ကလေးများအတွက်လူသားချင်းစာနာထောက်ထားမှုဆိုင်ရာလုပ်ဆောင်ချက်
အကျပ်အတည်းကြုံတွေ့နေရသော အထူးသဖြင့်အထိခိုက်လွယ်ဆုံးသော ကလေးသူငယ်များအားကူညီခြင်း၊
စိန်ခေါ်မှု
ကလေးသူငယ်များ အထူးသဖြင့် ထိခိုက်လွယ်သောကလေးများသည် အရေးပေါ်အခြေအနေများ၌ အစားအစာ၊ အမိုးအကာ၊ ပညာရေး၊ လူမှုရေးအထောက်အပံ့နှင့် ကျန်းမာရေးစောင့်ရှောက်မှုကို လက်လှမ်းမီရန် ခက်ခဲလာခြင်းကြောင့် ရောဂါဖြစ်ပွားမှု၊ အာဟာရချို့တဲ့မှုနှင့် အကြမ်းဖက်မှုများ ပိုမိုကျရောက်နိုင်ပါသည်။
အချိန်ကြာမြင့်စွာဖြစ်ပွားခဲ့သော အရေးပေါ်အခြေအနေကြောင့် ပြည်တွင်းနေရပ်စွန့်ခွာ သူများစွာနှင့် အိမ်ရှင်လူ့အဖွဲ့အစည်း၀င်များသည် ရေရှည်လူသားချင်းစာနာထောက်ထားမှုအကူအညီများ ဆက်လက်လိုအပ်နေပါသည်။
ဖြေရှင်းနည်း
ယူနီဆက်သည် အရေးပေါ်ကဏ္ဍတွင် WASH ရေပေးဝေရေး၊ တစ်ကိုယ်ရည်သန့်ရှင်းရေးနှင့် ပတ်ဝန်းကျင်သန့်ရှင်းရေး လုပ်ငန်းအဖွဲ့ကို ဦးဆောင်နေ၍ အရေးပေါ်အခြေအနေများတွင် အာဟာရကဏ္ဍ၊ ရခိုင်ပြည်နယ်ရှိ အမျိုးသားအဆင့်နှင့် ဒေသအဆင့်များတွင် အရေးပေါ်အခြေအနေများ၌ ကလေးသူငယ်ကာကွယ်စောင့်ရှောက်ရေးကဏ္ဍ ၏ လုပ်ငန်းအဖွဲ့၊ ကချင်ပြည်နယ်ရှိ ပညာရေးအရေးပေါ်ကဏ္ဍတို့ကို ဦးဆောင်နေသည်။ ဤအခန်းကဏ္ဍများမှတဆင့် ယူနီဆက်သည် ရန်ကုန်ရှိ သက်ဆိုင်ရာ အဖွဲ့အစည်းများ ညှိနှိုင်းရေးအဖွဲ့နှင့် သက်ဆိုင်ရာဒေသအဆင့်အဆင့် ညှိနှိုင်းရေးအဖွဲ့များတွင် ပါ၀ င်သည်။
အစုအဖွဲ့လိုက် ဦးဆောင်သည့် အေဂျင်စီအနေဖြင့် ယူနီဆက်သည် အာဟာရ၊ ကျန်းမာရေး၊ ရေ၊ မိလ္လာစနစ်နှင့် တစ်ကိုယ်ရေသန့်ရှင်းရေး (WASH)၊ ကလေးသူငယ်ကာကွယ်စောင့်ရှောက်ရေးနှင့် ပညာရေးတို့တွင် အရေးပါသော အသက်ကယ်ခြင်းနှင့် ဘဝကို ထောက်ပံ့ပေးသော ၀န်ဆောင်မှုများပေးရန် အစိုးရ၊ ပြည်တွင်းနှင့် နိုင်ငံတကာ/ အပြည်ပြည်ဆိုင်ရာ အစိုးရမဟုတ်သောအဖွဲ့အစည်းများ၊ အရပ်ဘက်လူ့အဖွဲ့အစည်းမိတ်ဖက်များနှင့် ပူးပေါင်း အလုပ်တွဲလုပ်ပါသည်။
ကျွန်ုပ်တို့၏ အဓိကလူသားချင်းစာနာမှုဆိုင်ရာ တုံ့ပြန်မှုတွင် -
- ကျန်းမာရေး - အမျိုးသမီးများနှင့် ကလေးများအတွက် ကျန်းမာရေးစောင့်ရှောက်မှု ၀န်ဆောင်မှုများကို ရရှိစေခြင်းနှင့် ကလေးများကို ဝက်သက်နှင့် အခြားရောဂါများကာကွယ်နိုင်ရန် ကာကွယ်ဆေးထိုးခြင်း။
- အာဟာရ - ငါးနှစ်အောက် ကလေးများအတွက် အလယ်အလတ်နှင့် ပြင်းထန်သော အာဟာရချို့တဲ့မှုကို ဖော်ထုတ်ခြင်းနှင့် ကုသခြင်း၊ ကလေးများရော ကိုယ်ဝန်ဆောင် / နို့တိုက်မိခင်များအတွက်ပါ အဏုအာဟာရဖြည့်စွက်စာ ထောက်ပံ့ပေးခြင်း။
- ရေ၊ မိလ္လာစနစ်နှင့် တစ်ကိုယ်ရေသန့်ရှင်းရေး - နေ့စဉ်လုပ်ငန်းဆောင်တာများနှင့် သောက်သုံးရေအတွက် လုံခြုံစိတ်ချစွာ အသုံးပြုနိုင်သောနှင့် လုံလောက်သော ရေရရှိမှုကို တိုးမြှင့်ရရှိစေခြင်းနှင့် စခန်းများ၊ ဘေးဒဏ်သင့် ရပ်ရွာများတွင် သင့်လျော်သောမိလ္လာစနစ်များ ရရှိစေခြင်း။
- ကလေးသူငယ်ကာကွယ်စောင့်ရှောက်ရေး - လုံခြုံသောနေရာတွင် စိတ်ပိုင်းဆိုင်ရာနှင့် လူမှုရေးဆိုင်ရာ အကူအညီအထောက်အပံ့ပေးခြင်းနှင့် မိုင်းအန္တရာယ်ကင်းစေရန် ပညာပေးခြင်း၊ ကလေးသူငယ်များ လုံခြုံစွာ ရှင်သန်ရပ်တည်နိုင်ရန် ကူညီခြင်း။
- ပညာရေး - ၃ နှစ်မှ ၁၇ နှစ်အကြား ကလေးများအတွက် ကျောင်းပညာရေးနှင့် ကျောင်းပြင်ပပညာရေးများသင်ယူမှုအခွင့်အလမ်းများမှတဆင့် သင်ယူခြင်းအခွင့်အလမ်းများပေးခြင်းနှင့် ကလေးများအနေဖြင့် သင်ယူရန်အခွင့်အရေး မပျက်ကွက်စေခြင်း စသည့်လုပ်ငန်းများ ပါဝင်ပါသည်။
၂၀၁၈ ခုနှစ်တွင် ယူနီဆက်သည် သောက်ရေ၊ ချက်ပြုတ်ခြင်းနှင့် တစ်ကိုယ်ရေသန့်ရှင်းရေးအတွက် ဘေးကင်းသောရေအရင်းအမြစ်များကို စဉ်ဆက်မပြတ်ရရှိစေရန် လူပေါင်း ၈၆,၆၀၀ ကျော်နှင့် ပဋိပက္ခဖြစ်ပွားရာဒေသများရှိ ကလေးသူငယ် ၇၈,၀၀၀ ကျော်အား အရေးပေါ်ပညာရေးနှင့် အပန်းဖြေပစ္စည်းများ ထောက်ပံ့ခဲ့သည်။
အစိုးရအနေဖြင့် သဘာဝဘေးအန္တရာယ်များကြောင့် တိုင်းပြည်၏ထိခိုက်လွယ်မှုများကို ဖြေရှင်းရာတွင်ကူညီရန် UNICEF သည် အရေးပေါ်အခြေအနေများပေါ်ပေါက်လာပါက ဖြစ်ပေါ်သည့် နေရာတိုင်းတွင် အရေးပေါ်အခြေအနေများကို တုံ့ပြန်ရန် အားဖြည့်သည့် အမျိုးသားအဆင့်စနစ်များကို ကူညီအားဖြည့်ပေးပါသည်။ လိုအပ်နေသောကလေးသူငယ်များအား ပံ့ပိုးကူညီရန် နိုင်ငံအနှံ့အပြားအားလုံး၌ ထိခိုက်နစ်နာမှုအရှိဆုံးနှင့် အထိခိုက်လွယ်ဆုံးအုပ်စုများသို့ အထောက်အပံ့များ အတားအဆီးမရှိ ဝင်ရောက်ရရှိခွင့်ကို ကျွန်ုပ်တို့ ထောက်ခံဆောင်ရွက်သည်။ တစ်ချိန်တည်းမှာပင် မြန်မာနိုင်ငံသည် မိမိကိုယ်ကိုအားကိုးသော(ကိုယ်ထူကိုယ်ထ) အစဉ်အလာရှိ၍ ကျွန်ုပ်တို့သည် ရပ်ရွာလူထုအား ၎င်းတို့၏ လက်ရှိခံနိုင်ရည်/ ဘေးဒဏ်ခံနိုင်စွမ်း နှင့် အားသာချက်များအပေါ် မူတည်၍ စွမ်းဆောင်ရည် မြှင့်တင်ရန် ကျွန်ုပ်တို့ကူညီသည်။
