Trajnimi në punë të bëhet pjesë e edukimit të rregullt të të gjitha shkollave të mesme
Me mbështetjen e UNICEF-it dhe Fondacionit TUI Care, orientimi në karrierë dhe trajnimi në punë do të prezantohen në shtatë shkolla të mesme në katër vitet e ardhshme
- Gjendet në:
- Crnogorski
- English
- Shqip
PODGORICË, 5 SHTATOR, 2023 – Për herë të parë, falë mbështetjes së UNICEF-it dhe Fondacionit TUI Care, shkollat e mesme të gjimnazit në Podgoricë dhe Cetinje, shkolla e mesme ekonomike Mirko Veshoviq në Podgoricë dhe shkolla e mesme Ivan Goran Kovaçiq në Herceg Novi do t'u ofrojnë studentëve orientim në karrierë dhe trajnime për punë gjatë vitit shkollor 2023−2024.
Orientimi në karrierë i ndihmon të rinjtë të vlerësojnë më shpejt, më lehtë dhe shpejt kapacitetet e tyre, por edhe hapat që duhet të ndërmarrin për të arritur qëllimet e tyre profesionale, me mbështetje në kohë dhe profesionale gjatë shkollimit.
Ministri i Arsimit tha rëndësia e programit 'Prilike' (Mundësitë) njihet në ofrimin e mbështetjes për nxënësit e shkollave të mesme për t'u njohur me proceset e punës në fushat që u interesojnë, për të kontaktuar me punëdhënësit dhe për të marrë pjesë në programin e trajnimit, i cili mund t'u ndihmoj atyre në zgjedhjen e profesioneve të tyre të ardhshme dhe ti afroj ata me tregun e punës.
Pesëdhjetë e gjashtë për qind e adoleshentëve në Mal të Zi besojnë se arsimimi i tyre nuk po i përgatit ata për punësim, sipas një analize të vitit 2021 nga UNICEF dhe Fondacioni Evropian i Trajnimit (ETF).
Duke marrë pjesë në programin ‘Prilike’ (shq. Mundësitë) si maturant, pata mundësinë të shoh nga afër se si duket puna për të cilën doja të studioja. Kjo më ndihmoi të marr me shpejtë një vendim për regjistrimin në një program përkatës studimi dhe tani jam student i vitit të parë të shkencave mjekësore.
UNICEF dhe Fondacioni TUI Care kanë bashkuar forcat me Ministrinë e Arsimit të Malit të Zi dhe sektorin civil dhe privat për të prezantuar programin "Prilike" në shkollat e mesme për të siguruar një cilësi më të mirë arsimi dhe mundësi më të larta punësimi në të ardhmen për adoleshentët.
Për momentin, pothuajse një e treta (31%) e të rinjve janë të papunë në Mal të Zi (ILOSTAT, Banka Botërore, 2022).
UNICEF-i bën thirrje që të gjitha shkollat e mesme të ofrojnë orientimin në karrierë dhe trajnime në punë për çdo nxënës në Mal të Zi. Në këtë mënyrë, sistemi arsimor do të mbështesë kalimin cilësor të çdo adoleshenti nga shkolla në tregun e punës. Kjo është thelbësore për suksesin e tyre të ardhshëm dhe për zhvillimin e qëndrueshëm të Malit të Zi.
Sipas të dhënave të Komisionit Evropian nga viti 2021, më shumë se një në katër (27 përqind) e të rinjve të Malit të Zi të moshës 15-29 vjeçare nuk janë të kyçur në arsim, punësim ose trajnim.
“Jemi të lumtur që, së bashku me UNICEF-in, po ndikojmë në ndryshime në arsim,” tha Aleksandar Panczuk, Drejtor Ekzekutiv i Fondacionit TUI Care.
Kombinimi i trajnimit në punë dhe udhëzimeve në karrierë me mësimdhënien e vazhdueshme të aftësive jetësore është çelësi për përgatitjen e të rinjve për tregun e punës dhe jetesën e pavarur.
Nëpërmjet përpjekjeve tona të përbashkëta, të rinjtë e Malit të Zi do të marrin mbështetje për të fituar aftësitë që u nevojiten për të kaluar nga shkolla në punë, tha Pancuk.
Duke ofruar çdo shkollë e mesme në Mal të Zi trajnime në punë dhe orientim në karrierë për të gjithë nxënësit, do t'i mundësojë sektorit privat t'i afrohet fuqisë së tij të ardhshme punëtore.
Oda Ekonomike e Malit të Zi ka ftuar të gjithë biznesmenët që t'i bashkohen programit të UNICEF-it “Prilike”, me qëllim që të rinjve në Mal të Zi t'u ofrohet mundësia të ndjekin trajnime praktike në profesionin në të cilin dëshirojnë të ndjekin karrierën.
Përmes trajnimit në punë fitohen aftësi dhe kompetenca në mjedisin e punës dhe të rinjtë kanë mundësi të përmirësojnë njohuritë e tyre, të zgjerojnë horizontet e tyre dhe të marrin një vendim të duhur për profesionin e tyre të ardhshëm.
Drakiq tha punonjësit më të arsimuar punojnë në mënyrë më efikase, janë më kreativë, fitojnë njohuri dhe teknologji të reja më shpejt, janë më produktivë dhe përshtaten më lehtë me punët e reja e të specializuara. Është në interes të ekonomisë sonë të marrim pjesë në zhvillimin e burimeve njerëzore të Malit të Zi.
Prezantimi i orientimit në karrierë në shkollat e mesme malazeze po pilotohet në katër shkolla këtë vit dhe tre të tjera nga viti i ardhshëm.
Si rezultat i kësaj, deri në fund të vitit 2026, më shumë se 1200 adoleshentë në Malin e Zi do të kenë mundësinë të kuptojnë më mirë se si duken punët e ndryshme në jetën reale dhe të marrin një vendim të informuar për zgjedhjet e tyre të ardhshme të karrierës.
