Yorug’ kunlar hali oldinda
Habiba hikoyasi
(Hikoya qahramoning ismi shaxsni himoya qilish maqsadida o'zgartirilgan)
Habibaning hayoti hech qachon oson kechmagan. U shaʼriy nikoh asosida oila qurgan boʻlib,
turmush oʻrtogʻi uning oldida hech qanday huquqiy majburiyatlarga ega emas. U turmush
oʻrtogʻining uyida uning avvalgi oilasidan boʻlgan ikki nafar farzandi bilan birgalikda yashay boshlagan. Vaqt oʻtishi bilan oilada yana ikki nafar farzand dunyoga kelgan.
Habibaning oilasida baxtli boʻlmadi. Uning turmush oʻrtogʻ ruhiy tazyiq o’tkazar edi. Uning
birinchi oilasidan boʻlgan farzandlari ulgʻaygach, Habiba va uning ikki
farzandini chiqishtirmay qoʻydi. Buning natijasida Habiba uydan chiqib ketib, oʻz ota-onasining uyiga qaytib kelishga majbur boʻlgan.
“Men shu uyda oʻsib-ulgʻayganman. Ammo hozir, oila aʼzolarimiz soni 11 kishiga yetgach, bu yerda yashab boʻlmay qoldi…
…Turmush oʻrtogʻim aliment yoki bolalarga nafaqa toʻlashni xayoliga ham keltirmaydi. Faqatgina oʻgʻlimiz u bilan yashashini istaydi. Bir kuni oʻgʻlimni olib ketganida uni uch oygacha koʻra olmadim. Turmush oʻrtogʻim menga tahdid qilgani sababli huquqni muhofaza qilish organlariga murojaat qilishga qoʻrqdim. U farzandlarimga ziyon yetkazadi deb qoʻrqaman”.
Bir necha oy muqaddam Habiba mahalla qoʻmitasiga yordam soʻrab chiqdi. Nodira ismli ayollar ishlari boʻyicha faol uning oilasi ehtiyojlarini har tomonlama oʻrganib chiqdi. Vaziyatni baholash yordam ko’rsatish uchun bajarilishi kerak boʻlgan shartlardan biridir. Odatda, odamlar bitta
masalada yordam soʻrab murojaat qiladi, ammo ayollar ishlari boʻyicha faollar tomonidan
oʻtkaziladigan baholashdan so’ng bir qator boshqa ehtiyojlar ham borligi maʼlum boʻladi.
Mahallalardagi ayollar ishlari boʻyicha faollar oilalarga yordam berishda juda muhim ahamiyat kasb etadi. Nodira kam taʼminlangan oilalarga yordam koʻrsatish dasturiga Habiba aʼzo boʻlishiga yordam berib, unga va farzandlariga kvartira ajratilishiga erishdi.
Bundan tashqari, Habibaga ish topishda ham yordam koʻrsatdi. Hozirgi paytda u universitetga oʻqishga kirishi imkoniyatlari oʻrganib chiqilmoqda. U meditsina yoki biologiya yoʻnalishi boʻyicha tahsil olish niyatida. Shuningdek, Habibaning oʻgʻlini maktabga, qizini esa bogʻchaga joylashtirishda yordam koʻrsatildi. Ayollar ishlari bo’yicha faol Habibaga xavfsizligi ta’minlash va turmush oʻrtogʻining tahdidlaridan qanday qilib himoyalanish, shuningdek bolalarining farovonligi boʻyicha maslahatlar berdi.
“Nodiradan menga koʻrsatgan yordami uchun juda minnatdorman. Farzandlarim bilan yangi uyga koʻchib oʻtib, tinch-totuv hayot kechiradigan damlarimni orziqib kutyapman”, deydi Habiba koʻzda yosh bilan.
Habibaga yordam koʻrsatgan ayollar ishlari boʻyicha faol Yevropa Ittifoqi tomonidan moliyalashtirilayotgan “Surxondaryo viloyatida inklyuziv taʼlim, kompleks ijtimoiy xizmatlar hamda yuridik yordamdan foydalanishning kengaytirilgan imkoniyatlarini taʼminlash” loyihasi doirasida UNICEF koʻmagida ijtimoiy patronaj boʻyicha tayyorgarlikdan oʻtgan.
“Bunday treninglarda ishtirok etayotganimdan xursandman. Keys menejment ko'nikmalari menga oilalar bilan ishlashda yordam beradi. Men oilaning ehtiyojlarini aniq qayd eta olaman va ularga tegishli yordam ko'rsataman”, deydi Nodira.
Nodira himoyaga muhtoj bolalar, ayollar va oilalarning ehtiyojlarini baholash hamda ularni tegishli yordam xizmatlariga yoʻnaltirish borasidagi bilim va koʻnikmalarini mustahkamlash
bo’yicha ta’lim olmoqda.