ЮНИСЕФтин Кыргызстандагы ыктыярчысы болгуңуз келеби?
Ыктыярчылар кабыл алынбайт. ЮНИСЕФ 16 жаштан 50 жашка чейинки ыктыярчыларды мектептердеги коопсуздуктун маалымдуулукту жогорулатуу боюнча иш-чаралар үчүн кабыл алды.
Биздин ыктыярчыбыз катары ЮНИСЕФтин командасына катталгыңыз келеби?
2023 жылы ЮНИСЕФ мектептердеги коопсуздукту жогорулатуу боюнча биздин демилгебизди колдоп бериши үчүн Кыргыз Республикасынын төмөнкү жерлерден ыктыярчыларды кабыл алды:
- Нарын: Кочкор, Жумгал, Нарын, Ак-Талаа, Ат-Башы райондорунан, Нарын шаарынан;
- Жалал-Абад: Ала-Бука, Базар-Коргон, Таш-Көмүр, Ноокен, Сузак райондорунан;
- Ош: Ноокат, Араван, Чоң-Алай, Алай, Өзгөн, Кара-Суу, Кара-Кулжа райондорунан
- Баткен: Кадамжай ш., Кызыл-Кыя ш., Баткен району, Сүлүктү ш., Кулунду айыл өкмөтү, Катыран, Бешкент айылдары
Ыктырячылардын ролу – табигый кырсыктар, анын ичинде өрт же жер титирөө учурунда окуучулардын коопсуз жүрүм-турум көндүмдөрүн жакшыртууга багытталган өнөктүккө колдоо көрсөтүү. Бул аракеттер окутуучу иш-чараларды өткөрүү, ошондой эле өлкөнүн мектептеринде COVID-19дун алдын алуу боюнча маалымат өнөктүгүн жүргүзүү, ар бир бала үчүн коопсуз чөйрөнү түзүү аркылуу ишке ашырылат.
ЮНИСЕФтин ыктыярчылар программасы
ЮНИСЕФтин программасынын ыктыярчылары үчүн тренингдери
"Коопсуз мектеп" долбоорунун алкагындагы симуляциялык көнүгүүлөр
Маалыматтык интернет-өнөктүк
Жаштар жана өспүрүмдөр үчүн “Ю-Репорт” платформасы #СенинПикириңМаанилүү
Иштин көлөмү жана өзөктүк тапшырмалар:
- Табигый кырсыктардын тобокелдигин азайтуу: мектептерде табигый кырсыктарга даярдануу боюнча ар кандай окуу иш-чараларын жана симуляциялык көнүгүүлөрдү өткөрүүгө колдоо көрсөтүү. Табигый кырсыктардын тобокелдигин азайтуу тууралуу коомчулуктун маалымдуулугун жогорулатуу жана бул иштерди илгерилетүү.
- COVID-19 алдын алуу чаралары жөнүндө маалымдуулукту жогорулатуу.
- Коммуникация жана маалыматты жайылтуу.
- Коомдук иш-чараларга катышуу жана балдардын укуктары менен бакубатчылыгын сүрөө.
- "Ю-Репорт" жаштар платформасын илгерилетүү.
Өтүнмөнү кантип берип, канткенде ЮНИСЕФтин ыктыярчысы боло аласыз?
Талапкерлерге коюлган талаптар:
- Жаш курагы
Талапкер 16 жаштан 50 жашка чейин болушу керек.
- Билими жана тажрыйбасы
Орто же жогорку билимдүү.
Мүмкүн болсо, ыктыярчы катары же башка иштеги тажрыйбасы болушу керек.
- Көндүмдөрү
Кыргыз жана орус тилдерин эркин билүү милдеттүү шарт. Өзбек, тажик, англис тилдерин билүү артыкчылык болуп саналат.
Эгерде Сиз
- ыктыярчы болууну кааласаңыз;
- өзгөчө кырдаалдар учурунда симуляциялык машыгууларды өткөрүү тажрыйбаңыз бар болсо;
- биринчи жардам көрсөтүү көндүмдөрүнө ээ болсоңуз;
- Кыргызстанда балдардын укуктарын өнүктүрүүгө өз салымыңызды кошо алсаңыз;
- көп маданияттуу чөйрөдө иштөө жөндөмүңүз бар болсо;
- уюштуруучулук жана адамдар ортосундагы мамилелердин көндүмдөрүнө ээ болсоңуз;
- Кыргызстандын балдарынын учур чакта жана келечекте бактылуу жашоосуна салым кошкуңуз келсе,
анда Сиз ЮНИСЕФтин ыктыярчыларынын бири болуу менен ар бир бала үчүн бул максаттарыңызды орундата аласыз!
Жаңы ыктыярчыларды кабыл алуунун географиясы
Кыргызстандын Нарын, Баткен, Ош жана Жалал-Абад облустары.
Кабыл алуу
Өтүнмөлөр азыркы учурда кабыл алынбайт.
Көп берилчү суроолорго жооптор
- Ыктыярчылыкка канча убакыт бөлүш керек?
Ыктыярчыларга долбоордо иштөө үчүн айына орточо 60 саат убактысын бөлүү сунушталат. Сиз өз окууңузду жана программадагы волонтердук ишти оңой эле айкалыштыра аласыз.
- Мен кандайдыр бир акчалай сыйлык аламбы?
Тажрыйба топтоо жана мектептерде балдардын коопсуздугун камсыз кылуу үчүн программаларга колдоо көрсөтүү ЮНИСЕФтин ыктыярчысы үчүн башкы артыкчылык болуп саналат. Мындан тышкары, ЮНИСЕФ ыктыярчыларды акысыз окутат, бул сизге ЮНИСЕФтин миссиясы жөнүндө билүүгө, лидерлик көндүмдөрүңүздү өркүндөтүүгө, командада иштөөгө, эл алдында сүйлөөгө, ошондой эле өзгөчө кырдаалдарга даярдануу боюнча тренингден өтүүгө жана башка ыктыярчылар менен кызыктуу тажрыйба алууга мүмкүнчүлүк берет.
- Англис тилин мыкты билүү шартпы?
Жок, англис тили милдеттүү талап болуп саналбайт. Бирок, англис тилин билүү артыкчылык болуп берет.
- Кошумча суроолорум пайда болсо, кимге кайрылам?
Бардык кошумча суроолор боюнча ЮНИСЕФтин Ыктыярчылардын программалык координаторуна электрондук дарек аркылуу кайрылууңузду өтүнөбүз: aijan.abdesova@gmail.com