“Tirana me një pikë të re aksesi të internetit të sigurt, në shërbim të fëmijëve dhe familjeve”

Pedonalja e Tiranës tashmë me “Friendly Wi-Fi”

23 Korrik 2019
wifififfifif
UNICEF/Albania

Tiranë, 18 korrik 2019 – UNICEF dhe Bashkia Tiranë përuruan pikën e re të aksesit të internetit të sigurt “Friendly Wi-Fi” në zonën e pedonales “Murat Toptani”. Kjo është pika e dytë në qytetin e Tiranës, ku fëmijët dhe familjet mund të aksesojnë internet të sigurt, pa u shqetësuar se mund të hasin në rrjet përmbajtje të papërshtatshme. Pika e parë e aksesit, e cila ndodhet në Parkun e Liqenit Artificial të Tiranës, u përurua në muajin prill. 

Gjatë aktivitetit ndërgjegjësues mbi rreziqet në internet dhe mënyrat e mbrotjes, prindër, mësues, adoleshentë dhe fëmijë të moshave të ndryshme u prezantuan me mënyrën se si funksionon “Friendly Wi-Fi”, si dhe u përfshinë në lojrat edukative dhe aktivitetet argëtuese. 

“Friendly Wi-Fi” është një shërbim i çertifikuar, me bazë në Mbretërinë e Bashkuar, i cili mundëson që përmbajtja online të filtrohet nga materialet e paligjshme dhe pornografia. Në Shqipëri, kjo risi vjen nga UNICEF, si rezultat i zbatimit të një programi më të gjerë rreth sigurisë online për fëmijët. Nisma ka për qëllim t’u ofrojë familjeve dhe fëmijeve një alternativë më të sigurtë dhe të përshtatshme gjatë lundrimit të tyre në internet.

Roberto De Bernardi, përfaqësuesi i UNICEF në Shqipëri falenderoi Bashkinë e Tiranës dhe ABCom për kontributin e tyre në zgjerimin e hapësirave “miqësore” me wi-fi falas në qytetin e Tiranës si dhe në punën e përbashkët për të mbrojtur fëmijët nga rreziqet që mund të hasin në internet.

Përfaqësuesi i Bashkisë në Tiranë Ermir Puka u shpreh se kjo është nismë që ndihmon Wi-Fi publike në Tiranë që të jenë më “miqësorë” me fëmijët. Nepërmjet filtrave te vendosur nga ABCOM, prinderit dhe femijet jane te sigurt se materialet e dëmshme si pornografia nuk mund të aksesohen më. 

UNICEF, me mbështetjen financiare të programit “T’i japim fund dhunës kundër fëmijëve”, do të vazhdojë të zgjerojë konceptin e “Friendly Wi-Fi” me pika të tjera aksesi të internetit të sigurtë në qytetet kryesore të vendit, me qëllim angazhimin në mënyrë aktive të fëmijëve dhe adoloshentëve, si krijuesit më të mirë të ndryshimit.
 

Kontaktet e medias

Anila Miria

Përgjegjëse për Marrëdhëniet me Publikun

UNICEF

Tel: +35569 20 29 021

Tel: +35569 20 24 185

Përmbajtja multimediale

website

Mësoni më shumë mbi iniciativën Friendly Wifi Albania në faqen e webit:

Rreth UNICEF-it

UNICEF-i promovon të drejtat dhe mirëqenien e çdo fëmijë gjatë të gjitha veprimtarive të tij. Së bashku me partnerët tanë, ne punojmë në 190 vende dhe territore për ta përkthyer këtë angazhim në veprime konkrete, duke bërë përpjekje të veçanta për të arritur fëmijët më vulnerabël dhe të përjashtuar, në mënyrë që të gjithë fëmijët kudo që janë të mund të përfitojnë.

Për më tepër informacion rreth UNICEF-it në Shqipëri dhe punës së tij, vizitoni: www.unicef.org/albania.

Niqeni UNICEF Shqipëri në mediat sociale si:  YouTube, Instagram dhe Facebook