Ամեն ինչ սկսվում է այն պահից, երբ մայրիկը երկընտրանքի առաջ է. կերակրել կրծքով, թե ոչ

Էլենի ելույթը Ազգային ժողովում

ՅՈՒՆԻՍԵՖ Հայաստան
Երեխաների համաշխարհային օրվան ընդառաջ ՄԱԿ-ի գրասենյակում փորձի ժամանակ ելույթից հետո Էլենը կանգնել է պաստառների դիմաց և լայն ժպտում է:
UNICEF Armenia/2016/Deem Communications
28 Նոյեմբեր 2017

2017թ. նոյեմբերի 20-ին Հայաստանը միացավ Երեխաների համաշխարհային օրվան նվիրված «Աշխարհը երեխաների կողմից գրավելու» ՅՈՒՆԻՍԵՖ-ի նախաձեռնությանը: Այդ օրը ՀՀ Ազգային Ժողովը միացավ ՅՈՒՆԻՍԵՖ-ի համաշխարհային նախաձեռնությանը՝ խոսափողը գեթ մեկ օրով տրամադրելու երեխաներին:

Ազգային ժողովում հատուկ նիստ կազմակերպվեց, որտեղ զեկուցողները երեխաներն էին, իսկ նիստը վարում էին Ազգային ժողովի նախագահը և մշտական հանձնաժողովների 3 նախագահները: Ներկա էին նաև այլ բարձրաստիճան պաշտոնյաներ և ավելի քան 100 երեխա: Հատուկ նիստը հեռարձակվեց նաև ուղիղ եթերով:

Երեխայի իրավունքների մասին կոնվենցիայի ընդունմամբ աշխարհը երեխաներին խոստացավ, որ իր ուժերի սահմաններում կանի ամենը, որ պաշտպանի և խրախուսի երեխաների՝ կյանքի, զարգանալու, սովորելու, իրենց ամբողջական ներուժին հասնելու և իրենց ձայնը լսելի դարձնելու իրավունքները: 

Նիստի ժամանակ երեխաները հնչեցրեցին իրեցն հուզող խնդիրները ու լուծումների շուրջ իրենց կարծիքները:

Էլենը խոսում է ճիշտ սննդակարգի դերի և վաղ տարիքից առողջ սնվելու սովորույթ ստեղծելու կարևորության մասին: Միացի՛ր և տարածի՛ր այս կոչը:

ՅՈՒՆԻՍԵՖ Հայաստան

«Ինչ լավ կլիներ, եթե դպրոցներում, համալսարաններում ու բոլոր հնարավոր կրթական հաստատություններում մեզ մի քիչ էլ սովորեցնեին հոգ տանել մեր օրգանիզմի մասին»: