09 កុម្ភៈ 2024

ទស្សនកិច្ចរបស់សមាជិកសភានៃបណ្តាប្រទេសតំបន់អ៊ឺរុបខាងជើង (ន័រឌីក)មកកម្ពុជា បង្ហាញថាកិច្ចខិតខំប្រឹងប្រែងរួមគ្នាជាពហុភាគី គឺជាគន្លឹះនៃការលើកកម្ពស់សុខភាពសម្រាប់ប្រជាពលរដ្ឋនៅតំបន់ដាច់ស្រយាលនៃប្រទេស

រាជធានីភ្នំពេញ ថ្ងៃទី៩ ខែកុម្ភៈ ឆ្នាំ២០២៤៖ នៅថ្ងៃនេះ គណៈប្រតិភូរួមមួយនៃសមាជិកសភា​មកពីប្រទេសដាណឺម៉ាក ន័រវេស និងស៊ុយអែត បានបញ្ចប់​ទស្សនកិច្ចរយៈពេល​បួនថ្ងៃរបស់ខ្លួនមកប្រទេសកម្ពុជា ដើម្បីសង្កេតមើល​ប្រសិទ្ធភាពនៃកម្មវិធីរបស់ Gavi សម្ព័ន្ធថ្នាំបង្ការសកល មូលនិធិសកល និងយូនីសេហ្វ ​ក្រោមការគាំទ្ររបស់​បណ្ដាប្រទេសន័រឌីកតាមរយៈ​ភាពជាដៃគូពហុភាគី ក្នុងការ រួមចំណែក…
28 មីនា 2023

របាយការណ៍វិភាគស្ថានភាពកុមារ និងក្មេងជំទង់នៅប្រទេសកម្ពុជាឆ្នាំ២០២៣

នៅក្នុងឆ្នាំ២០២២ យូនីសេហ្វ បានរៀបចំធ្វើការវិភាគឯករាជ្យមួយទៅលើស្ថានភាពកុមារកម្ពុជា និងសិទ្ធិរបស់ពួកគេ។ គោលដៅនៃការវិភាគនេះ គឺដើម្បីគាំទ្រដល់ការសម្រេចបានដោយពេញលេញនូវសិទ្ធិកុមារ ក៏ដូចជាកំណត់បញ្ហាប្រឈមដែលបានជួបប្រទះកន្លងមក។ ការប្តេជ្ញាចិត្តគោរពសិទ្ធិមនុស្សមានចែងនៅក្នុងរដ្ឋធម្មនុញ្ញរបស់ប្រទេសកម្ពុជា ហើយព្រះរាជាណាចក្រកម្ពុជាក៏ជាហត្ថលេខីនៃសន្ធិសញ្ញាសិទ្ធិមនុស្សស្នូលសំខាន់ៗទាំងប្រាំបួន។ ការវិភាគនេះប្រើប្រាស់អភិក្រមផ្អែកលើសិទ្ធិមនុស្ស ដែលបានបញ្ជាក់នៅក្នុងអនុសញ្ញាអង្គការសហប្រជាជាតិស្តីពីសិទ្ធិកុមារ និងផ្អែកលើគោលការណ៍សិទ្ធិមនុស្សសំខាន់ៗ។ ការវិភាគនេះពិនិត្យមើលទិន្នន័យរបស់រាជរដ្ឋាភិបាល ប្រភពព័ត៌មានបន្ទាប់បន្សំ ​សម្ភាសន៍ពាក់កណ្តាលរចនាសម្ព័ន្ធ ការពិគ្រោះយោបល់ជាមួយកុមារវ័យជំទង់ចំនួន ១.៤១៤ នាក់ និងការពិភាក្សាជាក្រុម។ ប្រទេសកម្ពុជាជាសង្គមដែលមានមនុស្សវ័យក្មេងយ៉ាងច្រើន។ នៅក្នុងឆ្នាំ២០១៩ កុមារមានចំនួន ៣៤,៨ ភាគរយនៃប្រជាជនសរុប ហើយភាគរយនេះកំពុងតែកើនឡើងយ៉ាងឆាប់រហ័ស។ ស្ថានភាពរបស់កុមារមានភាពប្រសើរឡើង ដោយសារប្រទេសកម្ពុជាសម្រេចបានកំណើនសេដ្ឋកិច្ចយ៉ាងច្រើនក្នុងរយៈពេលពីរទសវត្សរ៍កន្លងមក ហើយក៏សម្រេចបាននូវឋានៈជាប្រទេសដែលមានចំណូលមធ្យមកម្រិតទាបក្នុងឆ្នាំ២០១៥ ។ ជាអកុសល ជំងឺរាតត្បាតជាសកល និងបញ្ហាតម្លៃប្រេងឥន្ធនៈ បានបង្កឲ្យមានភាពយឺតយ៉ាវដល់កំណើននេះ ហើយភាពក្រីក្រក៏កើតមានជាទូទៅ ជាពិសេសនៅក្នុងទីផ្សារការងារក្រៅប្រព័ន្ធ ដោយ ៨១ ភាគរយនៃការងារទាំងអស់ ត្រូវបានចាត់ទុកថាងាយរងគ្រោះ ។ មនុស្សវ័យក្មេង ទំនងជាគ្មានការងារធ្វើ ដល់ទៅបីដងបើធៀបនឹងមនុស្សពេញវ័យ។ គ្រួសារភាគច្រើននៅតែប្រឈមនឹងភាពក្រីក្រ ហើយផ្អែកលើការអង្កេតសង្គមសេដ្ឋកិច្ចកម្ពុជាឆ្នាំ ២០១៩/២០ ប្រជាជនកម្ពុជាប្រហែល ១៧,៨ភាគរយ រស់នៅក្រោមបន្ទាត់ភាពក្រីក្រ។ កុមារគឺជាក្រុមដែលងាយប្រឈមមុខនឹងហានិភ័យ ហើយនៅពេលភាពក្រីក្រត្រូវបានវាស់វែងដោយប្រើវិធីសាស្ត្រវិភាគភាពខ្វះខាតពហុត្រួតគ្នាគ្រប់ជ្រុងជ្រោយ (MODA)ស្ទើរតែពាក់កណ្តាល (៤៨,៧ ភាគរយ) នៃចំនួនប្រជាជនកម្ពុជាដែលមានអាយុពី ០-១៧ឆ្នាំ ស្ថិតក្នុងនិយមន័យនៃភាពក្រីក្រពហុវិមាត្រ។
14 កញ្ញា 2022

សន្និសីទអប់រំលើកទី១ ស្តីពីការអភិវឌ្ឍគ្រូបង្រៀនផ្តោតលើកំណែទម្រង់ការបណ្តុះបណ្តាលគ្រូបង្រៀនដើម្បីត្រៀមរៀបចំការអប់រំបំណិនសតវត្សរ៍ទី២១ដល់សិស្សានុសិស្សកម្ពុជា

រាជធានីភ្នំពេញ ថ្ងៃទី១៤ ខែកញ្ញា ឆ្នាំ២០២២៖ ក្នុងថ្ងៃនេះសន្និសីទអប់រំដែលមានការចូលរួមពីអ្នកឯកទេសអប់រំមកពីគ្រឹះស្ថានអប់រំគ្រូបង្រៀន គ្រឹះស្ថានសិក្សាសាធារណៈ ដៃគូអភិវឌ្ឍន៍ និងអង្គការមិនមែនរាជរដ្ឋាភិបាល ដែលមានរយៈពេលពីរថ្ងៃ ត្រូវបានបញ្ចប់ដោយជោគជ័យ។ សន្និសីទនេះបានផ្តល់ឱកាសឱ្យ អ្នកចូលរួមចែករំលែកចំណេះដឹង ការស្រាវជ្រាវ និងការអនុវត្តល្អៗ…
05 មេសា 2022

ការសិក្សាស្រាវជ្រាវថ្មីបានបញ្ជាក់ថា កុមារកម្ពុជាបានជួបប្រទះនឹង “ការបាត់បង់ការរៀនសូត្រ” យ៉ាងច្រើន នៅក្នុងអំឡុងពេលនៃជំងឺរាតត្បាតកូវីដ-១៩ ដែលទាមទារឱ្យបង្កើនការវិនិយោគលើវិស័យអប់រំ

រាជធានីភ្នំពេញ ថ្ងៃទី០៥ ខែមេសា ឆ្នាំ២០២២៖ ក្រសួងអប់រំ យុវជន និងកីឡា (ក្រសួង អយក) បានបង្ហាញនូវ​លទ្ធផលថ្មីគួរឱ្យភ្ញាក់ផ្អើល អំពីការបាត់បង់ការរៀនសូត្រ​របស់សិស្សានុសិស្សកម្ពុជាក្នុងអំឡុងពេលនៃការរាតត្បាតជំងឺកូវីដ។ លទ្ធផល​គឺបានមកពី​ការវាយតម្លៃ​ជាតិចុងក្រោយ​របស់ក្រសួង អយក ទៅលើការរៀនសូត្រនៅថ្នាក់ទី៦ ដែលត្រូវបានធ្វើឡើង​នៅខែវិច្ឆិកា ឆ្នាំ២០២១ និង​…