Երեխայի խնամքի համակարգի բարեփոխում. Բուլղարիայի փորձի ուսումնասիրում և ներդրում
- Հասանելի է նաև:
- Հայերեն
- English
ԵՐԵՎԱՆ, 8-ը դեկտեմբերի, 2017թ. – ՅՈՒՆԻՍԵՖ-ի հայաստանյան գրասենյակը և Հայաստանում Բուլղարիայի դեսպանատունը ս.թ. դեկտեմբերի 8-ին ստորագրել են համագործակցության համաձայնագիր, որի շրջանակում երկու կողմերը կիրականացնեն 18 ամիս տևողությամբ ծրագիր՝ աջակցելով երեխայի խնամքի համակարգում ներկայումս տեղի ունեցող բարեփոխումներին:
Համաձայնագիրը ստորագրել են Հայաստանում Բուլղարիայի Հանրապետության արտակարգ և լիազոր դեսպան Մարիա Պավլովա Ցոցորկովա-Կայմակչիեվան և Հայաստանում ՅՈՒՆԻՍԵՖ-ի ներկայացուցիչ Տանյա Ռադոչայը:
Համագործակցության նպատակներն են՝ տարաբնույթ միջոցառումների միջոցով երեխայի խնամքի բարեփոխումների ասպարեզում Բուլղարիայի փորձի ուսումնասիրումը և ծնողական խնամքից զրկված երեխաների համար ընտանեկան տիպի խնամքի ծառայության փորձարկումը:
Բուլղարիայի փորձի ուսումնասիրման անհրաժեշտությունը պայմանավորված է այս ասպարեզում ունեցած ծանրակշիռ փորձով, հատկապես այն առումով, որ Բուլղարիայում փակվել կամ վերակազմակերպվել են երեխայի խնամքի և պաշտպանության բոլոր շուրջօրյա հաստատությունները, այդ թվում՝ հաշմանամություն ունեցող երեխաների համար նախատեսվածները:
Ծրագիրը կիրականացվի ՅՈՒՆԻՍԵՖ-ի կողմից՝ ՀՀ աշխատանքի և սոցիալական հարցերի նախարարության հետ համագործակցությամբ:
Մամուլի հարցերով պատասխանատու
ՅՈՒՆԻՍԵՖ-ի մասին
ՅՈՒՆԻՍԵՖ-ը (ՄԱԿ-ի մանկական հիմնադրամը) երեխայի իրավունքների գծով համաշխարհային առաջատարն է, որի գործունեության նպատակն է՝ յուրաքանչյուր երեխայի համար ամենուրեք ապահովել հավասար հնարավորություններ՝ հատուկ ուշադրություն դարձնելով ամենակարիքավոր և խոցելի երեխաներին:
Լրացուցիչ տեղեկությունների համար այցելե՛ք www.unicef.org
Հետևե՛ք ՅՈՒՆԻՍԵՖ-ին Ֆեյսբուքում և Թվիթերում
