և դեռահասներին և պաշտպանելու յուրաքանչյուր երեխայի յուրաքանչյուր իրավունքը:
Լինելով աշխարհում պատվաստանյութերի ամենախոշոր մատակարարը՝ մենք խթանում ենք երեխաների առողջությունը և առողջ սնուցումը, մաքուր ջրի պաշարները և սանիտարահիգիենիկ պայմանները, որակյալ կրթությունը և 21-րդ դարի հմտությունների ձեռքբերումը, ինչպես նաև երեխաների և դեռահասների՝ բռնությունից և շահագործումից պաշտպանությունը:
Հումանիտար արտակարգ իրավիճակներից առաջ, ընթացքում և հետո ՅՈՒՆԻՍԵՖ-ը միշտ զգոն է և պատրաստ արձագանքելու երեխաներին և ընտանիքներին: Եվ մենք երբեք չենք հանձնվում:
ՅՈՒՆԻՍԵՖ-ը Հայաստանում աշխատում է 1994 թվականից: Մենք աջակցում ենք ՀՀ կառավարությանը՝ մշակել և իրագործել բարեփոխումներ, որոնք ուղղված են Հայաստանում երեխաների իրավունքների իրացման խոչընդոտների վերացմանը՝ հատուկ ուշադրություն դարձնելով ամենակարիքավոր և խոցելի երեխաներին:
ՅՈՒՆԻՍԵՖը Հայաստանում աշխատում է 1994 թվականից: Մենք աջակցում ենք ՀՀ կառավարությանը՝ մշակել և իրագործել բարեփոխումներ, որոնք ուղղված են Հայաստանում երեխաների իրավունքների իրացման խոչընդոտների վերացմանը՝ հատուկ ուշադրություն դարձնելով ամենակարիքավոր և խոցելի երեխաներին:
Վերջին 30 տարիների ընթացքում ՅՈՒՆԻՍԵՖ-ի աջակցությամբ Հայաստանում՝
- Կիսով չափ կրճատվել է մանկական մահացությունը մինչև 5 տարեկան երեխաների շրջանում
- Պատվաստումների շնորհիվ երեխաների 90%-ը պաշտպանվել է կանխարգելելի հիվանդություններից
- Հայաստանը ստացել է «պոլիոմիելիտից ազատ գոտու» կարգավիճակ, վերացվել է մորից երեխային ՄԻԱՎ-ի փոխանցումը, կարմրուկը
- Աղի համընդհանուր յոդացման արդյունքում վերացվել է օրգանիզմում յոդի անբավարարությունը
- Ընդլայնվել է նախադպրոցական կրթության հասանելիությունը
- Կրթությունը դարձրել է ավելի ներառական
- Աղետների ռիսկի նվազեցումը և արտակարգ իրավիճակներին պատրաստվածությունը ներառվել են կրթական ազգային ռազմավարության մեջ:
- 75%-ով կրճատվել է շուրջօրյա և ուղղիչ հաստատություններում պահվող երեխաների թիվը
Մեր աշխատանքը համապատասխանում է ազգային զարգացման առաջնահերթություններին և նպաստում է կառավարության միջազգային պարտավորությունների և նախագծերի իրականացմանը, ներառյալ «Կայուն զարգացման 2023-ի» օրակարգը:
Մենք աշխատում ենք բազմաթիվ գործընկերների հետ՝ պատվով իրականացնելու երեխաների հանդեպ ունեցած մեր համաշխարհային մանդատը: Կառավարությունը մեր հիմնական գործընկերն է, սակայն մենք ակտիվ համագործակցում ենք քաղաքացիական հասարակության կազմակերպությունների, համայնքների, ընտանիքների, երեխաների և երիտասարդների հետ, ինչպես նաև «Մարդու իրավունքների պաշտպանի» գրասենյակի, Հայաստանի Հանրապետության Ազգային ժողովի, մասնավոր կազմակերպությունների և հիմնադրամների հետ: