Ինչպե՞ս մասնակցել ՄԱԿ-ի` Կլիմայի փոփոխության համաժողովին
Դիմել կարող են կազմակերպություններ, անհատներ, քաղաքացիական հասարակության ներկայացուցիչներ, քաղաքներ, մարզեր, երկրներ և իհարկե՝ երիտասարդներ:
2021թ նոյեմբերի 1-12-ը Գլազգոյում կայանալիք ՄԱԿ-ի` Կլիմայի փոփոխության համաժողովի մասնակցության հայտերն ընդունվում են մինչև մարտի 5-ը:
Դիմել կարող են կազմակերպություններ, անհատներ, քաղաքացիական հասարակության ներկայացուցիչներ, քաղաքներ, մարզեր, երկրներ և իհարկե՝ երիտասարդներ: Եթե հետաքրքրված եք, ունեք գաղափարներ կամ ծրագրեր՝ կլիմայի փոփոխության դեմ պայքարելու կամ վնասները նվազեցնելու վերաբերյալ, ուրեմն նոյեմբերի 1-12-ի համաժողովը ձեզ համար լավ հնարավորությունն է:
Համաժողովի մասին՝
Մեծ Բրիտանիան 2021թ. նոյեմբերի 1-12-ը Գլազգոյում կանցկացնի ՄԱԿ-ի՝ Կլիմայի փոփոխության համաժողովը, որը հայտնի է COP26 անվանումով: Կլիմայի փոփոխության շուրջ այս քննարկումը կլինի Մեծ Բրիտանիայի՝ երբևէ հյուրընկալած ամենամեծ միջազգային համաժողովը: Քննարկմանը կմասնացեն պետությունների ղեկավարներ, կլիմայի փոփոխության փորձագետներ, երիտասարդներ, քաղաքացիական հասարակության, արհմիությունների ներկայացուցիչներ և բնիկներ որպեսզի կլիմայի փոփոխության դեմ պայքարի համաձայնեցված գործողությունների ցանկ մշակեն: Սա, իհարկե, հեշտ մարտահրավեր չէ, բայց մենք պետք է միասին աշխատենք և ջանքեր գործադրենք՝ փրկելու բոլորիս շրջակա միջավայրը:
ՄԱԿ-ի Կլիմայի փոփոխության գործընթացն այդ հավաքական գործողությունների կարևոր մասն է:
Անհրաժեշտ է որպեսզի կառավարությունները, քաղաքները, ձեռնարկությունները, գիտական համայնքն ու քաղաքացիական հասարակությունը և անհատները միասին աշխատեն՝ տնտեսության վերափոխումն արագացնելու, կլիմայի փոփոխության անխուսափելի ազդեցությունները հաղթահարելու և գլոբալ արտանետումների կորը շեղելու ուղղությամբ:
Համաժողովի թեմաները՝
- օգնել համայնքներին հարմարվել և պատրաստվել կլիմայի փոփոխության ամենավատ ազդեցություններին
- պաշտպանել և վերականգնել բնական միջավայրերը և էկոհամակարգերը՝ մոլորակի կենսաբազմազանությունը պահպանելու համար
- արագացնել անցումը դեպի մաքուր էներգիա`խթանելով քիչ ծախսատար վերականգնվող աղբյուրների օգտագործումն ու պահեստավորումը
- մաքրել բոլորիս օդը` արագացնելով զրոյական արտանետման տրանսպորտային միջոցների օգտագործումն ամբողջ աշխարհում
- խրախուսել և բացահայտել մեր ֆինանսական համակարգերի զարգացումն ու կանաչ աշխատատեղերի ստեղծումը
- քաղաքների ու շինությունների դերը զրոյական արտանետումների հասնելու ճանապարհին
Այս ամենն, իհարկե, անհնար է իրականացնել առանց երիտասարդների, ովքեր նոր շունչ կարող են հաղորդել կլիմայի փոփոխությանն ուղղված գործընթացին:
Համաժողովին անհատական և խմբային ծրագրերով դիմելու կարգը՝
- Ավելի քան 250 աշխատող ունեցող խոշոր բիզնեսները պետք է անդամագրվեն Գիտելիքահեն թիրախների և/կամ Դեպի զրո արտանետում մրցավազքին:
- ՓՄՁ-ները, քաղաքները մարզերը և տեղական ինքնակառավարման մարմինները պետք է անդամագրվեն «Դեպի զրո արտանետում» մրցավազքին SME Climate Hub-ի միջոցով:
- Քաղաքացիական հասարակության կազմակերպություններից (ՀԿ-ներ, ակտիվիստներ, կրոնական կազմակերպություններ), դպրոցներից, համալսարաններից, քոլեջներից և անհատներից հատուկ պարտավորություններ չեն պահանջվում:
Ավելի մանրամասն տեղեկատվության համար կարող եք այցելել հետևյալ էջերը՝ Together for Our Planet - Together For Our Planet (ukcop26.org) կամ Introduction (eventscloud.com)
Գրանցվեք՝ COP26 Participation - New Registration (eventscloud.com)
Մասնակցության և գրանցվելու հետ կապված հարցերի դեպքում կարող եք նաև գրել ՅՈՒՆԻՍԵՖ-ի Ֆեյսբուքյան էջին։
