Xalqaro konferentsiyada Oʼzbekistondagi institutsional bolalar parvarishidan ularni oilaviy muhitda oʼstirishga oʼtish yoʼllari muhokama qilinmoqda

TOShKENT, 29 iyun 2021 yil – Oʼzbekistonda bolalarni parvarish qilish tizimini xalqaro ilgʼor tajribaga muvofiq ravishda isloh qilish maqsadida, UNICEF va hamkor tashkilotlar noinstitutsionllashtirishni tezlashtirish boʼyicha birinchi xalqaro konferentsiyani bugun Toshkentda oʼtkazdilar.

«Har bir bola oilaviy muhitda tarbiyalanishini taʼminlash maqsadida noinstitutsionallashtirish Milliy strategiyasini yaratishning dolzarb masalalari” deb nomlangan konferentsiyaning maqsadi Oʼzbekistondagi bolalarga institutsional gʼamxoʼrlikdan ular oila va jamiyat muhitida oʼsishlari uchun yoʼlni belgilab olishdir. Mazkur tadbir Oʼzbekiston Senatining Yoshlar, madaniyat va sport ishlari qoʼmitasi tomonidan UNICEF va Oʼzbekiston Respublikasining gender tengligi boʼyicha komissiyasi bilan hamkorlikda tashkil etildi.

«Har bir bola oilaviy muhitda tarbiya topishga, ota-ona mehrini, yaqinlari eʼtibori va gʼamxoʼrligini his qilib yashashga toʼla haqli»,- dedi Oliy Majlis Senati Raisi Tanzila Narbayeva.

Soʼnggi rasmiy maʼlumotlarga koʼra, Oʼzbekistondagi internat muassasalarida yashovchi bolalarning ulushi shu yoshdagi aholining har 100 ming kishisiga 255 tani tashkil etadi, bu dunyo boʼyicha oʼrtacha koʼrsatkichdan ikki baravar koʼpdir (100 mingga 120 bola).

Oʼzbekiston noinstitutsionallashtirish siyosatini ishlab chiqdi va tegishli harakatlar rejasini qabul qildi. Biroq, yirik internat muassasalari soʼnggi chora emas, balki muqobil parvarishning eng asosiy koʼrinishi boʼlib qromoqda. Institutsionllashtirish darajasi yuqori darajada saqlanib qolmoqda.

«Oʼz oilalari va qarindoshlari bolalarga gʼamxoʼrlik qilganida ular gullab-yashnashi hamda institutsionllashtirish naqadar ziyonli ekani haqida UNICEF ishonchli maʼlumotlarga ega. Bolalar hamjamiyatlarda ulgʼaysa, ularning barcha rivojlanish natijalari sezilarli darajada yaxshiroq boʼlishini bilamiz», - dedi UNICEFning Oʼzbekistondagi vakolatxonasi rahbari Munir Mamedzade. "Institutsional parvarishni qoʼllashni soʼnggi chora deb biladigan hamda eng muhtojlar, jumladan uch yoshdan kichik va nogironligi boʼlgan farzandlarni oʼstirayotgan oilalarga qaratilgan ijtimoiy xizmatlarning keng koʼlamini yaratishni nazarda tutadigan bolalar parvarishining zamonaviy tizimini barpo etishda Hukumatni qoʼllab-quvvatlashga tayyormiz."

Tadbir davomida milliy tashkilotlar, shuningdek xalqaro ekspertlar Oʼzbekistondagi bolalarni parvarishlash tizimini isloh qilish sohasidagi vaziyatni muhokama qildilar. Tadbir ishtirokchilari bolalar parvarishining zamonaviy tizimini ishlab chiqish boʼyicha eng ilgʼor xalqaro va milliy tajriba hamda bu sohadagi saboqlar bilan oʼrtoqlashdilar.

Xalqaro darajada bolalarni parvarish qilish sohasi katta muassasalar oʼrniga oilaviy va jamoatchilik asosida bir qator xizmatlar koʼrsatish sari oʼzgarmoqda. Shu bois tadbir ishtirokchilari Oʼzbekistoda noinstitutsionllashtirish jarayonini tezlashtirish boʼyicha tavsiyalar berdilar. Mahalliy darajada nazoratni yaxshilab borib, yangi internat muassasalarining ochilishiga yoʼl qoʼymaslik; oilalarni qoʼllab-quvvatlash va reintegratsiya xizmatlarini, shuningdek oila va hamjamiyatda muqobil parvarishni kuchaytirish; mavjud internat muassasalarini bolalar va oilalar uchun ijtimoiy xizmatlar markazlariga aylantirish shular jumlasidandir.

Batafsil maʼlumot olish uchun murojaat qiling: