សូមចូលរួមអបអរសាទរទិវាកុមារពិភពលោក
ថ្ងៃគិតគូរឡើងវិញពីអនាគតប្រសើរឡើងសម្រាប់កុរមារគ្រប់រូបនៅកម្ពុជា – ២០ វិច្ឆិកា
- Available in:
- English
- Khmer
ទិវាកុមារពិភពលោក គឺជាទិវាធ្វើសកម្មភាពប្រចាំឆ្នាំរបស់យូនីសេហ្វ ដើម្បីកុមារ និងដោយកុមារ។
នៅឆ្នាំនេះ ជីវិតកុមារជាច្រើនកំពុងទទួលរងផលប៉ះពាល់ពីជំងឺរាតត្បាតសកល ដែលមិនធ្លាប់មានពីមុនមក។ កុមារខកខានទៅសាលារៀន មិនបានទទួលសេវាសុខភាព គ្មានម្ហូបអាហារគ្រប់គ្រាន់ និងរងគ្រោះខ្លាំងជាងមុនពីអំពើរំលោភបំពាន។
ផលប៉ះពាល់មកលើកុមារ មិនត្រឹមតែសម្រាប់ពេលបច្ចុប្បន្នភា្លមៗនេះទេ ប៉ុន្តែវាអាចបន្តទៅរយៈពេលយូរអង្វែងផងដែរ។ ដូច្នេះ គ្រប់ការសម្រេចចិត្តទាំងអស់ដែលយើងធ្វើឥលូវនេះ នឹងផ្តល់ឥទ្ធិពលធំធេងដល់ជីវិតរបស់កុមារ។
ដូច្នេះ សកម្មភាពស្តារទ្បើងវិញ ត្រូវតែផ្តល់អាទិភាពដល់កុមារមុនគេ។
យើងត្រូវកសាងអនាគតមួយល្អជាងមុន។ យើងត្រូវកសាងរួមគ្នា
ហើយត្រូវកសាងជាមួយកុមារ។ នេះគឺជាវិធីដែលយើងនឹងបង្កើតពិភពលោកមួយប្រសើរជាងមុនសម្រាប់កុមារគ្រប់រូប។
យើងទាំងអស់គ្នា មានចំណែកចូលរួមកសាងអនាគតដ៏ល្អនេះ។ តើអ្នកនឹងធ្វើសកម្មភាពអ្វីដើម្បីចូលរួម?
តើខ្ញុំអាចចូលរួមធ្វើសកម្មភាពបានអ្វីខ្លះ?
- សូមប្រាប់យើងអំពីវិធីដែលអ្នកគិតគូរជាថ្មីពីអនាគតអ្នក។
- សូមជួយគាំទ្រកុមារឲ្យយល់ពីសិទ្ធិរបស់ខ្លួន និងគិតគូរជាថ្មីអំពីអនាគតរបស់ពួកគេ។
- សូមស្តាប់សំទ្បេងកុមារដោយយកចិត្តទុកដាក់ និងធ្វើសកម្មភាពគាំទ្រពួកគេ។
- សូមអានទស្សនវិស័យរបស់នាយិកាយូនីសេហ្វ សម្រាប់ការគិតគូរជាថ្មីអំពីអនាគតរបស់ប្រទេសកម្ពុជា ដោយមានការពិគ្រោះយោបល់ជាមួយក្រុមយុវជន។
- សូមអានរបាយការណ៍ស្តីពីការគិតគូរជាថ្មីអំពីអនាគត ចេញផ្សាយដោយយូនីសេហ្វ ការអំពាវនាវដល់ដៃគូ
រដ្ឋាភិបាល និងអ្នកគាំទ្រ ឲ្យចូលរួមកសាងពិភពលោកមួយប្រសើរជាងមុន ក្រោយជំងឺរាតត្បាតកូវីដ១៩ បញ្ចប់។ សូមអាននៅទីនេះ៖ https://www.unicef.org/eap/reports/recover-rebound-reimagine
តើសកម្មភាពចាំបាច់អ្វីខ្លះដែលយើងត្រូវការ?
យូនីសេហ្វ និងដៃគូ កំពុងអំពាវនាវដល់រដ្ឋាភិបាលទាំងអស់ឲ្យទទួលយកទៅអនុវត្តនូវផែនការប្រាំមួយចំណុចដើម្បីការពារកុមាររបស់យើង។
- ធានាថាកុមារគ្រប់រូបអាចទទួលបានការសិក្សា រួមទាំងលប់បំបាត់នូវគម្លាតផ្នែកឌីជីថល។
- ធានាថាកុមារអាចទទួលបានសេវាសុខភាពមូលដ្ឋាន និងធ្វើឲ្យថ្នាំបង្ការមានតម្លៃសមរម្យ និងអាចទទទួលបានដោយកុមារគ្រប់រូប។
- គាំទ្រ និងការពារសុខភាពផ្លូវចិត្តកុមារ និងយុវជន រួមទាំងបញ្ឈប់រាល់ទម្រង់នៃការរំលោភបំពាន អំពើហិង្សាផ្នែកយេនឌ័រ និងការយកចិត្តទុកដាក់លើកុមារភាព។
- បង្កើនលទ្ធភាពទទួលទឹកស្អាត និងអនាម័យ រួមទាំងទប់ស្កាត់សកម្មភាពបំផ្លាញបរិស្ថាន
និងបម្រែបម្រួលអាកាសធាតុ។ - កាត់បន្ថយភាពក្រីក្ររបស់កុមារ និងធានាថាសកម្មភាពស្តារទ្បើងវិញ ត្រូវផ្តល់អត្ថប្រយោជន៍ដល់ប្រជាពលរដ្ឋគ្រប់រូប។
- បង្កើនកិច្ចខិតខំប្រឹងប្រែងទ្វេដង ក្នុងការការពារ និងគាំទ្រកុមារ និងគ្រួសារដែលកំពុងរស់នៅក្នុងជម្លោះ គ្រោះមហន្តរាយ និងការជម្លៀសខ្លួន។