Сирия мен Түркиядағы балалар сіздің көмегіңізге мұқтаж
2023 жылдың 6 ақпанында Түркия мен Сирия шекарасындағы бірнеше қалалар мен елді мекендерде болған үлкен жер сілкінісінен зардап шеккен мыңдаған отбасылар мен балалардың қажеттіліктеріне ЮНИСЕФ жедел әрекет етуде.
Уақыт күтпейді.
Уақыт күтпейді.
Түркия мен Сирия мемлекеттерін дүр сілкінткен алпауыт табиғи апаттан кейін бір ай уақыт өтсе де, сау-тамтығы қалмай қираған үйлерінен сытылып шыққан 850 000 астам балақайлар пана болар қоныс таппай әлек.
Балалардың жер сілкінісі кезінде шетінеп не ауыр жарақаттарға душар болғандарының нақты санын анықтау әлі күнге мүмкін болмай отырғанымен де, мыңдаған періштелердің зардап шеккені күмәнсіз. Қираған үйлердің астында жаншылып, қаза тапқандар мен құлаған қабырға астынан сытылып шыққанымен, жарақаты ауырлығы салдарынан жан тапсырғандар саны 50,000 асып жығылды, жаны мен тәні жараланған адамдар мен күл-талқан болған ғимараттар, әлеуметтік маңызды орындардың көрінісі жанды түршіктіреді.
Түркияда, 1.9 миллионнан астам адамдар уақытша баспаналарға орналастырылған, алайда зардап шеккен аумақтарда таза ауыз суы, гигиеналық құралдар мен медициналық көмек көлемі аса шектеулі. Елдегі 2.5 миллион балаға жедел гуманитарлық көмек қажет.
Сирияда, болжамға сәйкес 500,000 астам адамдар сол түні өз жылы мекендерін тастап кетуге мәжбүр болған. Мыңдаған отбасылардың мекендері толығымен қираған, ал апаттың адуынды күшінен шошынған балалар өз туған үйлеріне қайтудан жүрексінеді. Апатты айтпағанның өзінде, Сирияда бұрыннан шамамен 6.8 миллион адамның мемлекет аумағында тұрғылықты жері болмаған, оның ішінде үш жарым миллионға жуық балалар да тентіреп күн кешкен. Апаттан соң Сирия аумағында 3.7 миллионнан астам балақайлар жылы төсектерін жайсыз мекенге айырбастады.
Бізге жер сілкінісінен зардап шеккен балалардың қажеттіліктерін қанағаттандыру үшін сіздің қолдауыңыз қажет. Шұғыл түрде қайырымдылық жасауларыңызды сұраймыз.
«Мыңдаған үйлер қирады, отбасылар қоныс аударуға мәжбүр болды, сондай-ақ температура үнемі нөлден төмен түсіп, қар мен қар аралас жаңбыр жиі жауып тұратын уақытта табиғи апат бұл отбасыларды қиындыққа ұшыратты». – Джеймс Элдер, ЮНИСЕФ өкілі
Біздің күтіп отыратын уақытымыз жоқ, балаларға жету үшін шұғыл түрде сіздің қолдауыңыз қажет. Бүгін шұғыл түрде қайырымдылық жасауыңызға шақырамыз.
ЮНИСЕФ аймақта гуманитарлық көмек көрсете отырып, Түркия мен Сирия үкіметтерімен тығыз ынтымақтастықты жалғастыруда. Біз қазірдің өзінде аса қажетті материалдарды жібердік және зардап шеккен аудандарда тұратын балаларды қауіпсіз жерлерге эвакуациялауын қамтамасыз етіп жатырмыз.
Сіздің қайырымдылығыңыз мұқтаж балалар мен отбасыларға арналған гигиеналық жинақтар, көрпелер мен қысқы киімдер сияқты шұғыл көмек көрсету үшін үлкен өзгеріс әкелуі мүмкін. Тез арада көмектесуіңізді сұраймыз!
ЮНИСЕФ-ке көбірек мұқтаж балаларды қамтуға көмектесіңіздер
Мыңдаған үйлер қирады, отбасылар қоныс аударуға мәжбүр болды, сондай-ақ температура үнемі нөлден төмен түсіп, қар мен жаңбыр аралас жиі жауып тұратын уақытта табиғи апат отбасыларды қиындыққа ұшыратты. Жақында аймақтың кейбір аймақтарына қатты боран соғып, енді ауа температурасының күрт төмендеуі болжануда.
-
ЮНИСЕФ жарты миллионға жуық адамды таза ауыз суы, санитарлық және гигиена (WASH) қызметтері және құралдарымен, соның ішінде суды тасымалдау, қатты қалдықтарды басқару, септиктерді тазарту, сондай-ақ Сирия тұрғындарын отбасылық гигиеналық жинақтар мен басқа да құтқару құралдарымен қамтамасыз етті.
-
294 000-нан астам адамға, соның ішінде уақытша баспаналарды паналағандарға ЮНИСЕФ қолдау көрсететін денсаулық орталықтары мен мобильді медициналық көмек көрсетуші топтар арқылы қажетті дәрмектер мен медициналық кеңестер берілді.
-
Жер сілкінісінен зардап шеккен аудандарда бес жасқа дейінгі 130 000-нан астам балаға тамақтандыру қызметтері көрсетілді.
-
ЮНИСЕФ сондай-ақ 100 000-нан астам балалар мен тәрбиеленушілерге психологиялық көмек, оның ішінде психологиялық алғашқы көмек, ойын-сауық шаралары, психикалық денсаулықты нығайту, психоәлеуметтік қолдау және ата-аналарға арналған сеанстарды ұсынды.
-
Түркияда ЮНИСЕФ шамамен 277,000 адамды, оның ішінде 163,000 астам балаларды қысқы киімдермен, электрлі жылытқыштармен, жылы көрпелермен қамтамасыз етті.
-
Түркияда 258 000 адам, оның ішінде 148 000 балаға гигиеналық құралдар үлестірілді.
-
ЮНИСЕФ уақытша орналастыру орталықтарының жанында балаларға қолайлы кеңістіктер құруда және осы уақытқа дейін 5000-нан астам балаға алғашқы психоәлеуметтік көмек пен ойын-сауық шараларын ұсынды.