Politikat miqësore ndaj familjes në punë
Shoqata e Menaxherëve të Malit të Zi po bashkon forcat me UNICEF-in për të promovuar politika miqësore ndaj familjes në punë për të mbështetur burrat dhe gratë në ekuilibrin e tyre punë-jetë
- Gjendet në:
- Crnogorski
- English
- Shqip
PODGORICË, 23 SHKURT 2023 – Duke krijuar një mjedis pune miqësor ndaj familjen, i cili mbështet në mënyrë të barabartë gratë dhe burrat për të punuar dhe për të pasur familje, sektori publik dhe privat mund të ndihmojnë rritjen ekonomike të Malit të Zi. Është gjithashtu e rëndësishme që ligjërisht të lejohen nënat dhe baballarët në Mal të Zi që të përdorin pushimin e tyre prindëror në të njëjtën kohë, për t'u ofruar fëmijëve kujdes cilësor familjar, veçanërisht menjëherë pas lindjes.
Duke pasur parasysh rëndësinë e politikave të punës miqësore ndaj familjen për të gjithë fëmijët në mbarë botën, UNICEF-i ka dalë me një iniciativë globale të politikave miqësore ndaj familjes, për t'u bërë thirrje qeverive dhe bizneseve t'i zbatojnë ato për të lejuar baballarët dhe nënat e punësuar t'u japin fëmijëve të tyre fillim më të mirë në jetë.
Në bazë të Udhëzimeve Globale të UNICEF-it, Shoqata e Menaxherëve të Malit të Zi po organizon nominime për punëdhënësin më miqësor ndaj familjes në vend këtë vit. Çmimi për punëdhënësin më miqësor ndaj familjes do të jepet në mbrëmjen gala të çmimeve për vitin 2023, për menaxherët dhe sipërmarrësit më të mirë, që do të organizohet në maj të këtij viti.
Sipas Presidentit të Shoqatës së Menaxherëve të Malit të Zi, Budimir Raiçkoviq, çmimi vjetor i Asociacionit njihet si një nga çmimet më prestigjioze kombëtare të biznesit të ofruar nga profesionistë. Shoqata me kënaqësi vendosi të mbështesë këtë ide dhe të përfshijë kategorinë Punëdhënësi i Vitit – Punëdhënësi me politikat miqësore më të mira ndaj familjes.
“Dëshirojmë të promovojmë dhe stimulojmë punëdhënësit, kompanitë dhe menaxherët që zbatojnë aktivitete dhe politika nga të cilat përfitojnë punonjësit e tyre dhe mbështesin fëmijët, gratë dhe familjet. Kompanitë që vendosin kënaqësinë dhe nevojat e punonjësve të tyre, familjeve dhe fëmijëve të tyre si fokus dhe qëllim strategjik, kanë një të ardhme. Kjo qasje sjell shumë përfitime për zhvillimin socio-ekonomik dhe prosperitetin në planin afatgjatë,” tha Raiçkoviq.
Sipas Përfaqësuesit të UNICEF-it në Mal të Zi, Juan Santander, duke i mbështetur gratë që të kenë një ekuilibër të shëndetshëm punë-jetë, politikat miqësore ndaj familjes stimulojnë rritjen ekonomike.
“Për shembull, në vendet nordike gjatë 50 viteve të fundit, ato kanë rritur rritjen e PBV-së për kokë banori deri në 20 për qind. Gratë që punojnë gëzojnë mundësinë për të realizuar potencialet e tyre dhe për t'u ndjerë të vetë-përmbushura, duke rritur të ardhurat e familjes dhe promovuar rritjen ekonomike”.
Sipas ambasadores së Mbretërisë së Bashkuar në Mal të Zi, Karen Maddocks,çelësi për rritjen e pjesëmarrjes së grave në fuqinë punëtore është rritja e opsioneve si për burrat ashtu edhe për gratë. Kjo nënkupton përmirësimin e ofrimit të kujdesit për fëmijët dhe mbështetjen e burrave dhe grave me anë të pushimit prindëror dhe politikave miqësore ndaj familjes.
“Ashtu që burrat, njëlloj si gratë, të mund të bëjnë zgjedhjen për marrjen e rolit të kujdesit për fëmijët në shtëpi, dhe nëse dhe si ta kombinojnë atë me punën", tha Maddocks.
Sipas reporterëve të rinj të UNICEF-it në Mal të Zi, politikat miqësore ndaj familjes janë një domosdoshmëri për çdo punëdhënës për të qenë tërheqës për të rinjtë, të cilët janë fuqia punëtore e ardhshme.
Sipas reporterëve të rinj të UNICEF-it në Mal të Zi, politikat miqësore ndaj familjes janë një domosdoshmëri për çdo punëdhënës për të qenë tërheqës për të rinjtë, të cilët janë fuqia punëtore e ardhshme.
“Për t'i bërë punëdhënësit tërheqës për ne, të rinjtë, ata duhet të kujdesen për shëndetin tonë mendor. I takon punëdhënësve të gjejnë një mënyrë për t'i bërë të lumtur punonjësit e tyre. Sepse vetëm një punëtor i pushuar dhe i lumtur është produktiv".
Në Mal të Zi, fokusi i nominimit të politikave miqësore ndaj familjes është në mbështetjen e sektorit privat për prindërit që punojnë nëpërmjet investimeve në kujdesin cilësor dhe të përballueshëm të fëmijëve për moshat 1 deri në 6 vjeçare.
Për shembull, kompanitë mund të ofrojnë pagesa mujore për kopshte, shtesa për fëmijë dhe pushim me pagesë për prindërit për t'u kujdesur për fëmijët kur ata janë të sëmurë gjatë viteve të para të jetës.
Ata gjithashtu mund të financojnë kujdesin për fëmijët pas orëve të mësimit gjatë klasave të para të shkollës fillore derisa prindërit të mbarojnë punën dhe të mund t'u bashkohen atyre në shtëpi.
Fokusi është gjithashtu në promovimin e pushimit prindëror për baballarët e Malit të Zi dhe në mbështetjen e prindërve për të përdorur orar fleksibël të punës.
