«Akelius балаларға мұғаліммен де, жекелей де кез келген тілді үйренуге бірегей мүмкіндік береді»
Мұғалім «Akelius» қосымшасымен балаларды сауаттылыққа оқыту туралы
БҰҰ Балалар қорының (ЮНИСЕФ) қолдауымен №60 мектеп білімді толықтыру бойынша қолдауға мұқтаж балалардың, сондай-ақ балалардың көші-қон процестерінде сауаттылығын арттыру жөніндегі Akelius пилоттық бағдарламасына қатысады.
«Жоба көші-қон процестеріндегі балаларға да бағытталғандықтан, біздің міндетіміз - бұл балаларды уақтылы анықтау және оқуда артта қалмас үшін сауаттылықты арттыру бойынша сабақтарға бағыттау. Себебі бір пән бойынша артта қалуы баланың жалпы әл-ауқатына қатты әсер етеді. Бұған жол бермеу үшін жұмыс істеп жатырмыз», - дейді балалар құқығын қорғау жобаларының үйлестіруші, Адам құқықтары және заңдылықты сақтау бюросының заңгері Кэтрин Кавлис.
Оқытудың нәтижелілігін планшетпен жұмыс жасау да қамтамасыз етеді, оның көмегімен балалар Akelius платформасына қол жеткізе алады, сондай-ақ үй тапсырмасын орындай алады.
«Қосымшаның құндылығы оның мұғалімдерге сабақтарды неғұрлым тиімді өткізуге мүмкіндік беруінде, өйткені мұндай құрал болған кезде мұғалімде әр баламен жеке жұмыс істеуге мүмкіндік пайда болады, тіпті бір сыныпта әр түрлі деңгейдегі оқушылардың болуы да бұған кедергі келтірмейді. Біз бұл тәсілді қаланың басқа мектептерінде де қолданамыз», - дейді Астана қаласы әкімдігінің Білім беруді жаңғырту орталығының орта және мектепке дейінгі білім беру бөлімінің басшысы Ақбота Бақытқызы Есематова.
Планшеттегі сабақтар деңгейлер бойынша оқуға бейімделген және жазылған. Әр бала тесттен өтіп, бір деңгейден екінші деңгейге өту арқылы ұпай жинайды.
Жобада педагогтерге әдістемелік және ұйымдастырушылық қолдау тек мектеп қана көрсетіп қоймайды, сонымен қатар басқа қатысушылар да жұмылдырылған.
Халықаралық ақпараттық технологиялар университетінің сарапшылары мектептерге сабақтарды жоспарлау, әртүрлі табысты әдістерді, соның ішінде бағалауды қолдана отырып аралас оқыту бойынша әдістемелік қолдау көрсетеді.
Адам құқықтары жөніндегі Қазақстандық халықаралық бюро бағдарламаға мұқтаж оқушыларды анықтауға және оларды оқытушыларға жіберуге көмектеседі. Астана қаласы әкімдігінің Білім беруді жаңғырту орталығы бағдарламаны әдістемеде, тәсілдердің жаңалылығын ілгерілетуде, нәтижелермен алмасу мен таратуда, Астана қаласы мен өңірлердегі басқа мектептермен үйлестіруде қолдайды.
«Балалардың оқуға және өз бетімен үйренуге деген құштарлығын ояту - бұл менің жұмысымдағы басты қағидатым. Akelius жобасы балаларға мұғаліммен де, жекелей де кез келген тілді үйренуге ерекше мүмкіндік береді. Мен үшін дәстүрлі оқытуды электрондық-цифрлық ресурспен интеграциялау тәжірибесі мен дағдысын игеру өте маңызды», - дейді Астана қаласының №60 мектеп-лицейінің мұғалімі Анар Байтабенова.
