Преосмисли ја иднината
Твоја иднина. Твој глас.
Кога ќе им се даде шанса и доверба, и кога ќе се оспособат со потребните вештини за да бидат лидери во своите заедници, децата и младите имаат огромен потенцијал – за креативност, иновации и за промени.
Сепак, најновите истражувања покажуваат дека младите во земјава се чувствуваат исклучено и имаат ограничени можности да ги предводат промените кон подобра иднина за себе и за идните генерации:
- 85 проценти од младите никогаш не учествувале во консултации што ги спроведува државата, а 6 од 10 млади веруваат дека не можат да влијаат на работата на институциите
- Само една третина од младите се оптимистични дека земјата се движи во правилна насока
Оваа реалност, заедно со сиромаштијата, недостатокот на квалитетно образование, ограничените можности за работа, загриженоста за менталното здравје и околината, ја обликува перспективата на младите луѓе. Пандемијата со КОВИД-19 дополнително ги влоши овие предизвици, но претставува и единствена можност светот да се преосмисли заедно со самите млади, за тој да стане подобар за сите деца и младинци.
„Преосмисли ја иднината“ е нова иницијатива која ја спроведуваат Претседателот и УНИЦЕФ за да им се даде простор на децата и младите да се вклучат во дефинирањето на визијата за иднината што ја сакаат за себе и за идните генерации.
Придружи се на иницијативата
Твоја иднина. Твој глас
Младите имаат шанса да се приклучат на иницијативата со тоа што ќе ја пополнат онлајн-анкетата и ќе се пријават на отворениот повик за учество во серија работилници. Овие настани за младите претставуваат можност да продискутираат за прашањата што им се важни, за нивните најголеми предизвици и очекувања за иднината на земјата, како и за решенијата со кои визијата ќе стане реалност.
Придружи ни се! #ReimagineFuture #Преосмисли иднина
