Որ մանկությունը լինի պայծառ ու գեղեցիկ
ՅՈՒՆԻՍԵՖ-ը, միավորվելով Արգենտինայի հայ համայնքի հետ, վերանորոգել է Գորիսի թիվ 5 մանկապարտեզը:
- Հասանելի է նաև:
- Հայերեն
- English
«Սիրտը մեր խաղաղություն է երգում,
մեր հոգին ճախրում է բաց երկնքում,
չկա սահման խաղաղության,
Երբ երկնքում ամպերն են քեզ օրորան»
Շատ բարձր երգում էին սպիտակ շորերով հրեշտակների նման Գորիսի թիվ հինգ մանկապարտեզի սաները՝ մանկանը բնորոշ պարզությամբ խոսելով ամենակարևորի՝ կապույտ երկնքի և խաղաղության մասին: Այո՛, առանց խաղաղության, ոչինչ արժեք չունի, բայց երբ դրսում անորոշ է, ապա ներսի բարեկարգությունն ու ջերմությունը մի տեսակ ավելի է կարևորվում:
«Յուրաքանչյուր ծնողի համար երազանք է ու կարևոր, որ իր երեխան նորմալ պայմաններում կրթություն ու դաստիարակություն ստանա: Այդ դեպքում, անկախ պատերազմական և հետպատերազմական լարված մթնոլորտից, երեխան լրիվ այլ բան է տեսնում, երբ գալիս է գունավոր ու պայծառ, բարեկարգ ու ջերմ միջավայր», -
Գորիսի թիվ 5 մանկապարտեզը, որտեղ հաճախում են 3-5 տարեկան 120 այլ փոքրիկներ վերանորոգվել է ՅՈՒՆԻՍԵՖ-ի կողմից՝ Արգենտինայում հայ համայնքի և Արգենտինայում «Հայաստան» համահայկական հիմնադրամի ֆինանսական աջակցության շնորհիվ:
Մինչ պաշտոնական բացումը Սոֆին և մայրիկը մի քանի անգամ եկել էին և տեսել, թե որքան է գեղեցկացել մանկապարտեզը: Մայրը պատմում է, որ այցից հետո Սոֆին ամեն օրը հաշվում էր ու սպասում, թե երբ է վերջապես վերադառնալու մանկապարտեզ: «Թեև դժվար արթնացող էր աղջիկս, հիմա արագ արթնանում է առավոտյան ու ինձ շտապեցնում, որ րոպե առաջ հասնենք մանկապարտեզ»:
Վեցամյա Սոֆին և Արան ուրախությամբ հայտարարեցին, որ իրենց մանկապարտեզն այժմ ամենասիրունն է:
Վեցամյա Սոֆին և Արան ուրախությամբ հայտարարեցին, որ իրենց մանկապարտեզն այժմ ամենասիրունն է:
«Հիմա ավելի լավ ենք խաղում, երգում ու պարում, հիմա ճաշերն էլ ավելի համով են դարձել»,-
«Մեր մանկապարտեզը նոր շունչ է ստացել. ամենասիրունը մեր պատերի պանդաներն են ու պանդաներով անկողինները»,-
2022թ-ի հուլիսից դեկտեմբեր ամիսների ընթացքում վերանորոգվել են մանկապարտեզի 4 խմբասենյակները, միջանցքները, աստիճանավանդակները, դահլիճը, խոհանոցը, մթերքի պահեստը, գլխավոր ճակատի պատշգամբը, տեղադրվել են ջեռուցման նոր համակարգ, նոր դռներ և պատուհաններ, կատարվել են ջրամատակարարման, կոյուղու, էլեկտրամոնտայաժային և հակահրդեհային ահազանգման աշխատանքներ:
Գորիսի համայնքապետարանի աջացկությամբ վերանորոգվել է շենքի տանիքը, որ իսկապես անմխիթար վիճակում էր: Ֆոքըս ոն Չիլդրեն ընկերության շնորհիվ էլ խմբասենյակները կահավորվել են: Ի լրումն, ՅՈՒՆԻՍԵՖ-ի գործընկեր Հայ օգնության ֆոնդը ոչ միայն պատվով և պարտաճանաչությամբ իրականացրել է վերանորոգման աշխատանքները, այլ նաև մի շարք աշխատանքներ իրականցրել է կազմակեպության կողմից:
«Ճիշտ են ասում՝ «գյուղ կանգնի, գերան կկոտրի»: Երեխաների կյանքն ավելի բարեկեցիկ դարձնելու նպատակն այս անգամ համախմբել էր Հայաստանում և Հայաստանից շատ հեռու գտնվող մարդկանց՝ միջազգային կազմակերպություններին, համայնքի ղեկավարությանը, համայնքի բնակիչներին, շինարարներին և մի շարք այլ սրտացավ մարդկանց: Որակյալ կրթությունը վճռորոշ դեր է խաղում երեխայի զարգացման գործում, հատկապես վաղ տարիքում: Այն ոչ միայն հիմք է դնում նրանց ապագա ակադեմիական հաջողությունների համար և օգնում է նրանց ձեռք բերել սոցիալական և հուզական հմտություններ: Այդ իսկ պատճառով բոլոր երեխաների համար վաղ ուսուցման որակյալ ծառայությունները հասանելի դարձնելը ՅՈՒՆԻՍԵՖ-ի համար առաջնահերթություն է»,-
Մանկապարտեզի տնօրեն Կարինե Մինասյանը նշեց, որ մինչ վերանորոգումը մանկապարտեզ հաճախում էր հարյուր տասը երեխա, իսկ այսօր արդեն հարյուր հիսուն երեխա կարող են ընդունել: «Սա մեր հիսուն տարվա երազանքն էր. վերջապես մեր մանկապարտեզն էլ վերանորոգվեց, ինչը կարևոր է մատաղ սերնդի կրթության, դաստիարակության, առողջության պահպանման համար: Մանկապարտեզի վերանորոգումը դրականորեն է ազդել ընդհանուր մթնոլորտի և տրամադրության վրա: Թե՛ երեխաներն են սկսել ավելի ուրախ, գրեթե առանց լացի, գալ մանկապարտեզ, թե՛ դաստիարակներն են ավելի հաճույքով գալիս աշխատանքի»:
«Մանկապարտեզների վերանորոգումը մեզ համար առաջնահերթություն է: Պատերազմական և հետպատերազմական իրավիճակներում բազմաթիվ խնդիրներ են առաջացել մեր համայնքում: Եվ մեր պարտքն է, փորձենք մեր երեխաների համար անվտանգ միջավայրի ստեղծումից բացի ստեղծել հնարավորություններ, որ նրանց առօրյան շատ ավելի պայծառ լինի: Այս վերանորոգման արդյունքում մենք կարողացանք նոր խմբասենյակ բացել և մանկապարտեզ հաճախելու հնարավորություն ստեղծել ավելի շատ, այդ թվում՝ Լեռնային Ղարաբաղից տեղահանված և այս համայնքում հաստատված երեխաների համար»,- նշեց Գորիսի փոխքաղաքապետ Իրինա Յոլյանը:
Աստղիկ Գաբրիելյանը, մանկապարտեզի սան Արայի մայրիկը նշեց, որ անչափ կարևորում է նախադպրոցական կրթությունը: «Այն երեխայի կրթության հիմքն է, և ես անչափ ուրախ եմ, որ իր փոքր երեխան՝ մեկ ու կես տարեկան Լուսես, կհաճախի արդեն վերանորոգված մանկապարտեզ, կունենա իր անվանը համահունչ՝ լուսավոր մանկություն»: Ճիշտ ինչպես, երգում էին Գորիսի թիվ հինգ մանկապարտեզի փոքրիկները.
«Կարևոր է որ լինենք մենք միշտ երջանիկ,
Մանկությունը մեր լինի պայծառ, գեղեցիկ
Չկա սահման խաղաղության
Բոլոր մանուկներն են մեզ հետ համաձայն»:
