Баланд бардоштани худбаҳодиҳӣ тавассути иштироки пурмазмун ва ихтиёркорӣ
ЮНИСЕФ ба ҷавонони Тоҷикистон дар амалисозии тавонмандиҳои худ ва баёни андешаҳо кумак мекунад.
"Барои ман баён кардани андеша ҳамеша мушкил буд ва ман хеле шармгин будам."
Шаҳром Ёрмамадови 20-сола донишҷӯи соли сеюм аст, ки дар соҳаи танзими муносибатҳои меҳнатӣ таҳсил мекунад. Ӯ як ихтиёркори ҷавон ва блогнависи маъруф аст, ки дар шабакаҳои иҷтимоӣ беш аз даҳ ҳазор пайрав дорад. Ӯ имсол барои муаррифии ҳамсолони худ дар Фестивали ихтиёркорон дар Душанбе интихоб шуд.
Шаҳром як шахси шармгин буд ва тавре ба ёд меорад, таваҷҷӯҳи ӯ ба ихтиёркорӣ ҳамчун роҳи баланд бардоштани эътимоди худ ҷалб шуд. Ӯ фурсат меҷуст, ки аз минтақаи тасаллияти худ берун равад ва тарзи баён кардани фикри худро ёд гирад. Ӯ соли 2017 бо ЮНИСЕФ тамос гирифт ва дар соли 2021 Шаҳром ба гурӯҳи машваратии ЮНИСЕФ дар Тоҷикистон (YPAG) - як ниҳоди машваратӣ, ки бо мақсади таъмини иштироки мунтазам ва пурмазмуни наврасону ҷавонон дар барномаҳои ЮНИСЕФ таъсис ёфтааст, дохил шуд.
"Дар доираи YPAG мо аз ҷониби ЮНИСЕФ даъват карда шудем, то андешаҳо, орзуҳо ва нигарониҳои худро баён кунем, фикру мулоҳизаҳои худро баён кунем ва дар банақшагирӣ ва мониторинги барномаҳои ЮНИСЕФ кӯмак расонем".
Дар ҳошияи фаъолияти YPAG инчунин Шаҳром дар як қатор омӯзишҳо бо ҳадафи баланд бардоштани эътимод ва қобилияти баён кардани фикру андешаи ҷавонон ташкил шуда буданд, иштирок намуд.
"Таъсири семинарҳо ва омӯзишҳое, ки ман аз ибтидои шиносоӣ бо ЮНИСЕФ дар онҳо иштирок намудам, ба ҳаёти ман хеле бузург буд. Ба шарофати онҳо ман тавонистам, ки имкониятҳои ҷойдоштаро истифода барам ва ба худ боварии бештар пайдо кунам”.
Шаҳром дар давоми солҳои 2021-2022 дар як қатор ташаббусҳои ЮНИСЕФ дар Тоҷикистон, аз ҷумла роҳандозӣ ва пешбурди афзораки мобилӣ барои волидайн "Беббо", гурӯҳҳои фокусӣ барои таҳияи стратегияи миллии шуғл ва пешбурди модули таълимии онлайнӣ оид ба ҳуқуқи кӯдакон ширкат ва саҳми арзанда гузоштааст. Шаҳром мегӯяд, ки омӯзишҳои ЮНИСЕФ ва таҷрибаи ӯ бо YPAG ӯро илҳом бахшиданд, ки блогнависиро дар шабакаҳои иҷтимоӣ оғоз кунад ва дониши андӯхтаашро бо ҷавонони дигар мубодила кунад. Шаҳром асосан мӯҳтавои муфидро ба мухотабони худ мубодила мекунад ва ихтиёркориро ҳамчун як роҳи рушди худ ва рӯҳбаланд кардани дигарон тарғиб мекунад.
Соли 2023 ба ӯ муваффақияти боз ҳам бештар овард. Обуначиён ва дӯстонаш аз ӯ дар бораи имкониятҳо ва чорабиниҳои нав мепурсиданд, ки онҳо метавонанд дар он ҷо ихтиёркор бошанд. Ин Шаҳромро водор кард, ки платформаи шахсии худро дар Instagram созад, то имкониятҳои ихтиёркорӣ дигаронро огоҳ кунад. Канали ӯ "Ихтиёркорони муттаҳид" (United Volunteers) ном дорад ва дар ҳама платформаҳои ӯ дар маҷмӯъ 255 фаъолонро бо ҳам пайваст кардааст мавҷуд аст.
"Бо роҳандозии канали шахсии худ, ки ба ихтиёркорӣ бахшида шудааст, ман тасмим гирифтам, ки бо созмонҳои гуногун тамос гирам ва онҳоро водор кунам, ки бештар ихтиёркоронро ба чорабиниҳо ҷалб кунанд ва ба ин васила ба ҷавонон имкони бештареро барои иштирок дар ҷомеа ба таври мусбӣ фароҳам оваранд".-мегӯяд Шаҳром.
Дар якчанд маврид Шаҳром аз ҷониби ин созмонҳо ба ҳайси ҳамоҳангсози ихтиёркорон дар ҷашнвораҳои бузург ҷалб шуда буд ва дар он беш аз 100 ихтиёркоронро роҳбарӣ мекард. Бидуни шак ӯ дигар ҷавони шармгин нест!
"Ба андешаи ман муҳим аст, ки ҷомеаи моро ба қадр кардани саҳми ихтиёркорони ҷавон – қадрдонии онҳо, ҳавасманд кардани онҳо, ҳамеша эҳтиром кардани онҳо, гӯш додан ба онҳо ва ҳалли мушкилот бо кӯмаки онҳо омӯзонидан муҳим аст»-мегӯяд Шаҳром.
