Tandidomin-doza ny ain’ny ankizy marefo any atsimo atsinanana noho ny tsifanjariantsakafo
Tombanana ho 115,000 ireo ankizy mila fitsaboana noho ny tsifanjariantsakafo mahery vaika nihatra taminy tamin’ity taona 2023 ity


Miomana handray ny ankizy mijalin’ny tsifanjarian-tsakafo mahery vaika ao amin’ny tobim-pahasalaman’Anosy Tsararafa, any atsimo atsinanan’i Madagasikara ny mpiasan’ny fahasalamana

Manomboka ny hetsika amin’ny fanentanana mikasika ny fanjariantsakafo, ny sakafo ary ny fahadiovana ny mpiasan’ny fahasalamana Kamosa Arisaina Vetas (eo an-kavia)

Soa, 24 taona tonga miaraka amin’ny zanany telo amin’ny efatra isan’izany ny kambana, Marina (trotroiny) sy Julien, fito taona. « Entiko ho zahana eto amin’ny tobim-pahasalamana ny zanako fa nihamahia kely izy ireo efa ho efatra herinandro izay », hoy izy

Mijery ny lanjan’i marina tratry ny tsifanjarian-tsakafo mahery vaika, ilay karazana tsifanjarian-tsakafo tena mahafaty indrindra i Vetas.

Mijery ny lanjan’i Marina amin’ny mizana nomen’ny UNICEF i Vetas.

« 109 milimetatra », hoy izy tamin’ny mpiaramiasa aminy rehefa avy nijery refitsandrin’i Marina. Na dia nahazo 100 grama aza izy nandritra ny herinandro, dia mbola anaty faritra mena ihany.

Mandray ny zara sakafo fitsaboana azo tonga dia ampiasaina nomen’ny UNICEF i Soa.

Mihinana ny sakafo fitsaboana azy eny an-trotroan-dreniny i Marina, izay mbola mibaby an’i Julien koa.

Marary miandry ny fizahana tazomoka, fa hita ho niakatra be izany tranga izany teo amin’ny faritra. Manampy trotraka ny tsifanjarian-tsakafo eo amin’ny zaza io aretina io satria mampaharefo ny toe-pahasalamany amin’ny ankapobeny.

Mihinana soanambo ho sakafo maraina ny zanak’i Soa. Maniriniry ho azy io sakafo io ary ampiasaina hamenoana ny banga ara-tsakafo, indrindra amin’ny fotoantsarotra.

Sarin’i Soa sy ny ankohonany eo anoloan’ny tranony.
Vakio ato ny tantara feno :
Tandidomin-doza ny ain’ny ankizy marefo any atsimo atsinanana noho ny tsifanjariantsakafo