Կլիմայական փոփոխություն. հիմնական սկբունքներ
Ինչ է կլիմայի փոփոխությունը, ինչ է գլոբալ տաքացումը և ինչ կարող ես անել դու՝ պայքարելու կլիմայի փոփոխության դեմ:
- Հասանելի է նաև:
- Հայերեն
- English
Պարզվում է՝ դեռահասների 90 տոկոսը ցանկանում է ավելին իմանալ կլիմայի փոփոխության մասին: Ի դեպ, ավելի փոքր տարիքի և գյուղական համայնքերում ապրող դեռահասներն ավելի շատ են հետաքրքրված այս թեմայով: Նրանք ասել են, որ կլիմայի մասին ավելին ցանկանում են տեղեկանալ հենց դպրոցի ուսուցիչներից, հեռուստատեսությունից և համացանցից: Տվյալները ՅՈՒՆԻՍԵՖ-ի՝ Հայաստանում կլիմաի փոփոխության և դեռահասների մասնկացության վերաբերյալ գիտելիքի, վերաբերմունքի, փորձառության և վարքագծի հետազոտությունից է (link):
Հենց այդ է պատճառը նաև, որ ՅՈՒՆԻՍԵՖ-ի մասնագետները երիտասարդների հետ համատեղ պատասխանել են կլիմայի փոփոխության վերաբերյալ հիմնական հարցերին:
Ինչ է կլիմայի փոփոխությունը
Կլիմայի փոփոխությունը օդի ջերմաստիճանի և եղանակի շարունակական տատանումներն են:
Դա բնական գործընթաց է, սակայն կարող է տեղի ունենալ նաև գլոբալ տաքացման պատճառով, ինչն, առաջին հերթին, մարդու գործունեության արդյունք է:
Գլոբալ տաքացումը տարիների ընթացքում օդի ջերմաստիճանի շարունակական բարձրացումն է
Արտանետվող CO2 գազը կուտակվում է մթնոլորտում և հանգեցնում է օդի ջերմաստիճանի բարձրացման: CO2 գազի աճի պատճառը հիմնականում հանածո վառելիքի այրումն ու անտառահատումներն են:
Գիտես, որ կանխատեսնումների համաձայն, Հայաստանի կլիման այս դարում կարող է տաքանալ մինչև 4,7 աստիճան:
Ինչպես է ազդում կլիմայի փոփոխությունը մեզ վրա
Այն տարբեր կերպ է ազդում հասարակության, տնտեսության և էկոհամակարգերի վրա՝ հանդիսանալով
- ծայրահեղ եղանակային պայմանների,
- կենսաբազմազանության կորստի,
- առողջության խաթարման և
- մարդկանց տարհանման
պատճառ:
Կլիմայի փոփոխության ազդեցությունը կարելի է մեղմել
Անհրաժեշտ են քայլեր, որոնք նվազեցնում են CO2 գազի արտանետումը, օրինակ՝ անցումը վերականգնվող էներգիայի կամ թափոնների նվազեցումը, վերօգտագործումը և վերամշակումը: Ինչպես նաև քայլեր, որ կառավարում են կլիմայի փոփոխության ազդեցության ռիսկերը, ինչպես, օրինակ՝ դիմակայուն ենթակառուցմվածքների ստեղծումը:
Մեզնից յուրաքանչյուրը կարող է էապես նվազեցնել աղբավայր տեղափոխվող աղբի ծավալը: Ահա թե ինչն է վերամշակվում Հայաստանում և ահա թե ինչ կարող ես անել դու:
Կլիմայի փոփոխության խնդրի լուծումը բոլորիս պարտականությունն է
Հենց դու կարող ես քո ներդրումն ունենալ, օրինակ՝ օգտվել հանրային տրանսպորտից կամ կրճատել պլաստիկի սպառումը: Բայց դա բավարար չէ կլիմայի բոլոր ռիսկերը կանխելու համար: Ահա թե ինչու է անհրաժեշտ, որ կառավարությունները համապատասխան կանոնակարգեր սահմանեն:
Ահա ամենօրյա գործողություններ, որ կօգնեն ավելի կանաչ ապրել և մեղմել կլիմայի փոփոխության ազդեցությունը:
Ինչու՞ է կարևոր, որ հենց երիտասարդները մասնակցեն կլիմայի կառավարման գործին
Երիտասարդները կարևոր դերակատարում ունեն կլիմայի պաշտպանության գործում:
Դուք եք զգալու կլիմայի փոփոխության հետևանքները և դուք լիովին իրավունք ունեք մասնակցելու ձեր ապագային վերաբերող որոշումների կայացմանը:
Ոգեշնչվի՛ր Ալլայի և Անիի օրինակից:
Ինչպես կարող ես ԴՈՒ պայքարել կլիմայի փոփոխության դեմ քո համայնքում
Մասնակցի՛ր երկրի կլիմայի պաշտպանության գործիքների ստեղծմանը կամ թարմացմանը, ինչպիսիք են NDCS-ը կամ միացիր խմբերին, որոնք օգնում են կլիմայի քաղաքականության մշակմանը: Եթե մասնակցության գործընթացներ չկան, աջակցիր երիտասարդների համար այդ հնարավարությունների ստեղծմանը:
Ահա, թե էլ ինչ կարող ես անել.
- Միացիր կամ կազմակերպիր տեղական կամ տարածաշրջանային Կլիմայի փոփոխության համաժողով
- Պատմիր կլիմայի փոփոխության մասին սոցիալական մեդիայում:
- Միացիր կլիմայի հետ կապված խմբերին և շարժումներին
- Պահանջիր, որ քո դպրոցը, համայքը, քաղաքը կամ երկիրը դառնան ավելի կայուն։
Տե՛ս թե Նարեկն ինչպես է դա արել և շարունակում անել:
Գրի՛ր մեր Ֆեյսբուքյան կամ Ինստագրամյան էջին, թե կլիմայի փոփոխության ինչ կարևոր հասկացություն ենք բաց թողել և թե էլ ինչի մասին կցանկանայիր ավելին իմանալ:
