Изҳороти муштараки Директори иҷроияи ЮНИСЕФ Кэтрин Рассел ва Директори генералии СУТ доктор Тедрос Адханом Гебрейюс ба муносибати Ҳафтаи ҷаҳонии синамаконӣ
НЬЮ-ЙОРК/ЖЕНЕВА, 1 августи соли 2022 - Дар ҳоле ки бӯҳронҳои ҷаҳонӣ ба саломатӣ ва ғизои миллионҳо кӯдакон таҳдид мекунанд, дарк намудани аҳамияти ҳаётан муҳими синамаконӣ ҳамчун оғози беҳтарини ҳаёт беш аз пеш муҳимтар аст.
"Ин Ҳафтаи ҷаҳонии синамаконӣ, ки зери шиори "Қадам ба қадам ба сӯи шири сина: таълим ва дастгирӣ" баргузор мешавад, ЮНИСЕФ ва СУТ аз ҳукуматҳо даъват мекунанд, ки тақсимоти захираҳои худро барои ҳифз, пешбурд ва дастгирии сиёсатҳо ва барномаҳои синамаконӣ, махсусан барои оилаҳои осебпазир, ки дар шароити ҳолатҳои фавқулодда зиндагӣ доранд, зиёд кунанд.
Ҳангоми ҳолатҳои фавқулодда, ба монанди вазъ дар Афғонистон, Яман, Украина, Шохи Африқо ва Сахел, синамаконӣ манбаи бехатар, серғизо ва дастраси ғизоро барои кӯдакон таъмин мекунад. Он як воситаи пурқуввати муҳофизатро бар зидди бемориҳо ва ҳама шаклҳои камғизоӣ дар кӯдакӣ пешниҳод мекунад.
"Синамаконӣ инчунин ҳамчун ваксинаи аввалини кӯдак амал мекунад ва ӯро аз бемориҳои маъмулии кӯдакӣ муҳофизат мекунад.
«Бо вуҷуди ин, изтироби эмотсионалӣ, хастагии ҷисмонӣ, набудани ҷой ва махфият ва шароити бади санитарӣ, ки модарон дар шароити изтирорӣ аз сар мегузаронанд, маънои онро дорад, ки бисёре аз кӯдакон аз манфиатҳои синамаконӣ барои зинда мондани онҳо маҳруманд.
"Камтар аз нисфи ҳамаи кӯдакони навзод дар як соати аввали ҳаёт шири сина мегиранд, ки ин ҳолат онҳоро ба бемориҳо ва марг бештар осебпазир мекунад. Ва танҳо 44 дарсади кӯдакон дар шаш моҳи аввали ҳаёт танҳо шири сина мехуранд, ки ин назар ба ҳадафҳои Ассамблеяи Умумиҷаҳонии Тандурустӣ камтар аст. Мувофиқи ин ҳадафҳо нишондоди мазкур то соли 2025 ҳадди ақал ба 50 фоиз бояд расонида шавад.
“Ҳифз, ҳавасмандкунӣ ва дастгирии ширмакӣ на танҳо барои ҳифзи сайёраи мо ҳамчун системаи ниҳоии табиӣ, устувор, ғизои аввалин беш аз пеш муҳимтар аст, балки барои зинда мондан, афзоиш ва рушди миллионҳо кӯдакон.
Ин аст, ки ЮНИСЕФ ва СУТ аз ҳукуматҳо, донорҳо, ҷомеаи шаҳрвандӣ ва бахши хусусӣ даъват мекунанд, ки саъю кӯшишро дар самтҳои зерин пурзӯр намоянд:
- Додани афзалият ба сармоягузорӣ ба сиёсат ва барномаҳо барои дастгирии синамаконӣ, махсусан дар муҳити нозук ва ноамн.
- Таъмин кардани кормандони соҳаи тиб ва ғизо дар муассисаҳо ва ҷамоатҳо бо малакаҳои зарурӣ барои расонидани машварати босифат ва ёрии амалӣ ба модарон барои ширмаконии самараноки кӯдакон.
- Ҳимояи нигоҳубинкунандагон ва кормандони соҳаи тиб аз таъсири маркетингии ғайриахлоқии саноати истеҳсоли ғизои кӯдакон тавассути қабул ва татбиқи пурраи Кодекси байналмилалии маркетинги ивазкунандаи шири модар, аз ҷумла дар шароити башардӯстона.
- Татбиқи сиёсати оилавӣ, ки ба модарон вақт, ҷой ва дастгирии заруриро барои синамаконӣ фароҳам меорад.
