ຜູ້ຕາງໜ້າ ອົງການຢູນິເຊັບ ເຂົ້າຢ້ຽມຢາມຂໍ່ານັບ ລັດຖະມົນຕີກະຊວງແຜນການ ແລະ ການລົງທຶນ

ໃນການເຂົ້າຢ້ຽມຢາມຂໍ່ານັບໃນຄັ້ງນີ້, ລັດຖະມົນຕີກະຊວງແຜນການ ແລະ ການລົງທຶນ ເເລະ ຜູ້ຕາງໜ້າ ອົງການຢູນິເຊັບ ໄດ້ປຶກສາຫາລືກ່ຽວກັບຜົນສຳເລັດສຳຄັນໃນວຽກງານຕ່າງໆສຳລັບປີ 2021 ແລະ ບັນດາຂົງເຂດການຮ່ວມມືໃນອະນາຄົດ.

25 ມີນາ 2022

ນະຄອນຫຼວງວຽງຈັນ, ວັນທີ 24 ເດືອນມີນາ, 2022 – ໃນມື້ນີ້, ທ່ານນາງ ດຣ. ເພຍ ເຣເບລໂລ ບີຣໂຕ, ຜູ້ຕາງໜ້າ ອົງການຢູນິເຊັບ ປະຈຳ ສປປ ລາວ, ໄດ້ເຂົ້າຢ້ຽມຂໍ່ານັບພະນະທ່ານ ດຣ. ຄຳເຈນ ວົງໂພສີ, ລັດຖະມົນຕີກະຊວງແຜນການ ແລະ ການລົງທຶນ ເເຫ່ງ ສປປ ລາວ.

ໃນການເຂົ້າຢ້ຽມຂໍ່ານັບໃນຄັ້ງນີ້,  ທ່ານນາງ ດຣ. ເພຍ ເຣເບລໂລ ບີຣໂຕ ໄດ້ສະເເດງຄວາມຍິນດີກັບພະນະທ່ານ ດຣ. ຄຳເຈນ     ວົງໂພສີ ໃນໂອກາດທີ່ທ່ານໄດ້ຖືກແຕ່ງຕັ້ງເປັນລັດຖະມົນຕີກະຊວງແຜນການ ແລະ ການລົງທຶນ ຄົນໃໝ່, ພ້ອມດຽວກັນນີ້, ຍັງໄດ້ສະເເດງຄວາມຊົມເຊີຍມາຍັງລັດຖະບານ ແຫ່ງ ສປປ ລາວ ໃນການຈັດຕັ້ງປະຕິບັດວິໄສທັດຂອງປະເທດທີ່ລະບູໄວ້ໃນແຜນພັດທະນາເສດຖະກິດ-ສັງຄົມແຫ່ງຊາດ ຄັ້ງທີ IX ສໍາລັບໄລຍະ 5 ປີຕໍ່ໜ້າ.

ທັ້ງສອງ​ຝ່າຍ​ໄດ້​ປຶກສາ​ຫາລືກັນ​ກ່ຽວ​ກັບຜົນສຳເລັດສຳຄັນໃນວຽກງານຕ່າງໆສຳລັບປີ 2021, ລວມທັງ​ການ​ສະໜັບສະໜູນ​ດ້ານ​ເຕັກນິກ​ຂອງ​ ອົງການຢູນິເຊັບ ຕໍ່​ກະຊວງ​ແຜນການ ​ແລະ ການ​ລົງທຶນ, ພ້ອມດ້ວຍ​ບົດບາດ​ຂອງ ອົງການຢູນິເຊັບ ​ໃນ​ການ​ຄວບ​ຄຸມ​ການລະບາດຂອງພະຍາດ ​ໂຄ​ວິດ-19 ຢູ່ໃນ ສປປ ລາວ, ​ເຊິ່ງລວມມີວຽກງານ​ການ​ຈັດສົ່ງ​ວັກຊີນ ​ແລະ ການສັກວັກຊີນເຫຼົ່ານີ້ໃຫ້ເເກ່ປະຊາກອນລາວ, ການເສີມສ້າງລະບົບຄວາມເຢັນເກັບຮັກສາ ເເລະ ຂົນສົ່ງວັກຊີນ, ແລະ ການພັດທະນາລະບົບການຮຽນການສອນເເບບ ດິຈິຕອນເພື່ອຮັບມືກັບຜົນກະທົບຂອງການແຜ່ລະບາດຂອງພະຍາດ ໂຄວິດ-19 ຕໍ່ລະບົບການສຶກສາ.

ພະນະທ່ານ ດຣ. ຄຳເຈນ ວົງໂພສີ ໄດ້ກ່າວວ່າ: “ຂ້າພະ​ເຈົ້າ​ຂໍ​ສະ​ແດງ​ຄວາມ​​ຂອບ​ໃຈ ແລະ ຕີລາຄາສູງ ຕໍ່ຜົນສຳເລັດ ຂອງການຮ່ວມມືລະຫວ່າງ ລັດຖະບານ ສປປ ລາວ ແລະ ອົງການ ຢູນີເຊັບ ໃນໄລຍະຜ່ານມາ. ການສະໜັບສະໜູນຂອງທ່ານເປັນກຸນແຈອັນສຳຄັນໃນການຮັບປະກັນຊີວິດການເປັນຢູ່ທີ່ດີຂອງເດັກນ້ອຍລາວ ແລະ ລັດຖະບານແຫ່ງ ສປປ ລາວ ຫວັງວ່າຈະມີການເພີ່ມທະວີການຮ່ວມກັບ ອົງການ ຢູນິເຊັບ ເພື່ອຜົນປະໂຫຍດຂອງເດັກນ້ອຍທຸກຄົນໃນ ສປປ ລາວໃນຕໍ່້ໜ້າ. ຂ້າພະເຈົ້າຫວັງເປັນຢ່າງຍິ່ງວ່າຈະໄດ້ຮັບການສືບຕໍ່ຮ່ວມມືກັບອົງການ ຢູນີເຊັບເພື່ອແກ້ໄຂບັນຫາຕ່າງໆຂອງເດັກໃນ ສປປ ລາວ”

ນອກຈາກນີ້, ທັງສອງ​ຝ່າຍຍັງໄດ້​ປຶກສາ​ຫາລືຕື່ມ​ກ່ຽວ​ກັບ​ຂົງ​ເຂດ​ການ​ຮ່ວມ​ມື​ໃນ​ອະນາຄົດລະຫວ່າງ ກະຊວງແຜນການ ແລະ ການລົງທຶນ ເເລະ ອົງການຢູນິເຊັບປະຈຳ ສປປ ລາວ, ລວມເຖີງ​ການ​ເພີ່ມ​ທະວີ​ການ​ຄົ້ນຄວ້າວິໃຈເພື່ອປັບປຸງ​ການ​ວາງ​ນະ​ໂຍບາຍ, ການ​ແກ້​ໄຂ​ວິ​ກິດ​​ດ້ານ​ການ​ຮຽນ​ຮູ້ທີ່ເກີດຂຶ້ນຍ້ອນການລະບາດຂອງພະຍາດ ໂຄວິດ-19, ການ​ປະຕິບັດ​ວຽກງານດ້ານການ​ປົກ​ປ້ອງທາງດ້ານ​ສັງຄົມ ພ້ອມດ້ວຍ ​ການ​ປະຕິບັດ ແຜນງານການຮ່ວມມື ລະຫວ່າງ ລັດຖະບານ ແຫ່ງ ສປປ ລາວ ແລະ ອົງການຢູນິເຊັບ ສົກປີ 2022-2026, ເຊິ່ງເເມ່ນໄດ້ເປີດຕົວຢ່າງເປັນທາງການໃນເດືອນ ຕຸລາ ປີ 2021 ແລະ ໄດ້ສ້າງວິໄສທັດ ແລະ ເປົ້າໝາຍ ທີ່ສາມາດບັນລຸໄດ້ໃຫ້ກັບເດັກນ້ອຍລາວໃນ 5 ປີຕໍ່ໜ້າ.

ທ່ານນາງ ດຣ. ເພຍ ເຣເບລໂລ ບີຣໂຕ ໄດ້ກ່າວວ່າ: “ອົງການຢູນິເຊັບ ຫວັງເປັນຢ່າງຢີ່ງວ່າ ພວກເຮົາຈະສາມາດສືບຕໍ່ເຮັດວຽກຢ່າງໃກ້ຊິດກັບລັດຖະບານ ແຫ່ງ ສປປ ລາວ ແລະ ບັນດາຄູ່ຮ່ວມພັດທະນາໃນການຈັດຕັ້ງປະຕິບັດ ແຜນງານການຮ່ວມມື ລະຫວ່າງ ລັດຖະບານ ແຫ່ງ ສປປ ລາວ ແລະ ອົງການຢູນິເຊັບ ສົກປີ 2022-2026 ເເລະ ຮ່ວມເເຫ່ງຮ່ວມໃຈກັນເພື່ອເຮັດໃຫ້ວິໄສທັດຂອງພວກເຮົາສໍາລັບເດັກນ້ອຍລາວທູກຄົນໃຫ້ກາຍເປັນຈິງ ເເລະ ປົກປ້ອງສິດຂອງພວກເຂົາ.”

--- ຈົບຂ່າວ ---

ກ່ຽວກັບອົງການຢູນິເຊັບ

ອົງການຢູນິເຊັບ ເຮັດວຽກໃນບາງບ່ອນ​ທີ່ຫຸ້ຽງ​ຍາກ​ທີ່ສຸດໃນໂລກ ເພື່ອເຂົ້າເຖິງເດັກທີ່ດ້ອຍໂອກາດທີ່ສຸດໃນໂລກ. ໃນທົ່ວ 190 ປະເທດ ແລະ ເຂດແຄ້ວນ​​, ພວກເຮົາເຮັດວຽກເພື່ອເດັກ​ທຸກຄົນ ແລະ ໃນທຸກແຫ່ງຫົນ​ ເພື່ອສ້າງໂລກທີ່ດີກ່ວາສໍາລັບທຸກຄົນ. ສໍາລັບຂໍ້ມູນເພີ່ມເຕີມກ່ຽວກັບອົງການຢູນິເຊັບ ແລະ ວຽກງານຂອງອົງການ​ເພື່ອ​ເດັກ​ ຈົ່ງ​ເຂົ້າເບິ່ງ: http://www.unicef.org/laos

ຈົ່ງຕິດຕາມພວກເຮົາໃນ Facebook, Twitter, YouTube ແລະ ໃນ www.unicef.org         

ສໍາລັບຂໍ້ມູນເພີ່ມເຕີມ ຈົ່ງ​ຕິດຕໍ່:

ທ່ານ ນາງ ລູ່ລີ ເຊ່ຍຢິ້ງຢ່າງ, ວິຊາການ ພະແນກອົງການຈັດຕັ້ງສາກົນ ກະຊວງແຜນການ ແລະ ການົລງທືນ
ໂທ: 021 222214

ທ່ານ ຕະບອງເພັດ ພຸດທະວົງ​, ຜູ້ຊ່ຽວຊານດ້ານການສື່ສານ, ອົງການຢູນີເຊັບປະຈຳ ສປປ ລາວ
ໂທ: (+856) 20 55519682
tphouthavong@unicef.org

ທ່ານ ສິລິພົດ ສີຫາພົມ, ພະນັກງານພະແນກສື່ສານ (UNV), ອົງການຢູນິເຊັບ ປະຈໍາ ສປປ ລາວ
ໂທ: (+856) 20 5555 7019
ssihaphom@unicef.org

ຕິດຕໍ່ຜູ້ຮັບຜິດຊອບຂ່າວ

Loulee Xiayingyang
Department of International Cooperation
Ministry of Planning and Investment
ໂທລະສັບ: +85621 222214
ຕະບອງເພັດ ພຸດທະວົງ
ຊ່ຽວຊານວຽກງານໂຄສະນາ ແລະ ສື່ສານມ່ວນຊົນ
ອົງການຢູນິເຊັບ ປະຈຳ ສປປ ລາວ
ໂທລະສັບ: +85621 487520;ext=7520
ໂທລະສັບ: +856 20 96888890
ອີເມວ: tphouthavong@unicef.org

About UNICEF

UNICEF works in some of the world’s toughest places, to reach the world’s most disadvantaged children. Across 190 countries and territories, we work for every child, everywhere, to build a better world for everyone. 

For more information about UNICEF and its work for children, visit www.unicef.org.

Follow UNICEF on Twitter and Facebook