Səhiyyə və qidalanma
"UNICEF Azərbaycanda hər bir uşağın həyata mümkün qədər yaxşı şəkildə b aşlaya bilməsini təmin etmək məqsədilə erkən uşaqlıq dövründə inkişafla bağlı sağlamlıq, qidalanma, təhsil və valideynlərə dəstək məsələlərini özündə əks etdirən kompleks yanaşma tətb
- Available in:
- English
- Azərbaycanca
"Son illər ərzində Azərbaycanda qidalanma sahəsində əhəmiyyətli irəliləyişlərə nail olunsa da, reproduktiv yaşda olan qadınlar və 6-11 aylıq körpələr arasında dəmir defisitli anemiya halları hələ də yüksək səviyyədə qalır və müvafiq olaraq 38,2% və 39,5% təşkil edir . Hamilə qadınlar arasında anemiyanın geniş yayılması təxminən 10 nəfər yeni doğulmuş körpədən 1-nin normadan az çəki ilə doğulmasına v ə 5 yaşadək uşaqların orta hesabla 4,9%-nin normadan aşağı çəkidə olmasına gətirib çıxaran əsas amillərdəndir.
Erkən yaşlı uşaqların sağlamlığına və qidalanmasına mənfi təsir göstərən əsas səbəblərdən biri ana südü ilə qidalanma göstəricilərinin a şağı olmasıdır. Ana südü ilə qidalanma körpənin dünyaya gəldiyi ilk andan sağlam inkişafı üçün qlobal miqyasda qəbul olunmuş ən səmərəli üsul hesab edilsə də, Azərbaycanda anaların yalnız 12%-i doğuşdan sonrakı ilk altı ay ərzində öz körpələrini sırf ana südü ilə qidalandırır.
Unun zənginləşdirilməsi sahəsində irəliləyiş
Unun zənginləşdirilməsi dəmir və fol turşusu kimi qidalandırıcı maddələrin una əlavə edilməsini nəzərdə tutur. Belə bir sadə və təhlükəsiz proses dəmir defisitli anemiyaya qarşı mübarizədə ən səmərəli və iqtisadi baxımdan sərfəli üsul kimi özünü təsdiqləyib. Azərbaycanda bu üsulun tətbiqi sayəsində hər il yüzlərlə uşağın həyatını yaxşılaşdırmaq, hətta xilas etmək mümkündür.
UNICEF unun icbari qaydada zənginləşdirilməsini nəzərdə tutan vacib qanunvericilik aktlarının hazırlanmasında Azərbaycan hökumətinə köməklik göstərir, müvafiq prosesə dair texniki məsləhətlər verir və, ən vacibi qida mütəxəssisləri, un istehsalçıları, millət vəkilləri və dövlət büdcəsinin tərtibi prosesində iştirak edən tərəflərin bu təşəbbüsü daha fəal dəstəkləmələri üçün xərc-fayda təhlilini aparır."
