Ինչու է կարևոր խոսել երեխայի հետ արտակարգ իրավիճակի մասին

Դիտարկենք արտակարգ իրավիճակների մասին երեխայի հետ խոսելու և չխոսելու հետևանքները

ՅՈՒՆԻՍԵՖ Հայաստան
Մայրը խոսում է աղջկա հետ։
UNICEF Armenia/2020/Margaryan
07 Հոկտեմբեր 2020

Երեխայի համար արտակարգ իրավիճակներում ծնողը դժվար կացության մեջ է հայտնվում և հաճախ չի կողմնորոշվում՝ խոսե՞լ երեխայի հետ իրավիճակի մասին, թե՞ ոչ, պատասխանե՞լ հարցերին, թե՞ շեղել նրան: Դիտարկենք նման իրավիճակների մասին երեխայի հետ խոսելու և չխոսելու հետևանքները ստորև ներկայացվող աղյուսակի միջոցով։

Չխոսելը հանգեցնում է

Խոսելը նպաստում է

երեխայի վախերին ու տագնապին

երեխայի հուզական լարվածության թուլացմանը

մեծահասակների նկատմամբ անվստահության առաջացմանը, ծնող –երեխա կապի թուլացմանը

մտերիմների հետ փոխհարաբերությունների լավացմանը

լքվածության, միայնակության զգացմանը

միմյանց հուզական աջակցությանը

կասկածամտությանը, անհանգստությանը, մեղքի զգացմանը, իրավիճակի վերաբերյալ ենթադրություններին

իրավիճակի վերաբերյալ հասկանալի և հավաստի տեղեկույթի տրամադրմանը

սեփական հույզերը, անհանգստությունները հասկանալու դժվարությանը

կյանքի համար կարևոր կենսափորձի ձեռքբերմանը

Առաջին հայացքից կարող է թվալ, թե եթե մենք երեխային չասենք դժվարությունների մասին, նրան կպաշտպանենք մեծ ու անտանելի ցավից: Սակայն կարևոր է հիշել, որ բոլոր, այդ թվում՝ և բացասական, ապրումները երեխայի կյանքի կարևոր մասն են: Հետևաբար, անհրաժեշտ է երեխային ասել ճշմարտությունը և խոսել նրա հետ այդ մասին:

Արտակարգ իրավիճակ. ինչպես և ինչ խոսել երեխայի հետ

ՅՈՒՆԻՍԵՖ Հայաստան, Ծնողի դպրոց ՀԿ

Սույն նյութը ստեղծվել է Միացյալ Թագավորության կառավարության և անվտանգության հիմնադրամի ֆինանսական աջակցության շնորհիվ։
Բովանդակության համար պատասխանատու է «Ծնողի դպրոց ծնողավարման, կրթական և հոգեբանական աջակցության կենտրոն» հասարակական կազմակերպությունը և պարտադիր չէ, որ այն արտահայտի Միացյալ Թագավորության կառավարության, ինչպես նաև իրականացվող գործընկերների տեսակետները։